សន្តិសុខ - ការពារប្រទេស សន្តិសុខ

08/04/2019 - 21:15

កុលបុត្រខ្មែរ ក្នុងសម្លៀកបំពាក់នគរបាល

“ខណៈពេលថាច់ប៊ិញ រួមជាមួយបងប្អូនឯទៀត ជាកងកម្លាំងនគរបាលរៀបរយ មកទទួលភារកិច្ចនៅនគរបាលឃុំ ឃើញថាស្ថានការណ៍សន្តិសុខសណ្តាប់ធ្នាប់កាន់តែមានស្ថិរភាព។ ពិសេស គឺស្ថានភាពជល់មាន់ ល្បែងស៊ីសង ត្រូវបានកាត់បន្ថយ។ ម្យ៉ាងទៀត យុវជនផ្តុំគ្នាយប់ជ្រៅតិចកើតមានផងដែរ” - នោះគឺ ជាការរៀបរាប់របស់ប្រជាជនលើភូមិសាស្រ្តឃុំធើយស្វឹង ស្រុកកើ-ដ ក្រុងកឹងធើ ពេលដែលយើងខ្ញុំសាកសួរពីនគរបាលរៀបរយ ត្រូវបានចាត់បញ្ជូនមកឃុំ។

អនុសេនីយ៍ឯកបម្រុងថាច់ប៊ិញតែងជិតស្និទ្ធនឹងប្រជាជន និងបានប្រជាជន

គោរពរាប់អាន។

អាយុ៣១ឆ្នាំ ប៉ុន្តែទឹកមុខអនុសេនីយ៍ឯកបម្រុងថាច់ប៊ិញ ប្រធាននគរបាលឃុំធើយស្វឹង រំលេចឡើងនូវភាពមុតមាំ ហៅហាន ។ ថាច់ប៊ិញ ឲ្យដឹង៖ ពេលខ្ញុំ កំពុងរៀនថ្នាក់ទី១០ សាលាវិទ្យាល័យហាហ្វីយ៉ាប់ ខ្ញុំក៏បានទៅរៀននៅសាលាយុវសិស្សយោធិននៃផ្នែកនគរបាល អា ស្រ័យបានទទួលរបបពិសេសរបស់រដ្ឋសម្រាប់ជនជាតិខ្មែរ។ ក្រោយពីប្រឡងបញ្ចប់កម្មសិក្សាសាលាវប្បធម៌២របស់ក្រសួងនគរបាល ថាច់ប៊ិញ ក៏បានចូលរៀនកម្រិតមធ្យមសិក្សា សន្តិសុខនៅឆ្នាំ២០០៦។

ឆ្នាំ២០០៨ ថាច់ប៊ិញ ទទួលភារកិច្ចនៅក្រុមសន្តិសុខនគរបាលខ័ណ្ឌអូរមូ៉ង។ ថាច់ប៊ិញ ត្រូវរៀនសូត្រយ៉ាងច្រើនពីមិត្តរួមកង ដើម្បីទទួលបានបទពិសោធន៍ក្នុងភាពជាក់ស្តែង។ មួយឆ្នាំក្រោយ ថាច់ប៊ិញ ត្រូវបានបញ្ជូនទៅបម្រើការក្រុមសន្តិសុខស្រុកកើ-ដវិញ។ ថាច់ប៊ិញ បានច្បាម មូលដ្ឋាន ក្តោបក្តាប់បានទាន់ពេលនូវបំណងប្រាថ្នារបស់ប្រជាជនក្រីក្រ ដើម្បីមានវិធានការជួយឧបត្ថម្ភ និងជួបប្រស្រ័យជាមួយអ្នកមានប្រជាប្រិយភាពក្នុងជនរួមជាតិខ្មែរ ដើម្បីចលនាណែនាំមាមីងខ្មែរអនុវត្តនូវគោលការណ៍ គោលនយោបាយរបស់បក្សនិងរដ្ឋ។ ដើម្បីបម្រើការបានល្អដល់ការងារជំនាញ ថាច់ប៊ិញ បានលៃលកពេលវេលា រៀនសូត្រនិងបានប្រឡងបញ្ចប់បរិញ្ញាប័ត្រផ្នែកនរវិទ្យា។

លាលែងពីតំណែងអនុប្រធានក្រុមសន្តិសុខ ថាច់ប៊ិញ ត្រូវបានថ្នាក់ដឹកនាំស្រុកជឿទុកចិត្ត ប្រគល់ភារកិច្ចជាប្រធាននគរបាលឃុំធើយធ្វឹង កាលពីចុងឆ្នាំ២០១៧។ ជាមួយនឹងតួនាទី ភារកិច្ចថ្មីទាំងស្រុង ថាច់ប៊ិញ មិនរារែករៀនសូត្រពីបងប្អូនបុគ្គលិកនគរបាល ដែលទទួលបន្ទុកភូមិសាស្រ្តឃុំមុននោះ ហើយទទួលបានការណែនាំយ៉ាងដិតដល់ពីគណៈចង្អុលការនគរបាលស្រុកផង ម្ល៉ោះហើយ បងសម្រេចបានភារកិច្ចឆ្នើមឆ្នាំ២០១៨។

អនុសេនីយ៍ឯកបម្រុង ថាច់ប៊ិញ បានស្តែងនូវតួនាទី ភារកិច្ចរួមជាមួយភូមិភាគរក្សាខ្ជាប់កិត្តិនាមគ្មាន៣ គឺ “គ្មានឧក្រិដ្ឋកម្ម គ្មានគ្រឿងញៀន និងគ្មានពេស្យាចារ” លើភូមិសាស្រ្តគ្មានកើតមានបទឧក្រិដ្ឋជាដើម។ ពូវ៉វ៉ាន់ថាំង ប្រជាជននៅភូមិធើយហ្វា C ឲ្យដឹង៖ “ចាប់ពីមាននគរបាលរៀបរយ មកបម្រើការនៅឃុំយើង ក្នុងនោះមានពូថាច់ប៊ិញ ជាប្រមុខឃើញថា ស្ថានការណ៍សន្តិសុខសណ្តាប់ធ្នាប់នៅទីនេះ បានលំនឹងជាង។ ពួកគាត់ធ្វើការហ្មត់ចត់ ប្រាកដប្រជាជាក់ស្តែង ច្បាស់លាស់។ អាវពណ៌ខៀវរបស់កម្លាំងនគរបាល រៀបរយ បានជួយ “បង្ក្រាប” មុខសញ្ញាដែលប្រព្រឹត្តតាមទំនើងចិត្ត ពិសេសគឺទីតាំងជល់មាន់ ល្បែងស៊ីសង យុវជនផ្តុំគ្នាយប់ជ្រៅនៅភូមិធើយហ្វា C នេះតែម្តង”។

កើតនិងធំដឹងក្តីក្នុងគ្រួសារកសិករមានបងប្អូន៣នាក់ ថាច់ប៊ិញ ចាប់យកអាជីពនគរបាល ទុកដូចជាឧបនិស្ស័យ។ ប៉ុន្តែមកទល់ពេលនេះ អាវពណ៌ខៀវក៏បានផ្សារភ្ជាប់យ៉ាងជិតស្និទ្ធនឹងបង។ អនុសេនីយ៍ឯកបម្រុងថាច់ប៊ិញ ឲ្យដឹង៖ “ដំបូងគ្រាន់តែជាចំណូលចិត្តប៉ុណ្ណោះ ប៉ុន្តែមកទល់ពេលនេះ រឹតតែធ្វើការ រឹតតែជក់ចិត្តដិតអារម្មណ៍ ពេញចិត្ត នឹងអាជីពកាន់តែខ្លាំង” ទឹកចិត្តស្រឡាញ់អាជីពក៏បានជំរុញ ថាច់ប៊ិញ ធ្វើការកាន់តែក្លៀវក្លាជាងមុន ហើយត្រូវបានប្រជាជនគោរពស្រឡាញ់។៕

សឺនហា-លីសៀ

ចែករំលែកអត្ថបទ

ពាក្យគន្លឹះ