ព្រឹត្តិការណ៍ - នយោបាយ ព្រឹត្តិការណ៍

08/10/2019 - 09:54

កឹងធើបំផុសចលនា "សប្ដាហ៍គាំទ្រ រៀនសូត្រមួយជីវិតឆ្នាំ២០១៩"

ព្រឹកថ្ងៃទី២ ខែតុលាសមាគមជំរុញការសិក្សាបានសហការជាមួយមន្ទីរអប់រំនិងបណ្តុះបណ្តាល ក្រុងកឹងធើ រៀបចំកម្មវិធី "សប្ដាហ៍គាំទ្រ រៀនសូត្រមួយជីវិតឆ្នាំ២០១៩" ជាមួយប្រធានបទ “អំណាននិងរៀនសូត្រមួយជីវិតតាមគំរូអ៊ំហូមហិមា” និងរំលឹកអនុស្សាវរីយ៍លើកទី២៣ ទិវាបង្កើតសមាគមជំរុញការសិក្សាវៀតណាម (២/១០/១៩៩៦-២/១០/ ២០១៩) ។ សមមិត្តផាមវ៉ាន់ហីវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ លោកង្វៀនថាញ់យុង អនុប្រធានគណៈកម្មាធិការប្រជាជនក្រុងកឹងធើ ជាមួយនឹងអតីតថ្នាក់ដឹកនាំក្រុងគ្រប់សម័យកាលនិងថ្នាក់ដឹកនាំមន្ទីរ គណៈ ផ្នែក ទីក្រុងអញ្ជើញចូលរួម។

សមមិត្ត ផាមវ៉ាន់ហីវ (ខាងឆ្វេង) អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ ជាមួយនឹងឯកអគ្គបណ្ឌិតតីដូ ។ រូប៖ បិចង៉ុក

ថ្លែងមតិក្នុងពិធី អនុប្រធានគណៈកម្មាធិការប្រជាជនក្រុង លោកង្វៀនថាញ់យុង បានសង្កត់ធ្ងន់ថា ស្មារតីសង្វាតរៀនសូត្រ គឺជាប្រពៃណីដ៏ល្អរបស់ជនជាតិយើង។ ស្រង់ប្រសាសន៍របស់លោកប្រធានហូជីមិញ៖ “ការរៀនសូត្រគឺគ្មានព្រំដែន” “ពិភពលោកអភិវឌ្ឍន៍ឥតឈប់ឈរ អ្នកមិនរៀនសូត្រគឺដើរថយក្រោយ” “ការរៀនសូត្រគឺត្រូវតែបន្តអស់មួយជីវិត” ។ សមមិត្ត បានអំពាវនាវទូទាំងប្រព័ន្ធនយោបាយនិងសង្គម លើភូមិសាស្រ្តក្រុង គាំទ្រស្មារតី “អំណាននិងរៀនសូត្រមួយជីវិតតាមគំរូអ៊ំហូមហិមា និងប្រកាសបំផុសចលនា "សប្ដាហ៍គាំទ្ររៀនសូត្រមួយជីវិត ចាប់ពីថ្ងៃ២ តុលាដល់ថ្ងៃទី ៧ តុលា” ។ នេះគឺជាសប្តាហ៍ត្រូវបានបំផុសចលនាយ៉ាងទូលំទូលាយ បង្កចំណុចសំខាន់ក្នុងការអានសៀវភៅនិងរៀនសូត្រអស់មួយជីវិត។

ស្របក្នុងឱកាសនេះ សមាគមជំរុញការសិក្សាក្រុងកឹងធើ បានជូនលិខិតសរសើរដល់គ្រូបង្រៀននិងកម្មាភិបាលជំរុញការសិក្សាចំនួន២៧នាក់ ដែលមានស្នាដៃឆ្នើមក្នុងការងារជំរុញការសិក្សា ជំរុញទេពកោសល្យ។ ប្អូនង្វៀនបាវិញ សិស្សថ្នាក់ទី១២C សាលាវិទ្យាល័យជំនាញលីតឺត្រុង មានកិត្តិយសទទួលបានបណ្ណសរសើររបស់ប្រធានគណៈកម្មាធិការប្រជាជនក្រុង ដោយសម្រេចនិទ្ទេសឆ្នើមក្នុងការប្រឡង “ផ្លូវទៅកាន់កំពូលអូឡាំពិក” ឆ្នាំ២០១៩ ។ និស្សិតថ្មីចំនួន៥៥នាក់ ដែលប្រឡងឈរលេខមួយនៅសាលា ផ្នែកនៃមហាវិទ្យាល័យនានា ក្នុងសម័យប្រឡងចូលមហាវិទ្យាល័យនៅឆ្នាំ២០១៩ មានកិត្តិយសទទួលកិត្តិនាម “ឯកអគ្គបណ្ឌិតតីដូ” ។ សមាគមជំរុញការសិក្សា ក្រុងថែមទាំងជូនរង្វាន់ដល់សិស្សថ្មីថ្នាក់ទី១០ ចំនួន២៧នាក់ ដែលសម្រេចលទ្ធផលសិក្សាឆ្នើមជាងគេនៅតាមខណ្ឌ ស្រុកនានា។ ជូនអាហារូបករណ៍ដល់និស្សិត២០០នាក់ ដែលមានស្ថានភាពលំបាករៀននៅសាកលវិទ្យាល័យទាំង៥នៅក្រុងកឹងធើ ។ សរុបថវិកាសម្រាប់រង្វាន់និងអាហារូបករណ៍ជាង៥០០លានដុង ដោយដកពីមូលនិធិជំរុញការសិក្សានិងជំរុញទេពកោលសល្យរបស់ក្រុង។

បិចង៉ុក-វ៉ាន់តឹន

ចែករំលែកអត្ថបទ

ពាក្យគន្លឹះ