ព្រឹត្តិការណ៍ - នយោបាយ ព្រឹត្តិការណ៍

30/12/2019 - 16:33

បទបញ្ជារបស់គណៈលេខា ស្តីពីការរៀបចំបុណ្យចូលឆ្នាំថ្មីវៀតណាម ២០២០

*អំពូលភ្លើងសិល្បៈ នៅវិថីក្រុងកឹងធើឆ្នាំ ២០២០ បានបំភ្លឺជាផ្លូវការ

ជំនួសមុខគណៈលេខា សមាជិកការិយាល័យនយោបាយ ប្រចាំការគណៈលេខា ត្រឹងក្វឹកវឿង ទើបចុះហត្ថលេខាប្រកាសឱ្យប្រើបទបញ្ជាលេខ៤០-CT/TW របស់គណៈលេខា ស្តីពីការចាត់តាំងបុណ្យចូលឆ្នាំថ្មីវៀតណាម២០២០។

ភាពប្រណីតនៃអំពូលភ្លើងសិល្បៈនៅមុខនៃ ទីស្នាក់ការគណៈកម្មាធិការប្រជាជនក្រុងកឹងធើ។

ឆ្លងតាមរយៈនោះ គណៈលេខាសំណូមពរដល់គណៈកម្មាធិការបក្ស អង្គការបក្ស រដ្ឋអំណាច រណសិរ្សមាតុភូមិ និងអង្គការនយោបាយ-សង្គមគ្រប់លំដាប់ថ្នាក់ គប្បីផ្តុំកម្លាំងដឹកនាំ ចង្អុលការ និងចាត់តាំងអនុវត្តឱ្យបានល្អនូវការងារមួយចំនួនដូចខាងក្រោម៖ ម្ចាស់ការមានផែនការច្បាស់លាស់ ក្នុងការគិតគូរជីវភាពសម្ភារៈនិងស្មារតីរបស់ប្រជាជនក្នុងឱកាសបុណ្យចូលឆ្នាំថ្មីឱ្យបានល្អ ដំបូងគឺគ្រួសារស្ថិតក្នុងក្របខណ្ឌគោលនយោបាយ គ្រួសារក្រីក្រ ជនរួមជាតិនៅតំបន់រងការខូតខាតដោយគ្រោះធម្មជាតិ រោគរាលដាល តំបន់ឆ្ងាយដាច់ស្រយាល តំបន់លំបាក តំបន់ព្រំដែន កោះសមុទ្រ កម្មករធ្វើការនៅមណ្ឌលឧស្សាហកម្ម តំបន់ផលិតកែច្នៃនាំចេញ។ល។ ធានាគ្រប់គ្រួសារ និងគ្រប់គ្នាបានទទួលនិទាឃរដូវ និងអំណរបុណ្យចូលឆ្នាំថ្មីដោយក្តីសប្បាយរីករាយ។ ចាត់តាំងទៅសួរសុខទុក្ខគ្រួសារយុទ្ធជនពលី គ្រួសារមានសគុណចំពោះប្រទេសជាតិចាស់ព្រឹទ្ធាចារ្យបដិវត្តន៍ វីរមាតាវៀតណាម យុទ្ធជនពិការ យុទ្ធជនជំងឺ បញ្ញវន្ត អ្នកមុខអ្នកការសាសនាឆ្នើម អង្គភាពកម្លាំងប្រដាប់អាវុធនានា និងកងកម្លាំងផ្សេងៗទៀតដែលបំពេញភារកិច្ចប្រចាំការក្នុងឱកាសបុណ្យចូលឆ្នាំថ្មី បំផុតគឺនៅព្រំដែន កោះសមុទ្រ តំបន់លំបាក។ល។

ការចាត់តាំងបាញ់កាំជ្រួចអំណរបុណ្យចូលឆ្នាំថ្មី២០២០ និងបុណ្យចូលឆ្នាំថ្មីវៀតណាមកាញ់ទី២០២០ត្រូវតែធ្វើឱ្យជាក់ស្តែង សមស្របជាមួយនឹងលក្ខណៈ សមត្ថភាពរបស់ភូមិភាគនីមួយៗ ធានាសុវត្ថិភាពយ៉ាងដាច់ខាត និងមិនប្រើប្រាស់ថវិការដ្ឋ។ល។ ស្ថាប័ន អង្គភាពនានា ចាត់តាំងត្រូវមានផែនការច្បាស់លាស់ រៀបចំកម្មាភិបាល បុគ្គលិកប្រចាំការ ដើម្បីចាត់វិធានការដោះស្រាយរាល់កិច្ចការបានទាន់ពេលនិងអនុវត្តយ៉ាងម៉ឺងម៉ាត់របបព័ត៌មាន រាយការណ៍ ធានាបានរលូនក្នុងអំឡុងបុណ្យចូលឆ្នាំថ្មីវៀតណាម មិនទុកឱ្យរងផលប៉ះពាល់ដល់ ជីវភាព ការផលិត ជួញដូររបស់ប្រជាជន និងអាជីវកម្មឡើយ។

*ក្រោយរយៈពេលសាកល្បង ចាប់ពីរាត្រីថ្ងៃទី២២ ខែធ្នូ ដងវិថីអន្ទងអំពូលភ្លើងសិល្បៈកឹងធើ ឆ្នាំ ២០២០ ត្រូវបានបំភ្លឺជាផ្លូវការ រួមចំណែកជួយឱ្យមុខមាត់ក្រុងមានភាពភ្លឺចិញ្ចាចចិញ្ចែង និងបង្កបរិយាកាសថ្មីសម្រាប់ប្រជាជនអំណរបុណ្យចូលឆ្នាំថ្មី២០២០ និងបុណ្យចូលឆ្នាំថ្មីវៀតណាមកាញ់ទី ក្នុងពេលខាងមុខ។

អំពូលភ្លើងសិល្បៈនៅវិថីក្រុងកឹងធើឆ្នាំនេះ មានប្រធានបទ "កឹងធើ-និទាឃរដូវភ្លឺចិញ្ចែង" ផ្តើមពីផ្លូវកាច់ជ្រុង៣០ មេសា-ក្វាងទ្រុងរហូតទៅទល់មុខទីស្នាក់ការនៃគណៈកម្មាធិការប្រជាជនក្រុង។ ប្រព័ន្ធអំពូលភ្លើងសិល្បៈត្រូវបានតម្លើងចម្រុះពណ៌យ៉ាងរស់រវើក ដោយមានទម្រង់រូបភាពស្អាតៗជានិមិត្តរូប ដូចជា៖ ផ្កាឈូករ័ត្ន ផ្កាអង្គាសីល ផ្កាឈូក ដួនស្លឹក។ល។ ពិសេសគឺរូបភាពចាប៉ី - អំណរសមោសរដើងកាតៃតឺជាតិឆ្នាំ២០២០ អាស្រ័យក្រុងកឹងធើរៀបចំឡើង។ ក្រៅពីដងវិថីអន្ទងអំពូលភ្លើង ជាលក្ខណៈសិល្បៈនេះ ដងវិថីចាប់ពីផ្លូវ៣០មេសា-ក្វាងទ្រុង ទៅដល់ផ្លូវប្រសព្វ ៣០មេសា-ត្រឹងវ៉ាន់ហ្វាយ ក៏បានតម្លើងអំពូលភ្លើងថ្មីដោយផ្ដើមគំនិតឧទ្ទេសនាមបង្ហាញពីទេសចរណ៍កឹងធើ៕

យោង៖ http://baochinhphu.vn-យ្វីខូយ-វិមាន

ចែករំលែកអត្ថបទ

ពាក្យគន្លឹះ