គោលនយោបាយ -ការរស់នៅ គោលនយោបាយ

11/05/2020 - 15:34

ភាពរីករាយពីម៉ាស៊ីន “ATM អង្ករ” ដំបូងបង្អស់នៅសុកត្រាំង

ម៉ាស៊ីន “ATM អង្ករ” ដំបូងបង្អស់នៅខេត្តសុកត្រាំង ត្រូវបានដាក់ឱ្យដំណើរការនៅទីតាំងសមាគមកាកបាទក្រហមក្រុងសុកត្រាំង លេខ១៥ វិថីតូងឌឹកថាំង សង្កាត់៦ ក្រុងសុកត្រាំង។ ការដាក់ដំណើរការម៉ាស៊ីន “ATM អង្ករ” របស់ខេត្ត មានអត្ថន័យយ៉ាងធំធេងក្នុងការរួមចំណែកឧបត្ថម្ភដល់គ្រួសារប្រជាជន ពិសេសគឺគ្រួសារជនរួមជាតិភាគតិចដែលជួបការលំបាកលើភូមិសាស្រ្តខេត្ត មានបាយហូប “ស្ងប់ចិត្ត” ក្នុងស្ថានភាពដែលជំងឺឆ្លងរាតត្បាត។

មាមីងមកទទួលអង្ករពីម៉ាស៊ីន “ATM អង្ករ”។

ជាមួយសារប្រកាស៖ “បើអ្នកត្រូវការសូមយកចុះ។ បើសិនអ្នកមានជីវភាពលំនឹង គួរតែទុកឱ្យអ្នកដទៃ” ប្រជាជនពេលទៅទទួលអង្ករនៅម៉ាស៊ីន“ATM អង្ករ” នឹងបានអ្នកស្ម័គ្រចិត្ត ណែនាំឱ្យឈរជាជួររក្សាគម្លាតគ្នាត្រូវតាមការកំណត់ លាងសម្អាតដៃដោយអាល់កុល និងបានចែកម៉ាស់ដោយឥតគិតថ្លៃ។ ពេលដល់វេនខ្លួន ប្រជាជនគ្រាន់តែយកថង់ត្រងម៉ាស៊ីននឹងបង្ហូរអង្ករដោយស្វ័យប្រវត្តិចំនួន២គីឡូក្រាម/លើក។ ក្រៅពីទទួលបានអង្ករ២គីឡូក្រាម មាមីងនៅទាំងបានទទួលបន្ថែមប្រេងឆា ទឹកត្រី។ល។ អ្នកមីងឡេអាញ់ង៉ុក នៅអនុសង្កាត់២ សង្កាត់៣ ក្រុង សុកត្រាំង ឱ្យដឹងដោយក្តីរីករាយ៖ “សម្រាប់អង្ករ២គីឡូក្រាមនេះ ខ្ញុំនឹងម្តាយមីងហូបបានពីរបីថ្ងៃ។ ពីមុន គ្រួសារសង្ឃឹមទៅលើប្រាក់ឈ្នួលបម្រើការងារផ្ទះ។ ចាប់តាំងពីរងផលប៉ះពាល់នៃជំងឺ Covid-១៩ រហូតមកទល់នឹងពេលនេះ ខ្ញុំមិនអាចទៅធ្វើការរកប្រាក់់បាន ចំណែកម្តាយមីងខ្ញុំគាត់ឈឺខ្វិនដេកមួយកន្លែង ម៉្លោះហើយជីវភាពខ្ញុំជួបការលំបាកខ្លាំង។ ឥឡូវនេះ មានម៉ាស៊ីន “ATM អង្ករ” ខ្ញុំត្រេកអរខ្លាំងណាស់ ពេលអស់អង្ករខ្ញុំនឹងមកយក លុះត្រារកបានការងារធ្វើ” ។ ចំណែកលោកត្រឹងង៉ុកធឹ្វងនៅទីប្រជុំជនហ្វិញហ៊ឺវង៉ៀ ស្រុកមីទូ ប្រកបរបរលក់ឆ្នោត ឱ្យដឹង៖ “ចាប់តាំងពីថ្ងៃផ្អាកលក់ឆ្នោត ជីវភាពជួបការលំបាកខ្លាំងណាស់ ឮថាមានម៉ាស៊ីន “ATM អង្ករ” ខ្ញុំសប្បាយចិត្តណាស់ មកឈរជាជួរតាំងពីព្រលឹម។ ជាមួយអង្ករនេះ អាចជួយដល់គ្រួសារខ្ញុំមានបាយហូប”។

លោកស្រីដាវង៉ុកងឹង ប្រធានគណៈកម្មាធិការរណសិរ្សមាតុភូមិវៀតណាមក្រុងសុកត្រាំង ឱ្យដឹង៖ “ចាប់ពីពេលម៉ាស៊ីន “ATM អង្ករ” ដាក់ឱ្យដំណើរការរណសិរ្សក្រុងសុកត្រាំង ទទួលបានអង្កជិត៩តោន ពីអង្គការបុគ្គលនិងសប្បុរសជន ជាច្រើននៅក្នុងនិងក្រៅខេត្តរួមវិភាគទាន។ តាមការគ្រោងទុកម៉ាស៊ីន “ATM អង្ករ” នឹងដំណើរការ រយៈពេល១០ថ្ងៃ ឬក៏បន្តរហូតដល់អស់ជំងឺរាតត្បាត។ ជាពិសេស បើសិនជាប្រភពអង្ករឧបត្ថម្ភនៅច្រើន កម្មវិធីនៅតែបន្តដំណើរការដើម្បីជួយមាមីងក្រីក្រជម្នះលំបាកក្នុងរយៈពេលដែលរងផលប៉ះពាល់នៃជំងឺ Covid-១៩”៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ