សន្តិសុខ - ការពារប្រទេស ការពារប្រទេស

14/12/2020 - 15:41

កិច្ចសហប្រតិបត្តិការការពារសន្ដិសុខសណ្ដាប់ធ្នាប់ព្រំដែន តំបន់សមុទ្រ

(គៀងយ៉ាង) នៅប៉ុស្ដិ៍ការពារព្រំដែនច្រកទ្វារអន្តរជាតិហាតៀង បញ្ជាការដ្ឋានកងទ័ពការពារព្រំដែនខេត្តគៀងយ៉ាង ទើបមានកិច្ចប្រជុំជាមួយនឹងនាយកដ្ឋាននគរបាលខេត្តកំពត (ព្រះរាជាណាចក្រកម្ពុជា) សំដៅវាយតម្លៃពីលទ្ធផលនៃកិច្ចសហប្រតិបត្តិការការពារសន្ដិសុខ សណ្ដាប់ធ្នាប់ព្រំដែន តំបន់សមុទ្រ ឆ្នាំ ២០២០។

អង្គភាពទាំងពីរបានចុះហត្ថលេខាលើអនុស្សរណៈឆ្នាំ ២០២១។

តាមការវាយតម្លៃរបស់បញ្ជាការដ្ឋានកងទ័ពការពារព្រំដែនខេត្តគៀងយ៉ាង និងនាយកដ្ឋាននគរបាលខេត្តកំពត ឆ្នាំ ២០២០ កម្លាំងសមត្ថកិច្ចភាគីទាំងពីរ បានសហការផ្សព្វផ្សាយ អប់រំប្រជាជន អនុវត្តនិងចូលរួមការពារខ្សែបន្ទាត់ព្រំដែន បង្គោលខ័ណ្ឌសីមា។ គោរពនូវអនុសញ្ញាសន្ធិសញ្ញាស្ដីពីព្រំដែននិងកិច្ចព្រមព្រៀងដែលចុះកិច្ចសន្យាស្ដីពីការគ្រប់គ្រង ការពារព្រំដែនរបស់រដ្ឋាភិបាលនៃប្រទេសទាំងពីរ។ កម្លាំងសមត្ថកិច្ចភាគីទាំងពីរ ម្ចាស់ការអនុវត្តម៉ឺងម៉ាត់រាល់ឯកសារ ដែលរដ្ឋាភិបាលនៃប្រទេសទាំងពីរស្ដីពីការបង្ការ ប្រឆាំងជំងឺ COVID-១៩ ។ល។ ភាគីទាំងពីរ ចាត់តាំងកងកម្លាំងធ្វើការត្រួតពិនិត្យ ដំណើរការកសាងផ្លូវយាមល្បាតព្រំដែននៅខាងវៀតណាម និងដំណើរការកសាងផ្លូវខ្សែក្រវាត់ព្រំដែននៅខាងកម្ពុជា។

ក្នុងកិច្ចប្រជុំ បញ្ជាការដ្ឋានកងទ័ពការពារព្រំដែនខេត្តគៀងយ៉ាង និងនាយកដ្ឋាននគរបាលខេត្តកំពត បានឯកភាពរយៈពេលខាងមុខនឹងបន្តអនុវត្តល្អការងារផ្សព្វផ្សាយ ចលនាប្រជាជននៅសងខាងព្រំដែន ពេលឆ្លងដែនទៅមក ត្រូវអនុវត្តឱ្យបានត្រឹមត្រូវនូវអនុសញ្ញា សន្ធិសញ្ញាស្ដីពីលក្ខន្តិកៈព្រំដែន ច្រកទ្វារព្រំដែន អនុសញ្ញាស្ដីពីតំបន់ទឹកប្រវត្តិសាស្រ្ត ចុះថ្ងៃ ៧/៧/១៩៨២ និងខ្លឹមសារនៃកិច្ចព្រមព្រៀងនានាដែលភាគីទាំងពីរបានចុះហត្ថលេខា។ ភាគីទាំងពីរ បង្កើនកិច្ចសហការក្នុងការតាមដាន ដោះដូរ ផ្ដល់ព័ត៌មានពីស្ថានភាពដែលពាក់ព័ន្ធនឹងសន្ដិសុខសណ្ដាប់ធ្នាប់ព្រំដែន ជំងឺ COVID-១៩ ជាដើម។ល។ បើមានករណីបំពានលក្ខន្ដិកៈព្រំដែនរបស់ពលរដ្ឋនៃប្រទេសទាំងពីរ ឬប្រទះឃើញនេសាទករនៃប្រទេសទាំងពីរបំពានតំបន់ សមុទ្រ គឺរាយការណ៍ជូនប៉ុស្ដិ៍ កងវរសេនាតូច កងអនុសេនាធំ ប៉ុស្ដិ៍ការពារព្រំដែន ដែលនៅជិតបំផុត ដើម្បីរួមគ្នាឯកភាពចាត់វិធានការដោះស្រាយសមស្របតាមច្បាប់ និងទម្លាប់អន្តរជាតិ៕

ឡេស៊ាង - ថាច់ធី

ចែករំលែកអត្ថបទ

ពាក្យគន្លឹះ