គោលនយោបាយ -ការរស់នៅ គោលនយោបាយ

30/12/2019 - 16:33

កើ-ដអភិវឌ្ឍសេដ្ឋកិច្ច-សង្គមតំបន់ជនជាតិភាគតិច

យោងតាមប្រសាសន៍លោកចូវវៀតថា អនុលេខាប្រចាំការនៃគណៈកម្មាធិការបក្សស្រុកកើ-ដ ក្រុងកឹងធើ ឱ្យដឹង៖ ស្ថានភាពអភិវឌ្ឍសេដ្ឋកិច្ច-សង្គម ក្នុងជនជាតិភាគតិចលើភូមិសាស្ត្រស្រុកមានការវិវឌ្ឍន៍យ៉ាងសកម្ម។ ជីវភាពរបស់ប្រជាជនកាន់តែល្អប្រសើរឡើង។

គ្រួសារជាច្រើននៅកើ-ដ ទទួលបានការឧបត្ថម្ភរបស់រដ្ឋ ក៏បានអភិវឌ្ឍសេដ្ឋកិច្ចគ្រួសារ ដូច្នេះមានកសិករជនជាតិភាគតិច ជាច្រើន ជាគំរូក្នុងការផលិតនិងធ្វើអាជីវកម្មពូកែ។ គម្លាតរវាងអ្នកមាននិងអ្នកក្រ ត្រូវបានកាត់បន្ថយបន្តិចម្តងៗ ប្រាក់ចំណូលមធ្យមភាគរបស់មនុស្សម្នាក់ៗក្នុងជនជាតិភាគតិច ក៏បានកើនឡើងជារៀងរាល់ឆ្នាំ។ ស្រុកបានផ្តោតទៅលើការទាញ់យកផល និងចលនារាល់ប្រភពធនធាន ព្រមទាំងប្រើប្រាស់ដើមទុនមជ្ឈិម ថវិការបស់ទីក្រុងចំគោលដៅក្នុងការវិនិយោគ កសាងហេដ្ឋារចនាសម្ព័ន្ធ អភិវឌ្ឍន៍សេដ្ឋកិច្ច-សង្គម តំបន់ដែលមានជនជាតិភាគតិចរស់នៅកុះករ។ ផ្តើមពីនោះ ជីវភាពរបស់ជនជាតិភាគតិចក៏មានស្ថេរភាព។ ជនរួមជាតិនឹងនរចិត្តក្នុងការបង្កបង្កើនផល ឈានឡើងដោយខ្លួនឯង ជាជំហានៗចាកផុតពីភាពក្រីក្រ។ល។

ដងផ្លូវទៅកាន់ឃុំជនទបថ្មីថើយស្វឹង ស្រុកកើ-ដ។

យោងតាមប្រសាសន៍របស់លោកហ្វិញវ៉ាំងហ្វាត់ ប្រធានការិយាល័យអប់រំនិងបណ្តុះបណ្តាលស្រុកកើ-ដ ឱ្យដឹង៖ ការងារអប់រំនិងបណ្តុះបណ្តាលនៅភូមិភាគ ត្រូវបានយកចិត្តទុកដាក់អនុវត្ត ជាមួយនឹងគោលនយោបាយលើកកម្ពស់គុណភាពអប់រំតំបន់ដែលមានជនរួមជាតិភាគតិចរស់នៅកុះករ។ ប្រព័ន្ធសាលារៀនគ្រប់កម្រិតសិក្សាត្រូវបានពង្រឹងនិងពង្រីកយ៉ាងសមរម្យ ឆ្លើយតបនឹងតម្រូវការសិក្សារបស់កូនចៅជនរួមជាតិភាគតិច។ ទទ្ទឹមនឹងនោះ គោលនយោបាយអាទិភាពសម្រាប់និស្សិតជនជាតិភាគតិចត្រូវបានធានា។ ក្នុងឆ្នាំសិក្សា២០១៨-២០១៩ អត្រាកុមារអាយុ៥ឆ្នាំទៅកាន់សាលារៀនសម្រេច៩៨២% បឋមសិក្សាសម្រេច១០០% អនុវិទ្យាល័យ១០០% អត្រានិស្សិតចូលរៀនកម្រិតអនុមហាវិទ្យាល័យនិងមហាវិទ្យាល័យកាន់តែកើនឡើង។ ស្រុកក៏បានយកចិត្តទុកដាក់រៀបចំការងារធ្វើដល់សិស្សនិស្សិតដែលបញ្ចប់ការសិក្សាតាមរបបជម្រើសតាំង។

លោកត្រឿងថាញ់សាង ប្រធានការិយាល័យជនជាតិស្រុកកើ-ដ មានប្រសាសន៍៖ “ការវិនិយោគកសាងហេដ្ឋារចនាសម្ព័ន្ធតំបន់ដែលមានជនជាតិភាគតិចរស់នៅកុះករ មានឥទ្ធិពលយ៉ាងសកម្មនិងធ្វើឱ្យផ្លាស់មុខមាត់សេដ្ឋកិច្ច-សង្គមរបស់ស្រុក ធានាបម្រើជីវភាពរបស់ប្រជាជនបានល្អប្រសើរ។ បច្ចុប្បន្ន ដងផ្លូវតភ្ជាប់ឃុំតំបន់មានជនរួមជាតិភាគតិចរស់នៅកុះករ បានចាក់កៅស៊ូ១០០% និងផ្លូវតាមភូមិជាង៩៥%ត្រូវបានកសាងរឹងមាំសម្រេចបទដ្ឋានបច្ចេកទេស ដែលចែងក្នុងកម្មវិធីកសាងជនបទថ្មី។ ដំណាក់សុខាភិបាលសម្រេចបទដ្ឋាន១០០%; សាលារៀនទាំងអស់ធានាល្អគ្រប់កម្រិតសិក្សា ក្នុងនោះមាន៣៥/៤៨សាលាសម្រេចបទដ្ឋានជាតិ។ អត្រាគ្រួសារប្រើប្រាស់អគ្គិសនីសម្រេច៩៩,៩% អត្រាគ្រួសារប្រើប្រាស់អគ្គិសនីសុវត្ថិភាពបច្ចេកទេសសម្រេច៩៨,០៣% ។ អត្រាគ្រួសារប្រើប្រាស់ទឹកស្អាតស្របអនាម័យសម្រេច៩៩,២៨% ។ នៅឃុំនានាដែលមានជនជាតិភាគតិចរស់នៅ សុទ្ធតែមានសេវាប្រៃសណីយ៍ទូរគមនាគមន៍ និងអ៊ីនធឺណិត។ ជនជាតិភាគតិច១០០% បានស្តាប់វិទ្យុនិងមើលទូរទស្សន៍” ៕

ហាថាញ់-លេងមី

ចែករំលែកអត្ថបទ

ពាក្យគន្លឹះ