សន្តិសុខ - ការពារប្រទេស ការពារប្រទេស

24/08/2020 - 16:39

មានទម្រង់ល្អៗជាច្រើនក្នុងការការពារសន្តិសុខមាតុភូមិ

អនុវត្តសេចក្ដីសម្រេចលេខ ៥២១/QĐ-TTg ចុះថ្ងៃ ១៣/៦/២០០៥ របស់នាយករដ្ឋមន្រ្តីនៃរដ្ឋាភិបាលអំពីការចាត់តាំងទិវាទូទាំងប្រជាជនការពារសន្ដិសុខមាតុភូមិ ដំណាក់កាល ២០១៥ -២០២០ លើភូមិសាស្រ្ដខេត្តសុកត្រាំង ឃើញថាមានទម្រង់ល្អៗ មានប្រសិទ្ធភាពជាច្រើនក្នុងចលនាទូទាំងប្រជាជនការពារសន្តិសុខមាតុភូមិ។

សាលាមធ្យមសិក្សាបំពេញវិជ្ជាបាលីណាមបូ ចុះកិច្ចព្រមព្រៀងអនុវត្តលក្ខន្តិកៈ“គ្មាន៤យ៉ាង”ក្នុងសាលារៀន។

នគរបាលខេត្តសុកត្រាំង ជូនប័ណ្ណសរសើរដល់សមូហភាពនិងបុគ្គលសម្រេចស្នាដៃឆ្នើមក្នុងចលនា។

តាមគណៈចង្អុលការបង្ការបង្រ្កាបបទល្មើស បាបគ្រោះសង្គម និងកសាងចលនាទូទាំងប្រជាជនការពារសន្ដិសុខមាតុភូមិខេត្តសុកត្រាំង កម្លាំងនគរបាលបានសហការជាមួយនឹងគ្រប់មន្ទីរ គណៈផ្នែកនិងរដ្ឋអំណាចមូលដ្ឋាន ណែនាំកសាងទម្រង់”ធានាសន្ដិសុខសណ្ដាប់ធ្នាប់”ចំនួន ៦៣ ទម្រង់។ ក្នុងនោះ មានទម្រង់ជាច្រើននាំមកប្រសិទ្ធភាពក្នុងការបង្ការ ប្រទះឃើញបរិហារបទល្មើស មានដូច៖ ទម្រង់”កាមេរ៉ាសន្ដិសុខ” “ភ្លើងបំភ្លឺតាមដងផ្លូវភូមិ” “អនុសង្កាត់ ភូមិ បន្ថយបទល្មើសនិងបាបគ្រោះសង្គម” “បង្ការបាបគ្រោះ គ្រឿងញៀន និងអំពើហិង្សាក្នុងសាលារៀន” “សម្លេងឧឃោសនស័ព្ទសន្តិសុខ”។ល។ ទម្រង់ទាំងនេះបានពង្រឹងធ្វើឱ្យសុក្រឹត និងពង្រីកជាលំដាប់ បម្រើការងារឃោសនាល្អ ផ្សព្វផ្សាយច្បាប់ បង្ការបង្រ្កាបបទល្មើស បាបគ្រោះសង្គម បំផុសចលនាការពារមាតុភូមិនៅតាមភូមិភាគនានា។ ឆ្លងតាមរយៈនោះ ប្រជាជនបានផ្ដល់ព័ត៌មានមានតម្លៃជាង ១.២០០ ពត៌មានដល់ស្ថាប័នសមត្ថកិច្ច ត្រួតពិនិត្យ ដោះស្រាយ ៧០០ ករណី ចាប់មុខសញ្ញា ១.៥២៧ នាក់ ចលនាមុខសញ្ញាដែលមានដីកាចាប់ខ្លួនឱ្យចេញសារភាព ២៥៣ នាក់។ ទន្ទឹមនឹងនោះ ទិវាទូទាំងប្រជាជនការពារសន្ដិសុខមាតុភូមិ ជួយឱ្យប្រជាជនលើកកម្ពស់ស្មារតីស្នេហាជាតិ មោទនភាពជាតិ មានស្មារតីទទួលខុសត្រូវនិងសមត្ថភាពទូទាំងប្រជាជនក្នុងបុព្វហេតុការពារមាតុភូមិ កសាងកម្លាំងស្នូលក្នុងការការពារសន្ដិសុខសណ្ដាប់ធ្នាប់មូលដ្ឋាន។ មានអង្គការ បុគ្គលជាច្រើនមានស្នាដៃឆ្នើមក្នុងការចលនា ត្រូវបានជូនទង់និងប័ណ្ណសរសើររបស់គណៈកម្មាធិការប្រជាជនខេត្ត ក្រសួងនគរបាល និងនគរបាលខេត្តសុកត្រាំង។ល។

វរសេនីយ៍ឯក ផាមក្វឹកវៀត នាយករងនគរបាលខេត្តសុកត្រាំង ឱ្យដឹង៖ “ការចលនាទូទាំងប្រជាជនការពារសន្ដិសុខមាតុភូមិ ឃើញថាមានភាពសាយភាយយ៉ាងខ្លាំងនិងស៊ីជម្រៅក្នុងជីវភាពសង្គម បង្កបានការតភ្ជាប់យ៉ាងមាំរវាងទម្រង់និងការចលនាបដិវត្តន៍ផ្សេងៗ រួមចំណែករក្សាលំនឹងជីវភាព សន្តិសុខសណ្ដាប់ធ្នាប់សង្គម។ អង្គភាពទាំងឡាយគប្បីសហការថែមទៀតក្នុងការផ្សព្វផ្សាយ ចលនាប្រជាជនចូលរួមកសាងចលនាការពារសន្ដិសុខសណ្ដាប់ធ្នាប់ សុវត្ថិភាពសង្គម។ ទន្ទឹមនឹងនោះ គប្បីស្ងើចសរសើរជូនរង្វាន់ឱ្យបានទាន់ពេលចំពោះបុគ្គល សមូហភាពមានស្នាដៃឆ្នើមក្នុងចលនា”៕

យ្វីអាញ់ - ថាច់ធី

ចែករំលែកអត្ថបទ

ពាក្យគន្លឹះ