មហាសាមគ្គីជនជាតិ ភូមិស្រុកផ្លាស់ថ្មី

28/09/2020 - 16:40

ឡុង​ហេបសម្រេច​គ្រប់​បទ​ដ្ឋាន​ជន​បទ​ថ្មី​

លោក​គឹម​ថា​ អនុលេខា​គណៈ​កម្មា​ធិការ​បក្ស​ឃុំ​ឡុង​ហេប ស្រុក​ថ្កូវ​ ខេត្ត​ត្រា​វិញ​ មាន​ប្រ​សាសន៍​៖   “អា​ស្រ័យ​សកម្ម​ឃោ​សនា​ចលនា​ប្រ​ជា​ជន​ចូល​រួម​កសាង​ជន​បទ​ថ្មី​ មក​ដល់​ពេល​នេះ​ ឡុង​ហេប បាន​សម្រេច​ទាំង​ ១៩/១៩ លក្ខឋាន​។​ ហើយ​កំ​ពុង​រៀប​ចំ​បង្ហា​ញ​់មុខ​ឃុំ​ជន​បទ​ថ្មី​។​

ដង​ផ្លូវ​ដាំ​ផ្កា​នៅ​ឃុំ​ឡុង​ហេប។​

លោកគឹម​ថា​ បាន​ឱ្យ​ដឹង​៖ ឡុង​ហេប ទទួល​បាន​លទ្ធ​ផល​ដូច​រំពឹង​ទុក​គឺដោយ​សារ​ការ​ខិត​ខំ​យ៉ាង​ពេញ​ទំ​ហឹង​ក្នុង​ទូទាំង​ប្រ​ព័ន្ធ​ន​យោ​បាយ​និង​ប្រ​ជា​ជន​។​ ជាឃុំ​កសិកម្ម​ មាន​ ៧ ភូមិ​ ដោយ​មាន​ប្រ​ជា​ជន​រស់​នៅ​ចំ​នួន​ ១.៨៧៩ គ្រួ​សារ​ ក្នុង​នោះ​គ្រួ​សារ​ជន​ជាតិ​ខ្មែរ​ស្រូប​អត្រា​ជា​ង​ ៨៥%។​ ទោះ​បីនៅ​ជួប​ការ​លំ​បាក​ជាច្រើន​ក៏​ដោយ​ ប៉ុន្តែ​ប្រ​ជា​ជន​បាន​ចូល​រួម​យ៉ាង​សកម្ម​ក្នុង​ចលនា​កសាង​ជន​បទ​ថ្មី​និង​ការ​ចលនា​“ទូទាំង​ប្រ​ជា​ជន​ សាម​គ្គី​កសាង​ជន​បទ​ថ្មី​និង​ទីក្រុង​អរិយធម៌​”។​ នៅ​ឆ្នាំ​ ២០១៩ គណៈ​កម្មា​ធិការ​បក្ស​និង​គណៈ​កម្មា​ធិការ​ប្រ​ជា​ជន​ឃុំ​បាន​បំ​ផុស​ចលនា​ពិធីប្រ​ឡង​“ ផ្លូវ​ផ្កា​ជន​បទ​ថ្មី​” មាន​ភូមិ​ទាំង​ ៧ បាន​ចូល​រួម​។​ ពិធី​ប្រ​ឡង​បាន​កំ​ណត់​៖ ភូមិ​នីមួយ​ៗ​ត្រូវ​ដាំ​និង​ថែរ​ផ្លូវ​ផ្កា​ដែល​មាន​ប្រ​វែង​យ៉ាង​តិច​ ៥០០ម និង​កសាង​ភូមិ​សម្រេច​បទ​ដ្ឋាន​ភូមិ​វប្បធម៌​ ធានា​នូវ​លក្ខឋាន​ បរិស្ថាន​ជន​បទ​ថ្មី​។​

មិន​ត្រឹម​តែសកម្ម​ចូល​រួម​ក្នុង​ចលនា​ប៉ុណ្ណោះ​ទេ​ ភូមិ​តាសឹក​ ក៏​បាន​បង្កើត​ក្រុម​ស្វ័យ​គ្រប់​គ្រង​ការ​ពារ​បរិស្ថាន​ភ្លឺ​បៃតង​ ជ្រះ​ ស្អាត​ ដោយ​មាន​សមាជិក​ ៣៥ នាក់។​ លោក​គឹម​ភឿក ប្រ​ធាន​ក្រុម​ស្វ័យ​គ្រប់​គ្រង​ការ​ពារ​បរិស្ថាន​ភ្លឺ​ បៃតង​ ជ្រះ​ ស្អាត​ បាន​ឱ្យ​ ដឹង​៖ “ ក្រុម​ស្វ័យ​គ្រប់​គ្រង​ការ​ពារ​បរិស្ថាន​ភូមិ​តាសឹក​ ត្រូវ​បាន​បង្កើត​ឡើង​ដើម្បី​ចលនា​ប្រ​ជា​ជន​ចេញ​កម្លាំង​រួម​គ្នា​ប្រ​មូល​សំ​រាម​ អនា​ម័យបរិស្ថាន​។​ ជាពិសេស​ដើម្បី​ដាំ​និង​ថែទាំ​ផ្លូវ​ផ្កា​ដែល​មាន​ប្រ​វែង​ជិត​ ១ គីឡូ​ម៉ែ​ត្រនៅ​តាម​ដង​ផ្លូវ​ភូមិ​លេខ​ ៣៦។​ ដើម្បី​សម្រេច​ផ្លូវ​ផ្កា​តាម​ពេល​កំ​ណត់​ សមាជិក​ក្នុង​ក្រុម​បាន​ប្តូរ​វេន​គ្នា​ដាំ​ផ្កា​ ថែទាំ​ ជម្រះ​ស្មៅ​និង​ស្រោច​ទឹក​ជារៀង​រាល់​ថ្ងៃ​ ។​ អា​ស្រ័យ​ហេតុ​នោះ​ផ្លូវ​ផ្កា​ភូមិ​តា សឹក​ទទួល​បាន​រង្វាន់​លេខ ១ ” ។​

ដំ​ណើរការ​កសាង​ជន​បទ​ថ្មី​ បាន​ជួយ​ឱ្យ​ប្រ​ជា​ជន​ខ្មែរ​មាន​លក្ខណ​សម្បត្តិ​ដើម្បី​អភិវឌ្ឍ​សេដ្ឋ​កិច្ច​ និង​បង្កើន​ប្រាក់​ចំ​ណូល​។​ ក្នុង​រយៈ​ពេល​ ៦ ខែ​ដើម​ ឆ្នាំ​ ២០២០ ប្រាក់​ចំ​ណូល​ជាមធ្យម​លើ​មនុស្ស​ម្នាក់ៗ​ នៅ​ឃុំ​ឡុង​ហេបសម្រេច​ ៥១,៧៥ លាន​ដុង​/នាក់/ឆ្នាំ​ កើន​ ២,៩៦ លាន​ដុង​/នាក់/ឆ្នាំ​ បើ​ប្រៀប​នឹង​ ឆ្នាំ​២០១៩ ។​ ចំ​នួន​គ្រួ​សារ​ក្រី​ក្រថយ​ចុះ​ ១០៤ គ្រួ​សារ​ គ្រួ​សារ​ប្រ​ជា​ជន​ទាំង​ ១០០% មាន​ទឹក​ស្អាត​ប្រើ​ប្រាស់​ ស្រប​អនា​ម័យនិង​គ្រួ​សារ​ជាង​ ៩៨% មាន​អគ្គិ​សនី​ប្រើ​ប្រាស់​។​ល។​៕​

                                   សើុង​ម៉ាល័យ​-សុផន

 

ចែករំលែកអត្ថបទ