ព្រឹត្តិការណ៍ - នយោបាយ នយោបាយ

29/07/2019 - 09:06

មហាសន្និបាតតំណាងរណសិរ្សមាតុភូមិវៀតណាម ខេត្តសុកត្រាំង លើក IX អាណត្តិកាល ២០១៩ - ២០២៤

* សមមិត្ត យឿងសាខា ជាប់ឆ្នោតប្រធានគណៈកម្មាធិការរណសិរ្សមាតុភូមិវៀតណាម ខេត្តសុកត្រាំង សាជាថ្មី។

មហាសន្និបាតតំណាងរណសិរ្សមាតុភូមិវៀតណាម ខេត្តសុកត្រាំង លើកIX អាណត្តិកាល ២០១៩ - ២០២៤ ទើបបានប្រព្រឹត្តឡើងយ៉ាងជោគជ័យប្រសើរ។

អ្នកស្រី ត្រឿងធីង៉ុកអាញ់ អនុប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ជូនឆាយាលក្ខណ៍អ៊ំដល់មហាសន្និបាត។

អាណត្តិកាលកន្លង រណសិរ្សមាតុភូមិគ្រប់លំដាប់ថ្នាក់ខេត្តសុកត្រាំង មិនបង្អង់ផ្លាស់ថ្មីខ្លឹមសារ របៀបសកម្មភាព ផ្ដុំកម្លាំងឆ្ពោះមកកាន់មូលដ្ឋាន។ ការងារសហការសកម្មភាពជាមួយនឹងក្រុមប្រឹក្សាប្រជាជន គណៈកម្មាធិការប្រជាជន និងគ្រប់អង្គការជាសមាជិក ពីមួយថ្ងៃទៅមួយថ្ងៃកាន់តែស្អិតល្មួត មានរបៀបរៀបរយ ប្រព័ន្ធចាត់ការ យន្តការកម្មាភិបាលជាជំហាន មានការពង្រឹងលើកកម្ពស់គុណភាពសកម្មភាព។ រាល់ការចលនា និងការចលនារបស់រណសិរ្ស របស់អង្គការជាសមាជិកពីមួយថ្ងៃទៅមួយថ្ងៃកាន់តែមានភាពស៊ីជម្រៅ មានកម្លាំងសាយភាយខ្លាំងក្លាដាស់ភ្ញោកប្រពៃណីស្នេហាជាតិ ទឹកចិត្តមោទនភាពជនជាតិ ពង្រីកលក្ខណៈរឹងប៉ឹង ច្នៃប្រតិដ្ឋរបស់ប្រជាជនរួមគ្នាចូលរួមអភិវឌ្ឍសេដ្ឋកិច្ច ដោះស្រាយរាល់បញ្ហាសង្គម កសាងជនបទថ្មី ផ្សារអារ្យធម៌ រួមចំណែកយ៉ាងសកម្ម ក្នុងការអនុវត្តរាល់ចលនាទូទាំងប្រជាជនក្នុងការធានាសុវត្ថិភាពចរាចរ ថែរក្សាសន្តិសុខសណ្តាប់ធ្នាប់ បង្ការបង្រ្កាបឧក្រិដ្ឋកម្ម ការពារបរិស្ថាន កាត់បន្ថយភាពក្រីក្រប្រកបដោយចីរភាព.....។

ក្នុងអាណត្តិកាលកន្លង រណសិរ្សនិងគ្រប់អង្គការជាសមាជិកបានចលនាទឹកប្រាក់ជាង៨៦៨ពាន់លានដុងជូនកម្មវិធីសុខុមាលភាពសង្គម; សង់ថ្មីនិងជួសជុលផ្ទះមហាសាមគ្គី២.៣៥២ខ្នង ឧបត្ថម្ភពិនិត្យព្យាបាលជំងឺជូនអំណោយដល់គ្រួសារក្រីក្រ ជូនអាហារូបករណ៍ដល់សិស្សក្រីក្រជំនួយការផលិតកម្ម សួរសុខទុក្ខជូនអំណោយដល់អ្នកក្រ សរុបចំនួនទឹកប្រាក់៨២ពាន់លានដុង។ រណសិរ្សនិងគ្រប់អង្គការ ជាសមាជិកសហការចលនាមូលនិធិ “តបស្នងសងគុណ” ជាង១៤,៩ពាន់លានដុង កសាងផ្ទះឧបការគុណ៧.៤០៤ខ្នងនិងជូនអំណោយចំនួន២១៧.០០២ចំណែក កសាងផ្ទះសម្រេច៦.០៧៤/៦.១០១ខ្នងជូនអ្នកមានសគុណចំពោះបដិវត្តន៍...។ គ្រប់អង្គការជាសមាជិករបស់រណសិរ្ស បានចលនាសម្ព័ន្ធយុវជន សមាជិកសមាគមចូលរួមកម្លាំងពលកម្មចំនួន១.០៣៥.៧២៦ថ្ងៃ ដាំផ្កា ដាំឈើម្លប់បៃតងជាង២៣.០១២.៣០៧ដើម កាប់ឆ្ការព្រៃស៊ុបទ្រុបបាន៥.០៥៥.៤៥៣ម៉ែត្រ និងជួសជុល ផ្លូវជនបទចំនួន៣.៦១៤.៣៣៥ម៉ែត្រ ជីកស្ដារប្រឡាយ២៤៨.៥៣៤ម៉ែត្រ សាងសង់ ជួសជុលផ្ទះជាង២.៥២១ខ្នង និងអនុវត្តសំណង់ការងារជាច្រើន រួមកម្លាំងកសាងជនបទថ្មី….។

មហាសន្និបាតបានឯកភាពជ្រើសរើស ឧទ្ទេសនាមតំណាង៩០នាក់ចូលរួមជាសមាជិកនៃគណៈកម្មាធិការរណសិរ្សមាតុភូមិវៀតណាម ខេត្តសុកត្រាំង អាណត្តិកាល២០១៩-២០២៤។ មហាសន្និបាតជ្រើសតំណាង១២នាក់ចូលរួមមហាសន្និបាតថ្នាក់លើ។ សមមិត្តយឿង សាខាជាប់ឆ្នោតសាជាថ្មី ជាប្រធានគណៈកម្មាធិការរណសិរ្សមាតុភូមិវៀតណាម ខេត្តសុកត្រាំង អាណត្តិកាល ២០១៩ - ២០២៤ ៕

លីធាន - ថាច់ធី

ចែករំលែកអត្ថបទ

ពាក្យគន្លឹះ