មហាសាមគ្គីជនជាតិ គំរូក្នុងសហគមន៍

10/08/2020 - 16:48

អត្តពលិកយូដូ (Judo) សើុងធីរទ្ធា

នៅក្នុងការប្រកួតដណ្តើមពានរង្វាន់ជើងឯកយូដូវ័យក្មេងទូទាំងប្រទេសឆ្នាំ ២០២០ ទើបចាត់ តាំងនៅដុងណាយ អត្តពលិក សើុងធីរទ្ធា បានបង្ហាញពីសមត្ថភាពរបស់ខ្លួនដោយយកឈ្នះលើកីឡាករពូកែៗជាច្រើន នាំមកមេដាយមាសជូនក្រុមជម្រើសយូដូខេត្តត្រាវិញ។

 អត្តពលិក សើុងធីរទ្ធា ពានរង្វាន់លេខ១។

អត្តពលិក សើុងធីរទ្ធា កើតឆ្នាំ ២០០៨ ជាសិស្សថ្នាក់ទី ៦ នៃសាលាមធ្យមសិក្សាមូលដ្ឋានង្វៀនធីមិញខាយ ក្រុងត្រាវិញ។ លោកសើុងយាន់ ឪពុករបស់រទ្ធា ឱ្យដឹង៖ “ឆ្នាំ ២០១៧ ដោយបានមិត្តភក្តិឧទ្ទេសនាម ខ្ញុំក៏នាំរទ្ធាទៅចុះឈ្មោះហាត់យូដូដើម្បីលត់ដំសុខភាព។ ក្រោយពីមួយរយៈពេលបង្ខិតជិតនិងហ្វឹកហាត់ រទ្ធាបានជ្រើសចូលក្រុមជម្រើសយូដូខេត្តត្រាវិញ។ ក្រៅពីម៉ោងសិក្សានៅសាលាសកល ខ្ញុំឆ្លៀតពេលជូនកូនទៅហ្វឹកហាត់កីឡាយូដូនៅពេលយប់ ចាប់ផ្តើមពីម៉ោង ១៨ ដល់ម៉ោង ២០ នៅរដូវវិស្សមកាល ទៅហាត់ ៣ ពេល/ថ្ងៃ។ រទ្ធា មិនត្រឹមតែពូកែវិញ្ញាសាកីឡាយូដូប៉ុណ្ណោះទេ ថែមទាំងជាសិស្សរៀនគ្រាន់បើ ពូកែជាច្រើនឆ្នាំបន្តបន្ទាប់”។

 អត្តពលិកសើុងធីរទ្ធា (សម្លៀកបំពាក់ពណ៌ខៀវ)។

តាមប្រសាសន៍លោកវឿងហ្វាងវឹង គ្រូបង្វឹកក្រុមជម្រើសយូដូខេត្តត្រាវិញ ឱ្យដឹង៖ សើុងធីរទ្ធា ជាសិស្សលុះក្នុងដំបូន្មាន ស៊ូក្នុងការហ្វឹកហាត់និងពោរពេញដោយក្តីសង្ឃឹម។ ឆ្នាំ ២០១៧ -២០១៨ ប្អូនចូលរួមការប្រកួតដណ្តើមពានរង្វាន់ជើងឯកយូដូវ័យក្មេងទូទាំងប្រទេស ដែលចាត់តាំងនៅដាណាំងនិងហ្វេ លទ្ធផលទទួលបានមេដាយប្រាក់២គ្រឿង ។ ក្រោយពីមួយរយៈពេលហ្វឹកហាត់ រទ្ធាមានភាពជឿនលឿន និងបន្តចូលរួមប្រកួតដណ្តើមពានរង្វាន់ជើងឯកយូដូវ័យក្មេងទូទាំងប្រទេសឆ្នាំ ២០១៩ ចាត់តាំងនៅខ័ណ្ឌធូឌឹក ក្រុងហូជីមិញ លទ្ធផលទទួលបានមេដាយមាស។ នៅពានរង្វាន់ជើងឯកវ័យក្មេងយូដូទូទាំងប្រទេសឆ្នាំ ២០២០ កន្លង ប្រកួតប្រភេទកម្រិតទម្ងន់ក្រោម ៣៦ គីឡូក្រាមសម្រាប់ផ្នែកនារី រទ្ធាបានបញ្ចេញស្នៀតយុទ្ធសាស្រ្ត។ ពិសេស នៅវគ្គប្រកួតផ្តាច់ព្រ័ត្រ រទ្ធាបានផ្តួលដៃគូក្នុងរង្វង់ ៣០ វិនាទី លទ្ធផលទទួលបានមេដាយមាស។

“ជ័យជម្នះនេះពិតជាអស្ចារ្យមែន រទ្ធាធ្វើបាននូវប្រការដែលខ្ញុំរំពឹងទុក។ ខ្ញុំរំភើបចិត្តខ្លាំងណាស់ ពីព្រោះក្នុងរយៈពេល ៤ ឆ្នាំហ្វឹកហាត់និងប្រកួតប្រជែង រទ្ធាបាននាំមកនូវមេដាយប្រាក់ចំនួន ២ គ្រឿង មេដាយមាសចំនួន ២ គ្រឿងជូនខេត្ត” -គ្រូបង្វឹកវឿងហ្វាងវឹង ឱ្យដឹងដោយមោទនភាព៕

ទីទុយ-មុនី

ចែករំលែកអត្ថបទ

ពាក្យគន្លឹះ