គោលនយោបាយ -ការរស់នៅ គោលនយោបាយ

12/11/2019 - 13:54

លោកយ័ញភុកប្រធានគណៈជនជាតិខេត្តគៀងយ៉ាង៖

ផ្តុំកម្លាំងលើកកម្ពស់ជីវភាពសម្ភារៈនិងស្មារតីជូនជនរួមជាតិភាគតិច

គៀងយ៉ាង ជាខេត្តមួយក្នុងចំណោមខេត្តនានាមានជនរួមជាតិភាគតិចរស់នៅកុះករនៅតំបន់វាលរាបទន្លេគឺវឡុង។ ការលើកកម្ពស់គុណភាពជីភាពជនរួមជាតិភាគតិច គឺជាទិសដៅមួយក្នុងចំណោមទិសដៅសំខាន់ៗដែលខេត្តគៀងយ៉ាងបាននិងកំពុងអនុវត្តរយៈពេលកន្លង។

លោកយ័ញភុក ប្រធានគណៈជនជាតិខេត្តគៀងយ៉ាង បានដោះដូរជាមួយនឹងអ្នកយកព័ត៌មានកាសែតកឹងធើភាសាខ្មែរអំពីបញ្ហានេះ។

លោកយ័ញភុក (ឈរទី៣ពីខាងឆ្វេង) ជូនប័ណ្ណសរសើរដល់បុគ្គលឆ្នើមក្នុងមហាសន្និបាតតំណាងបណ្តាជនជាតិភាគតិចក្រុងរ៉ាច់យ៉ា ឆ្នាំ២០១៩។

*ជម្រាបប្រសាសន៍លោក! សូមលោកឱ្យដឹងពីលទ្ធផលលេចធ្លោក្នុងការងារជនជាតិនៅខេត្តគៀងយ៉ាង នារយៈពេលកន្លង?

-រយៈពេលកន្លង ខេត្តគៀងយ៉ាង បានអនុវត្តយ៉ាងមានប្រសិទ្ធភាពនូវកម្មវិធី គម្រោងដោយឡែករបស់រដ្ឋសម្រាប់តំបន់មានជនរួមជាតិភាគតិចរស់នៅកុះករ ម្ល៉ោះហើយជីវភាពសម្ភារៈនិងស្មារតីរបស់ជនរួមជាតិត្រូវបានកែលម្អ និងលើកកម្ពស់ដោយឥតឈប់ឈរមុខមាត់ជនបទតំបន់ជនរួមជាតិភាគតិចកាន់តែវិវឌ្ឍន៍និងផ្លាស់ថ្មីពីមួយថ្ងៃទៅមួយថ្ងៃ។ កម្មវិធីជាតិ ស្ដីពីកាត់បន្ថយភាពក្រីក្រ កម្មវិធី១៣៥ បានវិនិយោគ៧៩,៥៤១ពាន់លានដុង ដើម្បីកសាងសំណង់ចំនួន១២១ ដូចជា៖ស្ពាន ផ្លូវ ជីកស្តារប្រឡាយទឹក ដំណាក់សុខាភិបាលនិងសាលារៀនជាដើម។

អនុវត្តសេចក្តីសម្រេចលេខ៧៥៥/QĐ-TTg របស់នាយករដ្ឋមន្ត្រីនៃរដ្ឋាភិបាល ខេត្តគៀងយ៉ាង បានផ្គត់ផ្គង់ទឹកស្អាតប្រើប្រាស់ដល់ជនរួមជាតិភាគតិចក្រីក្រចំនួន៧.៩១០គ្រួសារ គិតជាទឹកប្រាក់ប្រមាណ១០,២៨៣ពាន់លានដុង និងកសាងសំណង់ផ្គត់ផ្គង់ទឹកស្អាតប្រមូលផ្តុំចំនួន ១៩ សម្រាប់តំបន់ជនរួមជាតិភាគតិច គិតជាទឹកប្រាក់សរុប១៣៥,៣២៧ពាន់លានដុង។ វិនិយោគកសាងសំណង់អគ្គិសនីចំនួន១០ ដើម្បីឆ្លើយតបទៅនឹងតម្រូវការប្រើប្រាស់អគ្គិសនីរបស់ជនរួមជាតិភាគតិចប្រមាណ ៧.៩៦៧គ្រួសារ។ល។ អាស្រ័យហេតុនោះ ខេត្តគៀងយ៉ាង គ្មាននៅគ្រួសារអត់ឃ្លាន អត្រាគ្រួសារក្រីក្រថយចុះមធ្យមភាគជាង៣% ជារៀងរាល់ឆ្នាំ កាលពីឆ្នាំ ២០១៥ ចំនួនគ្រួសារក្រីក្រ ក្នុងជនរួមជាតិភាគតិចមានប្រមាណ១០.៣៤៦គ្រួសារ ស្រូបអត្រា១៧,៦% លុះដល់ចុងឆ្នាំ២០១៨ គ្រួសារក្រីក្រក្នុងជនរួមជាតិខ្មែរថយចុះនៅត្រឹមតែ៤.៨៥៥គ្រួសារ ស្រូបអត្រា៧,២៩% (គ្រួសារក្រីក្រថយចុះ៥.៤៩១គ្រួសារ បើប្រៀបនឹងឆ្នាំ២០១៥)។ មានឃុំចំនួន៧/៩ បានចាកផុតពីឃុំចំណុះកម្មវិធី១៣៥ (បើប្រៀបនឹងឆ្នាំ២០១៤)។

ប្រព័ន្ធសាលារៀននៅតំបន់ជនរួមជាតិភាគតិចត្រូវបានវិនិយោគបង្កើនកម្រិតជាបន្ត សម្ភារៈអប់រំបានបំពេញបន្ថែម ឆ្លើយតបទៅនឹងតម្រូវការបង្រៀននិងរៀន។ មកទល់ពេលនេះ ទូទាំងខេត្តមានសាលាជនជាតិអន្តេវាសិកចំនួន៦ (ក្នុងនោះថ្នាក់ខេត្ត១ និងថ្នាក់ស្រុក៥) អត្រាកៀរគរ កុមារជាជនរួមជាតិខ្មែរចូលរៀនសម្រេចបាន៩៧%ឡើងទៅ (កើន១%បើប្រៀបនឹង ឆ្នាំ ២០១៤)។ ការរៀនអក្សរខ្មែរត្រូវបានគណៈ ផ្នែកគ្រប់លំដាប់ថ្នាក់ និងជនរួមជាតិខ្មែរយកចិត្តទុកដាក់។ បច្ចុប្បន្ន ទូទាំងខេត្តមានសាលាដែលបង្រៀនឧភយភាសាចំនួន៤៣ ដោយមាន ២២៣បន្ទប់រៀន មានសិស្សជាជនរួមជាតិខ្មែរសិក្សារៀនសូត្រចំនួន៥.៨៩៨នាក់ និងមានវត្តចំនួន៣១ បានបើកថ្នាក់បង្រៀនអក្សរខ្មែរក្នុងរដូវវិស្សមកាលដោយមាន២៩៧បន្ទប់ និងមានសិស្សខ្មែរចូលរៀនជាង៧.០០០ នាក់រៀងរាល់ឆ្នាំ។

*ទិសដៅរបស់ខេត្តគៀងយ៉ាង ឆ្ពោះទៅរកការលើកកម្ពស់គុណភាពជីវភាពសម្ភារៈ និងស្មារតីរបស់ជនរួមជាតិភាគតិចនាពេលខាងមុខ តើយ៉ាងណាខ្លះ ជម្រាបប្រសាសន៍លោក?

-ខេត្តខិតខំប្រឹងប្រែងដល់ឆ្នាំ២០២៤ នឹងកាត់បន្ថយអត្រាគ្រួសារក្រីក្រក្នុងជនរួមជាតិខ្មែរនៅប្រមាណ៣% គ្រួសារគោលនយោបាយជនជាតិភាគតិចគ្មាននៅគ្រួសារណាក្រទៀត ជនជាតិចិនជាសារវន្តគ្មាននៅគ្រួសារក្រីក្រ។ ដល់ឆ្នាំ២០២៤ គ្រួសារជនជាតិភាគតិចមានអគ្គិសនីប្រើប្រាស់ជាង៩៩% និងមានទឹកស្អាតប្រើប្រាស់៩៥% ហើយគ្មាននៅផ្ទះបណ្តោះអាសន្ន។

ខេត្តគៀងយ៉ាង នឹងផ្តុំកម្លាំងលើកកម្ពស់កម្រិតប្រជាបញ្ញា ថែទាំសុខភាព បង្កើនកម្រិតនៃការទទួលផលវប្បធម៌ដល់ជនជាតិភាគតិច សាលារៀននៅតំបន់ជនរួមជាតិភាគតិចបានកសាងរឹងមាំ ការកៀរគរកុមារជនជាតិភាគតិចក្នុងកម្រិតអាយុចូលរៀន(ចាប់ពី៦ឆ្នាំដល់១៤ឆ្នាំ) សម្រេចអត្រាពី៩៨%ឡើងទៅ ជំរុញមាំការបង្រៀននិងរៀនអក្សរខ្មែរនិងអក្សរចិនជាដើម៕

*សូមអំណរគុណលោក!

ហាថាញ់-វិមាន

ចែករំលែកអត្ថបទ

ពាក្យគន្លឹះ