មហាសាមគ្គីជនជាតិ គំរូក្នុងសហគមន៍

20/08/2019 - 08:48

លឿងហ្វា A អនុវត្តល្អការងារតបស្នងសងគុណ

ប៉ុន្មានឆ្នាំកន្លង បក្ខភាគ រដ្ឋអំណាច និងប្រជាជនឃុំលឿងហ្វាA ស្រុកចូវថាញ់ ខេត្តត្រាវិញ តែងអនុវត្តល្អការងារថែទាំសុខភាពអ្នកមានសគុណចំពោះបដិវត្តន៍ សម្ដែងនូវការដឹងគុណចំពោះវីរជនដែលបានពលីជីវិតដើម្បីឯករាជ្យ សេរីភាពប្រទេសជាតិ។

អ្នកមីងថាច់ធីសិន នៅភូមិដៃទែនជាយុទ្ធនារីពិការកម្រិត២/៤។

ឆ្លងកាត់ការតស៊ូទាំងពីរលើក លើភូមិសាស្រ្ត ឃុំលឿងហ្វាAមានការប្រយុទ្ធតតាំងយ៉ាងអង់អាច ដូចជានៅប៉ុស្ដិ៍កូវសី (តូច ធំ) ប៉ុស្ដិ៍ហ្វាឡាក ប៉ុស្ដិ៍គៀង ប៉ុស្ដិ៍សាមុក និងប៉ុស្ដិ៍ចាយ៉ឺ។ ជាមួយស្មារតីប្រយុទ្ធយ៉ាងអង់អាចក្លាហានរបស់កងទ័ព និងប្រជាជនលឿងហ្វា (បច្ចុប្បន្ន ជាលឿងហ្វាA) ក៏ទទួលបានជោគជ័យយ៉ាងត្រចះត្រចង់ជាបន្តបន្ទាប់។ ដើម្បីទទួលបានជ័យជម្នះនោះ លឿងហ្វាA មានកុលបុត្តឆ្នើមៗជាច្រើនជាជនជាតិកិញ និងជនជាតិខ្មែរ បានពលីជីវិតដើម្បីបុព្វហេតុរំដោះជាតិ ឯករាជ្យ សេរីភាពប្រទេសជាតិ។ ជាក់ស្ដែង ដូចជា វីរនារីកម្លាំងប្រដាប់អាវុធ កៀងធីញ៉ឹង រួមជាមួយយុទ្ធជនពលី១២៤រូប យុទ្ធជនពិការ៤១រូប យុទ្ធជនជំងឺ១រូប និងគ្រួសារមានសគុណចំពោះប្រទេសជាតិរាប់រយគ្រួសារ។ ក្នុងនោះ មានបុគ្គលជាង២០០រូបបានទទួលមេដាយ គ្រឿងឥស្សរិយយស និងប័ណ្ណសរសើររបស់រដ្ឋាភិបាល។ សព្វថ្ងៃ លឿងហ្វាA មានវីរមាតាវៀតណាមមួយរូបកំពុងរស់នៅ។

ឆ្នាំ២០១៤ ឃុំលឿងហ្វាA បានគណៈកម្មាធិការប្រជាជនខេត្តទទួលស្គាល់ឃុំសម្រេចបទដ្ឋាន លើកកម្ពស់កម្រិតជីវភាពយុទ្ធជនពិការ យុទ្ធជនជំងឺ និងគ្រួសារយុទ្ធជនពលី ស្មើនឹងកម្រិតជីវភាពមធ្យមរបស់ប្រជាជនក្នុងភូមិស្រុកឡើងទៅ។ ដើម្បីរក្សាលំនឹងនិងពង្រីកប្រសិទ្ធភាពនោះ ប៉ុន្មានឆ្នាំកន្លង គណៈកម្មាធិការបក្ស រដ្ឋអំណាចឃុំ បានបង្កើនការដឹកនាំ ចង្អុលការអនុវត្តបានទាន់ពេលនិងពេញលេញ គោលនយោបាយអាទិភាពរបស់បក្ស រដ្ឋដល់គ្រួសារដែលមានសគុណចំពោះប្រទេសជាតិ។

អ្នកមីងថាច់ធីសិន ជាយុទ្ធនារីពិការកម្រិត២/៤ នៅភូមិដៃទែន ជាក្មួយវីរមាតាវៀតណាមគឹមធីយ៉ោន និងជាប្រព័ន្ធយុទ្ធជនពលីថាច់ជា ឱ្យដឹង៖ “ដើម្បីប្រជាជន ប្រទេសជាតិ ជនរួមជាតិខ្មែរ លឿងហ្វាA តែងសាមគ្គីនឹងជនជាតិនានា រួមជាមួយនឹងបក្ស រដ្ឋ បណ្ដេញខ្មាំងសត្រូវឈ្លានពាន។ ក្រោយពីរំដោះ បក្ខភាពនិងរដ្ឋអំណាចគ្រប់លំដាប់ថ្នាក់ តែងយកចិត្តទុកដាក់គិតគូរគ្រប់បែបយ៉ាង អំពីសម្ភារៈនិងស្មារតីដល់គ្រួសារ ដែលមានសគុណចំពោះប្រទេសជាតិ។ គ្រួសារ ខ្ញុំរៀងរាល់ខែ តែងទទួលបានប្រាក់ឧបត្ថម្ភជាប្រចាំ។ ក្រៅពីនោះ ក្នុងឱកាសថ្ងៃបុណ្យទានម្ដងៗ គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ តែងមកសួរសុខទុក្ខនិងជូនអំណោយ។ ចិត្តខ្ញុំសប្បាយរីករាយ និងមានសេចក្ដីសុខខ្លាំងណាស់ ទន្ទឹមនឹងនោះ ក៏ដឹកនាំផ្ដែផ្ដាំកូនចៅក្នុងគ្រួសារ ត្រូវបន្តពង្រីកប្រវេណីបដិវត្តន៍ ធ្វើជាគំរូក្នុងការអនុវត្តតាមគោលមាគ៌ា គោលការណ៍របស់បក្ស គោលនយោបាយច្បាប់របស់រដ្ឋ”។

លោកតូងវ៉ាន់តាយ អនុប្រធានគណៈកម្មាធិការប្រជាជនឃុំលឿងហ្វាA ឱ្យដឹង៖ “ដោយកំណត់ច្បាស់ថា កិច្ចការយកចិត្តទុកដាក់គិតគូរដល់អ្នកដែលមានសគុណចំពោះប្រទេសជាតិជាគោលការណ៍ចម្បងរបស់បក្សនិងរដ្ឋ អាស្រ័យហេតុនោះ រៀងរាល់ឆ្នាំគណៈកម្មាធិការបក្ស រដ្ឋអំណាចឃុំលឿងហ្វាA តែងកសាងផែនការយ៉ាងច្បាស់លាស់ ដើម្បីផ្តុំកម្លាំងដឹកនាំ ចង្អុលការអនុវត្តឱ្យបានត្រឹមត្រូវសមស្របជាមួយនឹងលក្ខណសម្បត្តិរបស់ភូមិភាគ”៕

ម៉ាល័យ-ពេជ្រសឿន

ចែករំលែកអត្ថបទ

ពាក្យគន្លឹះ