សុខភាព - អប់រំ សុខភាព

23/12/2019 - 16:14

ផ្លាស់ប្ដូរការយល់ដឹងរបស់ប្រជាជនអំពីការថែទាំសុខភាព

តាមប្រសាសន៍របស់លោកលឺក្វាងងើុយ អនុប្រធានគណៈកម្មាធិការប្រជាជនខេត្តវិញឡុង ឱ្យដឹង៖ ការងារសុខាភិបាលតំបន់ជនរួមជាតិភាគតិចរស់នៅកុះករសុទ្ធសឹងបានខេត្តយកចិត្តទុកដាក់ ម្ល៉ោះហើយគុណភាពថែទាំសុខភាពជូនជនរួមជាតិភាគតិច កាន់តែបានអនុវត្តប្រកបដោយប្រសិទ្ធភាព។

ដំណាក់សុខាភិបាលឃុំទ្រុងថាញ់សម្រេចបទដ្ឋានជាតិ។

ដើម្បីអនុវត្តមានប្រសិទ្ធភាពរាល់កម្មវិធីជាតិស្ដីពីសុខាភិបាល ខេត្តវិញឡុង បានពង្រីកប្រព័ន្ធសុខាភិបាលតំបន់ជនរួមជាតិភាគតិច។ មកទល់សព្វថ្ងៃ ទូទាំង១៣ឃុំតំបន់ជ្រៅ តំបន់ជនរួមជាតិភាគតិចរបស់ខេត្តសុទ្ធសឹងមានដំណាក់សុខាភិបាលសម្រេចបទដ្ឋានជាតិ។ វេជ្ជបណ្ឌិតឡេវ៉ាន់ តឺប្រធានដំណាក់សុខាភិបាលឃុំទ្រុងថាញ់ ស្រុកវ៉ុងលីម ឱ្យដឹង៖ “អាស្រ័យមូលដ្ឋានសម្ភារៈសម្រេចបទដ្ឋាន ម្ល៉ោះហើយរាល់កម្មវិធីបង្ការកង្វះអាហារូបត្ថម្ភ បង្ការរោគគ្រោះថ្នាក់លើកុមារ ការងារលើកកម្ពស់ស្មារតីថែទាំសុខភាពបឋមជូនប្រជាជនត្រូវបានអនុវត្តយ៉ាងងាយស្រួល។ល។” មូលដ្ឋានសម្ភារៈមានភាពសមរម្យក៏បានទាក់ទាញប្រជាជនជាច្រើនមកពិនិត្យ និងព្យាបាលជំងឺ។ បងសើុងណារិទ្ធ នៅភូមិទ្រុងត្រាច ឃុំទ្រុងថាញ់ ឱ្យដឹង៖ ចម្ងាយពីផ្ទះខ្ញុំទៅដំណាក់សុខាភិបាលជិះម៉ូតូប្រហែល១០នាទី បានជាខ្ញុំឧស្សាហ៍មកសុំថ្នាំផឹក។ កន្លែងពិនិត្យជំងឺជ្រះស្អាត កម្មាភិបាលពេទ្យខ្នះខ្នែងអស់ពីចិត្ត ម្ល៉ោះហើយខ្ញុំស្ងប់ចិត្តណាស់”។

ទន្ទឹមនឹងការវិនិយោគកសាងមូលដ្ឋានសម្ភារៈ ផ្នែកសុខាភិបាលខេត្តវិញឡុងនៅទាំងយកចិត្តទុកដាក់អភិវឌ្ឍប្រភពធនធានមនុស្សជូនរាល់ដំណាក់សុខាភិបាល។ មកទល់សព្វថ្ងៃ ដំណាក់សុខាភិបាលនៅតំបន់ជនរួមជាតិភាគតិច សុទ្ធតែមានវេជ្ជបណ្ឌិតបម្រើការងារ។ បងគៀងថាញ់ដាក ជាបុគ្គលិកដំណាក់សុខាភិបាលឃុំទ្រុងថាញ់ ហើយជាកម្មាភិបាលម្នាក់ក្នុងចំណោមកម្មាភិបាលនៅភូមិភាគ កំពុងបានដំណាក់សុខាភិបាល បង្កលក្ខណសម្បត្តិទៅរៀនលើកកម្ពស់វិជ្ជាជីវៈ បានចែករំលែក៖ “ខ្ញុំនឹងខិតខំរៀនសូត្រឱ្យបានល្អ ដើម្បីបម្រើការថែទាំសុខភាពជូនប្រជាជនឱ្យបានល្អថែមទៀត”។ ដំណាក់សុខាភិបាល បាននិងកំពុងកសាងប្រព័ន្ធសហការីសុខាភិបាលនៅតាមភូមិ។ អាស្រ័យកម្លាំងសហការីសុខាភិបាលទាំងនេះ បានជួយអនុវត្តប្រកបដោយប្រ សិទ្ធភាពរាល់កម្មវិធីទិសដៅសុខាភិបាលជាតិ និងថែទាំសុខភាពបឋម។ ក្នុងនោះ មានការណែនាំជនរួមជាតិភាគតិចប្រើប្រាស់ប័ណ្ណធានារ៉ាប់រងសុខាភិបាលប្រកបដោយប្រសិទ្ធភាព។ យាយថាច់ធីម៉ាញ នៅឃុំត្រាកូង ស្រុកត្រាអូង ឱ្យដឹង៖ “កាលពីមុន ខ្ញុំមិនសូវប្រើប្រាស់ប័ណ្ណនារ៉ាប់រងសុខាភិបាលទេ ពេលមិនស្រួលខ្លួន ខ្ញុំច្រើនទៅហាងលក់ថ្នាំនិយាយប្រាប់អាការៈជំងឺ ដើម្បីគេលក់ថ្នាំឱ្យផឹក។ អាស្រ័យបានសហ ការីពន្យល់ប្រាប់ ឥឡូវពេលឈឺថ្កាត់ម្ដងៗ ខ្ញុំតែងទៅកាន់ដំណាក់សុខាភិបាលពិនិត្យជំងឺនិងទទួលថ្នាំផឹកដោយឥតគិតថ្លៃ ពីព្រោះខ្ញុំបានរដ្ឋផ្ដល់ជូនប័ណ្ណធានារ៉ាប់រងសុខាភិបាល”។

តាមស្ថិតិរបស់គណៈជនជាតិខេត្តវិញឡុង អនុវត្តសេចក្ដីសម្រេចលេខ១០៥៣/QĐ-UBND របស់ខេត្តវិញឡុង រយៈពេលកន្លង ភូមិភាគបានផ្ដល់ប័ណ្ណធានារ៉ាប់រងសុខាភិបាលដល់ប្រជាជនចំនួន១១៤.៨០៨លើកនាក់ដែលរស់នៅតំបន់លំបាកពិសេស៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ