14/05/2019 - 13:58

សុក​ត្រាំង​ ភាព​ពុះ​ពោរ​នៃ​ស​កម្ម​ភាព​​ក្នុង​ឱ​កាស​ថ្ងៃ​បុណ្យ​

ខួប​អនុ​ស្សាវ​រីយ៍​៤៤​ឆ្នាំ​ ទិ​វា​រំ​ដោះ​ភាគ​​ខាង​ត្បូង​ ឯក​ភាព​ទឹក​ដី​ (៣០​/៤/១៩​៧៥​​-៣០​/៤/​២០១៩)​និង​១៣៣​ឆ្នាំ ទិ​វា​ពល​កម្ម​អន្តរ​​ជាតិ​ថ្ងៃ​១ ខែ​ឧស​ភា នៅ​កង​អនុ​សេ​នា​ធំ​ហ្វឹក​​ហាត់​ច​ល័ត​ បញ្ជា​ការ​ដ្ឋាន​កង​ទ័ព​ការ​ពារ​ព្រំ​ដែន​ខេត្ត​សុក​ត្រាំង​ រៀប​ចំ​ស​កម្ម​ភាព​រៀន​សូត្រ​ ប្រ​វេ​ណី​និង​ដោះ​ដូរវប្ប​ធម៌​ សិល្បៈ​​កី​ឡា​អប់​រំ​​កាយ​ ជូន​កម្មា​ភិ​បាល​និង​យោ​ធិន​។

ឈុត​សម្តែង​មួយ​នៃ​រាត្រី​ទំ​នាក់​ទំ​នង​សិល្បៈ​ជា​មួយ​នឹង​

សា​ខា​សម្ព័ន្ធ​យុវ​ជន​ចង​មេ​ត្រី​ភាព​។

ប្រ​កួត​បាល់​ទះ​ រ​វាង​ក្រុម​បាល់​​ទះ​សា​ខា​សម្ព័ន្ធ​យុវ​ជន​ស្ថា​ប័ន​បញ្ជា​ការ​ដ្ឋាន​

និង​​ក្រុម​សា​ខា​​សម្ព័ន្ធ​យុវ​ជន​​កង​អនុ​សេ​នា​​ធំ​ហ្វឹក​ហាត់​ច​ល័ត​។​

នៅ​ក្នុង​ពេល​រៀន​សូត្រ​ កម្មា​ភិ​បាល​ យុទ្ធ​​ជន​បាន​ស្តាប់​លោក​វរសេ​នីយ៍​ឯក​ឡេ​មិញ​កើ​ វី​រ​​យុទ្ធ​ជន​កង​កម្លាំង​ប្រ​ដាប់​អា​វុធ​ប្រ​ជា​ជន​ អ​តី​ត​មេ​បញ្ជា​ការ​នៃ​បញ្ជា​ការ​ដ្ឋាន​កង​ទ័ព​ការ​​ពារ​ព្រំ​ដែន​ខេត្ត​សុក​ត្រាំង​ បាន​រំ​លឹក​ឡើង​វិញ​​នូវ​ប្រ​វេ​ណី​ដ៏​ត្រ​ចះ​ត្រច​ង់​របស់​កង​ទ័ព​ប្រ​ជា​ជន​​វៀត​ណាម​ក្នុង​ស​ម័យ​សង្រ្គាម​ទាំង​ពីរ​លើក​ ត​ស៊ូ​ប្រ​ឆាំង​អា​ណា​និ​គម​បា​រាំង​ និង​ចក្រ​ពត្តិ​​អា​មេ​រិក​។ ក្នុង​នោះ កង​កម្លាំង​យុទ្ធ​ជន​ការ​ពារ​ព្រំ​ដែន​ខេត្ត​បាន​សហ​ការ​ប្រ​យុទ្ធ​និង​ប្រ​យុទ្ធ​ផ្ទាល់​លើ​ស​មរ​ភូមិ​តូច​ធំ​ប្រ​មាណ​ជាង​៦០០​ ស្នា​ដៃ​លេច​ធ្លោ​បំ​ផុត​របស់​អង្គ​ភាព​ គឺ​ចាត់​តាំង​​បាញ់​ឧទ្ធម្ភាគ​ចក្រ​ឆ្លុះ​បំ​ភ្លឺ​របស់​ខ្មាំង​ ចូល​រួម​ឡោម​ព័ទ្ធ​វាយ​កាន់​កាប់​ប៉ុស្តិ៍​នាង​រ៉េន​ឆ្នាំ១៩៦៥​។ ឡោម​ព័ទ្ធ​សា​ខា​តំ​បន់​ង៉ា​ណាំ ​(បច្ចុ​ប្បន្ន​​គឺ ទី​រួម​ខេត្ត​ង៉ា​ណាំ)​ឆ្នាំ​១៩៦៨ និង​៣១​យប់​ថ្ងៃ​ប្រ​យុទ្ធ​​ការ​ពារ​តំ​បន់​មូល​ដ្ឋាន​ព្រៃ​ស្មាច់​មីភឿក​របស់​គណៈ​កម្មា​ធិ​ការ​បក្ស​ខេត្ត​ ឆ្នាំ​១៩៧២ រួម​ចំ​ណែក​​គូស​បញ្ជាក់​ទំ​ព័រ​ប្រ​វត្តិ​សាស្រ្ត​ថ្ងៃ​៣០​ ខែ​មេ​សា​ ឆ្នាំ​១៩៧៥។ ក្នុង​ដំ​ណាក់​ការ​ក​សាង​ទឹក​ដី​ កង​ទ័ព​ការ​ពារ​ព្រំ​ដែន​ខេត្ត​សុក​ត្រាំង​ ជា​និច្ច​កាល​ខិត​ខំ​អនុ​វត្ត​ល្អភារ​កិច្ច​គ្រប់​គ្រង​ ការ​ពារ​​រក្សា​ខ្ជាប់​សន្តិ​សុខ​ន​យោ​បាយ​ សណ្តាប់​ធ្នាប់​សុ​វត្ថិ​ភាព​សង្គម​តំ​បន់​ព្រំ​ដែន​ស​មុទ្រ​។

​ ក្រៅ​ពី​នោះ បញ្ជា​ការ​ដ្ឋាន​កង​ទ័ព​ការ​ពារ​ព្រំ​ដែន​ខេត្ត​សុក​ត្រាំង​ នៅ​ទាំង​រៀប​ចំ​ស​កម្ម​ភាព​ទំ​នាក់​ទំ​នង​វប្ប​ធម៌​ ដោយ​មាន​ឈុត​សម្តែង​ ពិសេស​ៗ​ជា​ច្រើន​បង្ហាញ​ពី​ស្មារ​តី​ដ៏​មោះ​មុត​​របស់​យុវ​វ័យ​ក្នុង​ភារ​កិច្ច​កសាង​និង​ការ​ពារ​មាតុ​​ភូមិ រៀប​ចំ​ស​កម្ម​ភាព​ទំ​នាក់​ទំ​នង​កី​ឡា​បាល់​ទះ​ជួយ​ឲ្យ​យោ​ធិន​លត់​ដំ​សុខ​ភាព​ លេង​កំ​​សាន្ត​នៅ​ក្នុង​ឱ​កាស​ថ្ងៃ​បុណ្យ​។ ឆ្លង​តាម​រយៈ​​នោះ បាន​ជួយ​ឲ្យ​កម្មា​ភិ​បាល​​យុទ្ធ​ជន​ បាន​​ដឹង​បន្ថែម​អំ​ពី​ការ​ទុក្ខ​លំ​បាក​របស់​រៀម​ច្បង​ ជា​គំ​រូ​ដើម្បី​ផ្តល់​កម្លាំង​ចិត្ត​ក្នុង​ការ​ហាត់​ពត់​ រៀន​សូត្រ​ និង​មិន​បង្អង់​ខិត​ខំ​ប្រឹង​ប្រែង​ អនុ​វត្ត​​សម្រេច​ឆ្នើម​ភារ​កិច្ច​ដែល​បាន​ប្រ​គល់​ជូន​៕​

យ្វីអាញ់-មុនី

ចែករំលែកអត្ថបទ