គោលនយោបាយ -ការរស់នៅ គោលនយោបាយ

24/06/2019 - 09:10

សមិទ្ធិផលលេចធ្លោរយៈពេល៥ឆ្នាំ អនុវត្តគោលនយោបាយជនជាតិ

ស្រុកកូវកែ ខេត្តត្រាវិញ បានកំណត់ច្បាស់ការងារជនជាតិ និងគោលនយោបាយជនជាតិ គឺជាភារកិច្ចមួយក្នុងចំណោមភារកិច្ចដ៏សំខាន់ៗក្នុងការអភិវឌ្ឍសេដ្ឋកិច្ច-សង្គមនៅភូមិភាគ។

លោកថាច់បូណាត (អង្គុយកណ្តាល) ចុះសាកសួរគ្រួសារដែលបានទទួលផលពីគោលនយោបាយជនជាតិ។

ប៉ុន្មានឆ្នាំកន្លង គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ស្រុកកូវកែ បានផ្តុំកម្លាំងដឹកនាំ ចង្អុលការ ជាជំហានៗអនុវត្តមានប្រសិទ្ធភាពរាល់កម្មវិធី គម្រោង គោលនយោបាយជនជាតិ ជួយជនរួមជាតិភាគតិចលើភូមិសាស្រ្តនិយាយរួម ជនរួមជាតិខ្មែរនិយាយដោយឡែក លើកស្ទួយជីវភាពសម្ភារៈ ស្មារតី រួមចំណែកអនុវត្តប្រកបដោយប្រសិទ្ធភាព ទិសដៅកាត់បន្ថយភាពក្រីក្រ។

ស្រុកកូវកែ បានធ្វើឲ្យច្បាស់នូវខ្លឹមសារនៃបទបញ្ជា សេចក្តីសម្រេចស្តីពីការងារជនជាតិ និងគោលនយោបាយជនជាតិរបស់មជ្ឈិម ផ្សារភ្ជាប់នឹងកម្មវិធី គម្រោងផែនការអភិវឌ្ឍសេដ្ឋកិច្ច-សង្គមរួមរបស់ស្រុក។ ផ្តើមពីគោលនយោបាយអាទិភាពរបស់បក្សនិងរដ្ឋ ឃើញថាគ្រួសារជនជាតិភាគតិចក្រីក្រទទួលបានលំនៅឋាន ដីសង់ផ្ទះ ដីបង្កបង្កើនផល។ល។ ជួយមាមីងមានលក្ខណសម្បត្តិអភិវឌ្ឍផលិតកម្មឈានឡើងចាកផុតពីភាពក្រីក្រ លំនឹងជីវភាព។ ផ្តើមពីនោះ រួមចំណែកជំរុញសេដ្ឋកិច្ចទូទាំងស្រុកកើនឡើងគួរឲ្យកត់សម្គាល់។ ជាពិសេស ស្ថានភាពនៃជីវភាពសេដ្ឋកិច្ចក្នុងតំបន់ជនរួមជាតិភាគតិចកាន់តែបានលើកស្ទួយ។

លោកថាច់បូណាត (ឈរទី២ពីខាងឆ្វេង) ចុះសួរសុខទុក្ខ គ្រួសារមានជីវភាពលំបាក

បានទទួលផលពីគោលនយោបាយជនជាតិ។

ទន្ទឹមនឹងនោះ ការងារអភិរក្សនិងពង្រីកតម្លៃកេរដំណែលវប្បធម៌ ត្រូវបានចាប់អារម្មណ៍យ៉ាងពិសេស វត្តអារាមដែលមានសគុណចំពោះបដិវត្តន៍ ត្រូវបានរដ្ឋឧបត្ថម្ភថវិកាជួសជុល កសាង គិតជាទឹកប្រាក់ជាង៩០០លានដុង ប្រព័ន្ធផ្សាយសំឡេងតាំងពីស្រុកដល់មូលដ្ឋាន ត្រូវបានរដ្ឋយកចិត្តទុកដាក់វិនិយោគបង្កើនកម្រិត ពិសេសគឺភូមិ ឃុំដែលមានជនរួមជាតិខ្មែររស់នៅកុះករ បានធានាការផ្សាយបន្តកម្មវិធីព័ត៌មានជាភាសាវៀត-ខ្មែរពីស្ថានីយវិទ្យុវៀតណាម ស្ថានីយផ្សាយសំឡេងឆ្លើយតបទៅនឹងតម្រូវការទទួលព័ត៌មានរបស់ជនរួមជាតិខ្មែរនៅតាមឃុំ ទីប្រជុំជន ភូមិ អនុសង្កាត់។ បងថាច់ហួង នៅភូមិចុងផ្នោ ឃុំហ្វាតឹង ឲ្យដឹង៖ “ដោយសារគោលនយោបាយជនជាតិ ឧបត្ថម្ភដល់គ្រួសារក្រីក្រ ទើបគ្រួសារខ្ញុំទទួលបានដីសង់ផ្ទះ។ ខ្ញុំត្រេកអរណាស់ ហើយសូមអរគុណដល់រដ្ឋអំណាចភូមិភាគ ដែលបានយកចិត្តទុកដាក់ដល់គ្រួសារជនជាតិភាគតិចក្រីក្រ ក្នុងនោះ មានគ្រួសារខ្ញុំជាដើម។ ខ្ញុំសន្យាថា នឹងខិតខំធ្វើការរកស៊ី ដើម្បីឈានឡើងចាកផុតពីភាពក្រីក្រ មិនធ្វើឲ្យបក្សនិងរដ្ឋខកបំណងទេ”។

លោកថាច់បូណាត ប្រធានការិយាល័យជនជាតិស្រុកកូវកែ ឲ្យដឹង “ប៉ុន្មានឆ្នាំកន្លង ជនរួមជាតិខ្មែរក្នុងស្រុក តែងបានរដ្ឋអំណាចគ្រប់លំដាប់ថ្នាក់ ផ្តោតការយកចិត្តទុកដាក់ បង្កលក្ខណសម្បត្តិបានកៀកជិតនឹងប្រភពទុនអានុគ្រោះ ឧបត្ថម្ភអភិវឌ្ឍផលិតកម្ម។ល។ ម្ល៉ោះហើយទើបមាមីងមានដើមទុនធ្វើការរកស៊ី គ្រួសារបានឈានឡើងធូរធារ”៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ