សន្តិសុខ - ការពារប្រទេស ការពារប្រទេស

16/12/2019 - 17:25

ប្រសិទ្ធភាពការងារឃោសនា ផ្សព្វផ្សាយច្បាប់ជូនប្រជាជនតំបន់ព្រំដែនសមុទ្រ

រយៈពេលកន្លង ការងារឃោសនា ផ្សព្វផ្សាយអប់រំច្បាប់ជូនប្រជាជនតំបន់ព្រំដែនសមុទ្រ ត្រូវបានកងទ័ពការពារព្រំដែនសុកត្រាំង អនុវត្តព្រមៗគ្នានាំមកប្រសិទ្ធភាពខ្ពស់។ ផ្តើមពីនោះ ប្រជាជនមានស្មារតីភ្ញាក់រលឹកអនុវត្តយ៉ាងម៉ឺងម៉ាត់នូវគោលនយោបាយរបស់បក្ស និងច្បាប់របស់រដ្ឋ។

កម្មាភិបាលប៉ុស្តិ៍ការពារព្រំដែនទ្រុងប៊ិញ ស្រុកត្រឹងដេផ្សព្វផ្សាយអប់រំច្បាប់ដល់ម្ចាស់មធ្យោបាយទូកកប៉ាល់ ដែលធ្វើនេសាទ។

យោងលើស្មារតី "ចំណុចស្នូល គោលសំខាន់ ជាក់ស្តែង” ដូច្នេះ កងទ័ពការពារព្រំដែន បានចង្អុលការដល់ប៉ុស្តិ៍ការពារព្រំដែននានា សហការជាមួយនឹងភូមិភាគ ព្រមទាំងស្ថាប័នសមត្ថកិច្ច ផ្សព្វផ្សាយ អនុវត្តគម្រោង “បង្កើនការផ្សព្វផ្សាយអប់រំច្បាប់ជូនកម្មាភិបាល ប្រជាជនតំបន់ព្រំដែន សមុទ្រ” រៀងរាល់ដំណាក់កាលនិងរៀងរាល់ឆ្នាំ។ ទន្ទឹមនឹងនោះ សហការជាមួយស្ថាប័នសមត្ថកិច្ចចងក្រងខ្លឹមសារផ្សព្វផ្សាយតាមបែបសង្ខេបខ្លី ងាយយល់ ងាយចាំ ងាយអនុវត្ត ដោយសមស្របទៅតាមចំណេះដឹងនៃមុខសញ្ញាម្នាក់ៗ និងមានរូបភាពផ្សព្វផ្សាយសម្បូរបែប; ផ្តោតទៅលើខ្លឹមសារដូច៖ ច្បាប់សមុទ្រវៀតណាម; ច្បាប់ព្រំដែនជាតិ; បទបញ្ជាលេខ ០១/CT-TTg ចុះថ្ងៃទី០៩ ខែមករា ឆ្នាំ២០១៥ របស់នាយករដ្ឋមន្រ្តីនៃរដ្ឋាភិបាល ស្តីពីការរៀបចំចលនាទូទាំងប្រជាជនចូលរួមការពារអធិបតេយ្យ បូរណភាពទឹកដី សន្តិសុខព្រំដែនជាតិក្នុងស្ថានភាពថ្មី; អនុក្រឹត្យស្តីពីគ្រប់គ្រងសកម្មភាពរបស់មនុស្ស និងមធ្យោបាយក្នុងតំបន់ព្រំដែនសមុទ្រនៃសាធារណរដ្ឋសង្គម និយមវៀតណាម; បទបញ្ញត្តិការជួញដូរ ធ្វើអាជីវកម្មលើផ្ទៃសមុទ្រ។ល។ ចាប់ពីឆ្នាំ២០១៨ មកទល់ពេលនេះ កងទ័ពការពារព្រំដែនសុកត្រាំង រៀបចំផ្តុំកម្លាំងផ្សព្វផ្សាយបាន១៦៨លើក មានប្រជាជនចូលរួមជាង៣០.០០០នាក់; ផ្សព្វផ្សាយរាយរងដល់ប្រជាជន១២.២០០គ្រួសារ ក្រុមទូកកប៉ាល់ និងប្រជាជន ឬក៏តាមរយៈឧគ្ឃោសនាសព្ទ ផ្សាយសំឡេងបាន១០៤ លើក រយៈពេលប្រមាណ២៦ម៉ោង មានមនុស្សស្តាប់ជិត១១៨.០០០លើកនាក់; ចែកខិតប័ណ្ណចំនួន២០.០០០សន្លឹក រៀបចំទូតម្កល់សៀវភៅច្បាប់ចំនួន១២សម្រាប់ភូមិភាគនិងអង្គភាពនៅមូលដ្ឋាន។ល។

ក្រៅពីនេះ ក្រុមផ្សព្វផ្សាយវប្បធម៌ចេញទៅសម្តែងតាមឃុំសង្កាត់ ទីប្រជុំជនឆ្នេរសមុទ្រចំនួន២៧លើក ញុាំងឱ្យខ្លឹមសារនៃការផ្សព្វផ្សាយកាន់តែស៊ីជម្រៅ ការផ្សព្វផ្សាយអប់រំច្បាប់ បានរួមចំណែកពាំនាំគោលនយោបាយរបស់បក្ស ក្រឹត្យច្បាប់របស់រដ្ឋដល់ប្រជាជនប្រកបដោយភាពជិតដិតនិងរលូនផង។ ព្រះតេជព្រះគុណតាំងវណ្ណា ព្រះចៅអធិការវត្តតាំងយូ ឃុំឡាកហ្វា ក្រុងវិញចូវ មានថេរដីកា៖ “អាស្រ័យការផ្សព្វផ្សាយ បានជាមាមីងពុទ្ធបរិស័ទខ្មែរយល់ដឹងពីគោលនយោបាយរបស់បក្ស ក្រឹត្យច្បាប់របស់រដ្ឋ។ ផ្តើមពីនោះ មាមីងក៏បានអប់រំកូនចៅអនុវត្តតាមច្បាប់ ម្ចាស់ការបរិហារបទល្មើស រួមចំណែករក្សាសន្តិសុខសណ្តាប់ធ្នាប់នៅភូមិភាគ”។ ពូថាច់ហ៊ីវ នៅភូមិព្រែកជាប់B ឃុំឡាយហ្វា ឱ្យដឹង៖ “កម្មាភិបាលប៉ុស្តិ៍ការពារព្រំដែន បានចុះទៅដល់ផ្ទះផ្សព្វផ្សាយផ្ទាល់មាត់ ម្ល៉ោះហើយខ្ញុំក៏ក្តាប់បានពីច្បាប់ហាមប្រាមពេលទាញយកផលសមុទ្រ”។

វរសេនីយ៍ឯកង្វៀនត្រេវម៉េន ស្នងការនយោបាយនៃកងទ័ពការពារព្រំដែនសុកត្រាំង ឱ្យដឹង៖ "យើងខ្ញំុជានិច្ចកាលតែងព្រាងខ្លឹមសារ និងផ្សព្វផ្សាយដោយរូបភាពផ្សេងៗ ដើម្បីសមស្របទៅតាមភូមិសាស្រ្ត មុខសញ្ញា។ អាស្រ័យហេតុនោះ រួមចំណែកលើកកម្ពស់ស្មារតីភ្ញាក់រលឹកអនុវត្តច្បាប់ពីសំណាក់កម្មាភិបាល ប្រជាជនតំបន់ព្រំដែនសមុទ្រក្នុងខេត្ត; ផ្តើមពីនោះ កសាងយុទ្ធសាស្រ្តទូទាំងប្រជាជនការពារព្រំដែនរឹងមាំ"៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ