គោលនយោបាយ -ការរស់នៅ គោលនយោបាយ

08/02/2021 - 15:41

បាកលីវ អនុវត្តល្អការងារកាត់បន្ថយភាពក្រីក្រដោយចីរភាព

ខេត្តបាកលីវ បានកៀរគរប្រភពទុនពីកម្មវិធី គម្រោងជាច្រើន ដើម្បីវិនិយោគជូនគ្រួសារក្រីក្រ។ ឆ្លងតាមរយៈនោះ អត្រាគ្រួសារក្រីក្រលើភូមិសាស្រ្តខេត្ត កាត់បន្ថយមធ្យមភាគ៣%ក្នុងមួយឆ្នាំ។

គណៈជនជាតិនិងសាសនាខេត្តបាកលីវ ជូនអំណោយដល់មាមីងខ្មែរក្រីក្រ។

យោងតាមមន្ទីរការងារ យុទ្ធជនពិការនិងសង្គមកិច្ច ខេត្តបាកលីវ អនុវត្តកម្មវិធីការងារធ្វើនិងកាត់បន្ថយភាពក្រីក្រដោយចីរភាព ដំណាក់កាល ២០១៦- ២០២០ ខេត្តបានចំណាយថវិកា ២៦ ពាន់លានដុងពីប្រភពថវិកាភូមិភាគ អនុវត្តកិច្ចប្រគល់ការឱ្យបុលទុន ដោះស្រាយការងារធ្វើ និងកាត់បន្ថយភាពក្រីក្រ។ ក្រៅពីនោះ ខេត្តនៅទាំងចលនាសប្បុរសជនក្នុងនិងក្រៅខេត្ត រួមវិភាគទានបានជាង ៥១២ ពាន់លានដុងជូនមូលនិធិដើម្បីអ្នកក្រនិងសុខុមាលភាពសង្គមខេត្ត។ ភូមិភាគនានាជំនួយឧបករណ៍ មធ្យោបាយផលិត ពូជដំណាំ សត្វចិញ្ចឹម បុលទុននិងណែនាំរបៀបរកស៊ីដល់គ្រួសារក្រីក្រជិត ២៤.០០០ គ្រួសារ ឧបត្ថម្ភ ៧៨ ទម្រង់ពង្រីកការផលិត ពិពិធកម្មរបររកស៊ីជូនគ្រួសារក្រីក្រ គ្រួសារប្រកៀកបន្ទាត់ក្រជាជនជាតិភាគតិចជិត ៣.០០០ គ្រួសារ។ ឆ្លងតាមរយៈនោះ បានលេចឡើងទម្រង់កាត់បន្ថយភាពក្រីក្រជាច្រើនប្រកបដោយចីរភាព មានដូច៖ ទម្រង់ចិញ្ចឹមបង្កងគួបផ្សំនឹងផលិតស្រូវ ដាំដំណាំរួមផ្សំគួបផ្សំនឹងចិញ្ចឹមជ្រូក ត្បាញបន្ទោះគួបផ្សំនឹងចិញ្ចឹមសត្វ ចិញ្ចឹមពពែ ចិញ្ចឹមគ្រែងឈាម បង្កង និងមាន់ជាដើម។ បងត្រឿងវៃ នៅភូមិយុងយឿA ឃុំវិញត្រាច់ដុង ក្រុងបាកលីវ ឱ្យដឹង៖ “អាស្រ័យរដ្ឋអំណាចភូមិភាគពិនិត្យសង់ផ្ទះជូន និងឱ្យបុលទុនជួលដីដាំដុះ ចិញ្ចឹមសត្វ ព្រមទាំងណែនាំបច្ចេកទេស ម៉្លោះហើយគ្រួសារខ្ញុំមានលក្ខណៈពង្រីកសេដ្ឋកិច្ច។ គ្រួសារខ្ញុំមានផ្ទះនៅលំនឹង ទិញបានដី ២ កុងសម្រាប់ដាំដុះ និងទិញបានត្រាក់ទ័រមួយគ្រឿងសម្រាប់ធ្វើសេវាកម្មភ្ជួររាស់ដី”។

លោកស្រីង្វៀងធ្វីញឺ នាយិកាមន្ទីរការងារ យុទ្ធជនពិការនិងសង្គមកិច្ចខេត្តបាកលីវ ឱ្យដឹង៖ កាលពីដើមឆ្នាំ ២០១៦ អត្រាគ្រួសារក្រីក្ររបស់ខេត្តមានជាង ១៥,៥% មកទល់នឹងបច្ចុប្បន្ន ថយចុះនៅក្រោម ១% ។ លទ្ធផលទាំងនេះ បានមកដោយការព្រួតដៃរបស់ទូទាំងប្រព័ន្ធនយោបាយ និងការខិតខំឈានឡើងចាកផុតពីភាពក្រីក្ររបស់ប្រជាជន ពិសេស គឺគ្រួសារជនជាតិខ្មែរ។ នៅពេលខាងមុខ ខេត្តនឹងអាទិភាពវិនិយោគប្រភពទុនកាត់បន្ថយភាពក្រីក្រនៅឃុំតំបន់ជ្រៅ តំបន់ដាច់ស្រយាល តំបន់មានជនជាតិភាគតិចរស់នៅកុះករ ជួយឱ្យមុខសញ្ញាទាំងនេះកាត់បន្ថយភាពក្រីក្រដោយចីរភាព៕

លីធាន-មុនី

ចែករំលែកអត្ថបទ

ពាក្យគន្លឹះ