មហាសាមគ្គីជនជាតិ គំរូក្នុងសហគមន៍

19/01/2021 - 08:21

គំនិតច្នៃប្រតិដ្ឋរបស់យុទ្ធជនជនជាតិខ្មែរ

ក្នុងការចលនា "យុវជនម្នាក់ មានគំនិតច្នៃប្រតិដ្ឋមួយ" នៅកងពលធំ ៣៣០ មានគំនិតច្នៃប្រតិដ្ឋ "ស្រោចទឹកជាតំណក់ច្នៃពីដបជ័រ" របស់ពលឯក ថាច់មិត្ត យុទ្ធជនកងអនុសេនាធំលេខ ៣ កងវរសេនាតូច SPG-៩ ត្រូវបានវាយតម្លៃខ្ពស់ ដ្បិតថាមានប្រសិទ្ធភាពក្នុងការថែទាំផ្ការុក្ខជាតិលម្អនៅក្នុងអង្គភាព។

ពលឯក ថាច់មិត្ត ជាមួយនឹងគំនិតច្នៃប្រតិដ្ឋ "ស្រោចទឹកជាតំណក់ច្នៃពីដបជ័រ"។

កើតនិងធំដឹងក្ដីនៅទីរួមខេត្តវិញចូវ (សុកត្រាំង) តាំងពីនៅតូច ថាច់មិត្ត បានបង្ហាញនូវភាពជក់ចិត្តដិតអារម្មណ៍នឹងរុក្ខជាតិលម្អ។ រយៈពេលសិក្សាកម្រិតអនុវិទ្យាល័យ ថាច់មិត្ត ជាសិស្សឆ្នើមរបស់ថ្នាក់ ចូលរួមរាល់សកម្មភាពចលនា មានដូច ប្រឡងបង្កើតវត្ថុច្នៃពីសំរាម ឆ្លៀតយកប្រភេទកាកសំណល់ប្លាស្ទិចដែលប្រើរួច ។ល។ ថាច់មិត្ត នៅថែមទាំងស្វ័យសិក្សានូវរបៀបកាត់ពត់រុក្ខជាតិលម្អអំពីសំណាក់មីងពូក្នុងភូមិទៀតផង។ ស្ថានភាពគ្រួសារក្រលំបាក ថាច់មិត្ត បោះបង់ការសិក្សានៅពេលកំពុងរៀនថ្នាក់ទី ៩ ដើម្បីជួយការងារគ្រួសារ។

ដើមឆ្នាំ ២០១៩ ថាច់មិត្ត ស្ម័គ្រចិត្តចូលបម្រើកងទ័ពក្នុងកងពលធំ ៣៣០ ។ ជាមួយនឹងស្នាដៃប៉ិនប្រសប់និងជក់ចិត្តដិតអារម្មណ៍ ច្នៃប្រតិដ្ឋ ថាច់មិត្ត ក៏ស្ម័គ្រចិត្តចូលក្រុមថែទាំរុក្ខជាតិលម្អរបស់អង្គភាព។ "ចាប់តាំងពីនោះមក ប្រព័ន្ធរុក្ខជាតិលម្អ សួនផ្ការបស់កងអនុសេនាធំនិងកងវរសេនាតូច តែងបានថាច់មិត្ត រួមជាមួយនិងបងប្អូនក្នុងក្រុមថែទាំកាត់តម្រឹម បង្កើតសណ្ឋានប្រកបដោយសោភណភាពខ្ពស់ ដើមឈើលូតលាស់ល្អ ចេញផ្កាទៀងទាត់។ ជាគន្លឹះមួយសម្រាប់ថែទាំរុក្ខជាតិលម្អ សួនផ្កាលូតលាស់ល្អរបស់ថាច់មិត្ត គឺវិធីសាស្រ្ត "ស្រោចទឹកជាតំណក់ច្នៃពីដបជ័រ"។ ទម្រង់កំពុងបានពង្រីកទូលាយក្នុងទូទាំងកងវរសេនាតូច" វរសេនីយ៍ត្រី ង៉ោភូយ៉ាង ស្នងការនយោបាយ អនុប្រធានកងវរសេនាតូច SPG-៩ ឱ្យដឹងដូច្នោះ។

ចែករំលែកពីគំនិតច្នៃប្រតិដ្ឋនេះ ថាច់មិត្ត រៀបរាប់ ៖ "បន្ទាប់ពីស្វែងយល់ ខ្ញុំពិនិត្យឃើញរបៀបស្រោចទឹកដោយធុង គឺបរិមាណទឹកដែលរុក្ខជាតិស្រូបបានពី ៣០-៤០% ក្រៅពីនោះគឺហួតអស់ ដ្បិតដីនៅទីនេះល្បាយខ្សាច់ ម្ល៉ោះហើយជ្រាបទឹករហ័ស ដីឆាប់ស្ងួតបំផុត គឺរដូវប្រាំង។ ផ្ដើមពីនោះ ខ្ញុំរួមជាមួយនិងក្រុមថែទាំរុក្ខជាតិលម្អ រើសយកកាកសំណល់ដបជ័រ ហើយយកដែកគោលចោះរន្ធតូចនៅលើគម្របដប កាត់បាតដបសម្រាប់ចាក់បញ្ចូលទឹក ។ កប់សំយុងមាត់ដបចុះជម្រៅប្រហែល ១/៣ នៃដបជុំវិញគល់រុក្ខជាតិលម្អ រួចចាក់ទឹកចូលឱ្យពេញដប ដើម្បីតំណក់ទឹកជ្រាបសន្សឹមៗទៅឫសឈើ។ រវាងពី ១ ដល់ ២ សប្ដាហ៍ខ្ញុំលាយជីដាក់បញ្ជូលដើម្បីផ្គត់ផ្គង់ជាតិបំប៉ន។ ដោយផ្អែកតាមកម្រិតនៃរុក្ខជាតិដែលត្រូវការបរិមាណទឹក ដើម្បីរៀបដាក់ចម្ងាយរវាងដបជ័រឱ្យសមស្រប"។

មុននោះ ថាច់មិត្ត នៅទាំងបានមិត្តរួមកង ដឹងស្គាល់ជាមួយនឹងទង្វើជាក់ស្ដែង ប៉ុន្តែ សាមញ្ញនាំមកប្រសិទ្ធភាពជាក់ស្ដែង មានដូច៖ ផលិតថ្នាំកំចាត់ដង្កូវអំពីខ្ញី ម្ទេស និងខ្ទឹម; ច្នៃដបជ័រ ធុងជ័រដែលប្រើរួចហើយឱ្យក្លាយផើងផ្កាសម្រាប់តុបតែងលម្អ; បំបៅផ្សាំមែករុក្ខជាតិលម្អ។ល។ "គំនិតច្នៃប្រតិដ្ឋ រវៀសរវៃរបស់ ថាច់មិត្ត មិនត្រឹមតែមានទេពកោសល្យ ភាពជក់ចិត្តដិតអារម្មណ៍ប៉ុណ្ណោះទេ នៅទាំងសម្ដែងនូវការផ្សារភ្ជាប់ ស្រឡាញ់អង្គភាព ចាត់ទុកថានេះជាផ្ទះទីពីររបស់ខ្លួនទៀតផង" វរសេនីយ៍ត្រី ង៉ោភូយ៉ាង ឱ្យដឹងដូច្នោះ៕

កៀងយ៉ាង - ថាញញឹង- ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ