 |
ក្រុងកឹងធើ មានជនជាតិភាគតិចរួមរស់ជាមួយគ្នាដល់ទៅ២៧ជនជាតិ ដោយមានមនុស្សប្រមាណជាង៣៩.០០០នាក់ ស្រូប អត្រា៣,១៨%នៃចំនួនប្រជាជនរួមរបស់ក្រុង ក្នុងនោះ ជនរួមជាតិខ្មែរជាង៥៨,៣% ស្រូបអត្រាជាង១,៨១%នៃចំនួនប្រជាជនក្រុងកឹងធើរួម។ ច្រើនឆ្នាំកន្លង ក្រុងកឹងធើអនុវត្តគោលការណ៍ គោលនយោបាយជនជាតិរបស់បក្សនិងរដ្ឋកាន់តែមានប្រសិទ្ធភាពពីមួយថ្ងៃទៅមួយថ្ងៃ។ អាស្រ័យហេតុនោះ ជីវភាពរបស់ជនរួមជាតិសន្សឹមៗបានកែលម្អ បង្កបានភាពសោមនស្សរីករាយ ជឿជាក់ក្នុងជនរួមជាតិ លើការដឹកនាំរបស់បក្សនិងរដ្ឋ; បំផុសចលនាប្រឡងប្រណាំងស្នេហាជាតិ រួមចំណែកកសាងផែនមហាសាមគ្គីជនជាតិ លើភូមិសាស្រ្តក្រុង។
ក្នុងឱកាសអំណរបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ ឆ្នាំ២០១៩ សមមិត្តផាមវ៉ាន់ហេវ អនុលេខាប្រចាំការនៃគណៈកម្មាធិការបក្សក្រុង ប្រធានក្រុមប្រឹក្សាប្រជាជនក្រុងកឹងធើ ចែករំលែកឲ្យដឹង៖
-ការងារជនជាតិនៅក្រុងកឹងធើ បានរដ្ឋអំណាចគ្រប់លំដាប់ថ្នាក់ ផ្តោតការយកចិត្តទុកដាក់ អនុវត្តបានល្អប្រសើរ ដោយកាន់តែអភិវឌ្ឍន៍ពីមួយថ្ងៃទៅមួយថ្ងៃ។ នេះគឺជាលទ្ធផលជាវិជ្ជមាន ល្អប្រសើរដែលទូទាំងប្រព័ន្ធនយោបាយរបស់ក្រុងបានផ្តុំកម្លាំងចង្អុលការអភិវឌ្ឍសេដ្ឋកិច្ច វប្បធម៌សង្គម លើកកម្ពស់ជីវភាពសម្ភារៈ ស្មារតី នៅកន្លែងដែលមានជនជាតិភាគតិចរស់នៅ ក្នុងនោះ សំខាន់គឺជនរួមជាតិខ្មែរ។ មួយចំនួនគ្រួសាដែលគ្មានដីធារផ្ទះ គ្មានលំនៅឋាន គឺតាមរយៈប្រភពទុនមជ្ឈិមនិងភូមិភាគ ក៏ដូចជាចលនាពីសង្គមូបនីយកម្ម ក្រុងរៀបចំពិនិត្យ ជម្រើសនិងផ្គត់ផ្គង់ដីធារផ្ទះ សង់លំនៅឋាន ជូនជនរួមជាតិ។ គណៈកម្មាធិការបក្ស រដ្ឋអំណាច និងអង្គការមហាជននយោបាយគ្រប់លំដាប់ថ្នាក់ តែងរៀបចំនូវសកម្មភាព កសាងកម្មវិធី ផែនការ ទម្រង់ឧបត្ថម្ភផលិតកម្ម អភិវឌ្ឍសេដ្ឋកិច្ច បាននាំមកនូវប្រសិទ្ធភាពជាក់ស្តែង។ ផ្តើមពីនោះ ជីវភាពរបស់ជនរួមជាតិបានកែលម្អបណ្តើរៗ។ល។ ឆ្លងតាមរយៈការអនុវត្តនូវកម្មវិធី គម្រោងគោលនយោបាយ ឧបត្ថម្ភ ឃើញថាអត្រាគ្រួសារក្រីក្រក្នុងជនរួមជាតិថយចុះយ៉ាងឆាប់រហ័ស និងប្រកបដោយនិរន្តរភាព។ កាលពីដើមឆ្នាំ២០១៦ ទូទាំងក្រុង មានគ្រួសារក្រីក្រប្រមាណ១.៣៧៩ លុះដល់ចុងឆ្នាំ២០១៨ នៅតែ៤៨៣គ្រួសារប៉ុណ្ណោះ ស្រូបអត្រា៥,០៨%នៃចំនួនគ្រួសារជនជាតិភាគតិចសរុបរបស់ក្រុង។
ការអភិរក្សនិងពង្រីកអត្តសញ្ញាណវប្បធម៌ជនជាតិរបស់ជនរួមជាតិភាគតិច ត្រូវបានរដ្ឋអំណាចគ្រប់លំដាប់ថ្នាក់យកចិត្តទុកដាក់យ៉ាងខ្លាំង។ រៀងរាល់ឆ្នាំ ក្រុងតែងចាត់តាំងគណៈប្រតិភូអញ្ជើញទៅសួរសុខទុក្ខ ប្រគេនទេយ្យវត្ថុដល់ព្រះសង្ឃនៅតាមវត្ត និងជនរួមជាតិខ្មែរ ស្របក្នុងឱកាសបុណ្យចូលឆ្នាំថ្មី និងបុណ្យសែនដូនតា។ល។ ព្រមទាំងឧបត្ថម្ភថវិកាជួសជុលវត្តអារាម កសាងឈាបនដ្ឋាន ប្រគេនភ្លេងពិណពាទ្យជាដើម។ ផ្តើមពីនោះ បង្កបានក្តីជំនឿទុកចិត្តពីសំណាក់ព្រះសង្ឃ ជនរួមជាតិខ្មែរ និងជនជាតិភាគតិចដទៃទៀតទៅលើការដឹកនាំរបស់បក្សនិងរដ្ឋគ្រប់លំដាប់ថ្នាក់។
*ដើម្បីសម្រេចបានលទ្ធផលល្អប្រសើរក្នុងការងារជនជាតិរយៈពេលកន្លង មូលហេតុម្បងគឺអ្វីខ្លះ ជម្រាបប្រសាសន៍ សមមិត្ត ?
សមមិត្ត ត្រឹងថាញមុឹង លេខាមជ្ឈិមបក្ស ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម ប្រគេនទេយ្យវត្ថុដល់ព្រះឧបជ្ឈាយ៍លីសឹង ប្រធានសមាគមព្រះសង្ឃសាមគ្គីស្នេហាជាតិ ក្រុងកឹងធើ នាឱកាសបុណ្យចូលឆ្នាំថ្មី ២០១៨។ រូបថតៈ ក្វឹកថាយ
-ក្រុងកឹងធើ បានផ្តុំកម្លាំងដឹកនាំ ចង្អុលការផ្សព្វផ្សាយអនុវត្តនូវគោលការណ៍ គោលនយោបាយរបស់បក្ស និងរដ្ឋ អំពីការងារជនជាតិបានទាន់ពេលនិងប្រកបដោយប្រសិទ្ធភាព; ត្រូវបានរដ្ឋអំណាចភូមិភាគនានាគ្រប់លំដាប់ថ្នាក់ និងជនរួមជាតិជាជនជាតិភាគតិចខ្នះខ្នែងអនុវត្តនិងឯកភាពខ្ពស់។ ពិសេសជាងទៀត ក្រុងបានម្ចាស់ការនិងធ្វើឲ្យជាក់ស្ដែងទាន់ពេលនូវ គោលការណ៍ គោលនយោបាយរបស់បក្សនិងរដ្ឋ អំពីការងារជនជាតិដោយអនុវត្តនូវសេចក្តីសម្រេចរបស់ក្រុមប្រឹក្សាប្រជាជនក្រុង អំពីគោលនយោបាយដោយឡែកសម្រាប់ជនជាតិ ភាគតិចលើភូមិសាស្រ្ត ធានាត្រូវតាមសេចក្តីកំណត់ ព្រមៗគ្នា សមស្របជាមួយនឹងស្ថានភាពជាក់ស្តែងរបស់ក្រុង។ល។ ការយល់ដឹងរបស់គណៈកម្មាធិការបក្ស រដ្ឋអំណាច រណសិរ្ស និងអង្គការមហាជនគ្រប់លំដាប់ថ្នាក់ ចំពោះការងារជនជាតិកាន់តែល្អប្រសើរឡើងពីមួយថ្ងៃទៅមួយថ្ងៃ។
ក្រុងបានផ្តុំកម្លាំងចង្អុលការគិតគូរអភិវឌ្ឍសេដ្ឋកិច្ច-សង្គម កន្លែងដែលមានជនជាតិភាគតិចរស់នៅ ដើម្បីលើកកម្ពស់ជីវភាព កាត់បន្ថយគ្រួសារក្រីក្រប្រកបដោយចីរភាព។ល។ ស្មារតីឈានឡើងដោយខ្លួនឯង ឆ្លងកាត់លំបាកធ្វើការរកស៊ី ឈានឡើងចាកផុតពីភាពក្រីក្រក្នុងជនជាតិភាគតិចនិយាយរួម ជនរួមជាតិខ្មែរនិយាយដោយឡែកកាន់តែបង្ហាញច្បាស់ពីមួយថ្ងៃទៅមួយថ្ងៃ ជម្នះនូវស្មារតី ទន្ទឹងរង់ចាំ សំអាងលើការឧបត្ថម្ភរបស់រដ្ឋ។
សមមិត្ត ត្រឹងក្វឹកទ្រុង សមាជិកមជ្ឈិមបក្ស លេខាគណៈកម្មាធិការបក្សក្រុងកឹងធើជូនអំណោយដល់គ្រួសារជនរួមជាតិខ្មែរក្រីក្រ នៅឃុំថើយស្វឹង ស្រុកកើ-ដ នាឱកាសបុណ្យសែនដូនតាឆ្នាំ២០១៨។ រូបថតៈ អាញយុង
* ថ្ងៃទី១០ ខែមករា ឆ្នាំ២០១៨ គណៈលេខានីតិកាលXII ប្រកាសជាធរមានបទបញ្ជា លេខ១៩-CT/TW ស្តីពីបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មី។ តើគណៈកម្មាធិការបក្សក្រុងកឹងធើ បានផ្សព្វផ្សាយបទបញ្ជានេះដូចម្តេចខ្លះ ជម្រាបប្រសាសន៍សមមិត្ត?
-ក្រោយពីបទបញ្ជាលេខ១៩-CT/TW បានប្រកាសជាធរមាន គណៈអចិន្ត្រៃយ៍នៃគណៈកម្មាធិការបក្សក្រុងកឹងធើ បានចេញសារលិខិតសំណូមពរគណៈកម្មាធិការបក្ស អង្គការបក្ស រដ្ឋអំណាច រណសិរ្សមាតុភូមិ និងអង្គការមហាជនក្រុងគ្រប់លំដាប់ថ្នាក់ អនុវត្តឲ្យបានល្អនូវខ្លឹមសារសំខាន់ៗក្នុងបទបញ្ជា។ តួយ៉ាងដូច៖ រៀបចំបញ្ជ្រាបផ្សព្វផ្សាយអនុវត្តយ៉ាងម៉ឺងម៉ាត់ ប្រកបដោយប្រសិទ្ធភាពនូវបទបញ្ជាលេខ១៩ដល់កម្មាភិបាល បក្ខជន អ្នករដ្ឋការ បុគ្គលិក សម្ព័ន្ធយុវជន សមាជិកសម្ព័ន្ធយុវជន និងប្រជាជនលើភូមិសាស្រ្តក្រុង ដើម្បីបង្កការផ្លាស់ប្តូរយ៉ាងខ្លាំងក្លានិងលើកកម្ពស់ស្មារតី ការទទួលខុសត្រូវរបស់គណៈកម្មាធិការបក្ស រដ្ឋអំណាចគ្រប់លំដាក់ថ្នាក់ និងប្រជាជន។ ផ្តុំកម្លាំងកៀរគររាល់ប្រភពកម្លាំងវិនិយោគអភិវឌ្ឍសេដ្ឋកិច្ច-សង្គមគ្រប់ជ្រុងជ្រោយ ធានាការការពារប្រទេស-សន្តិសុខ ពិសេសបំផុតគឺភូមិភាគនានាដែលមានជនរួមជាតិខ្មែររស់នៅកុះករ យកចិត្តទុកដាក់ជំរុញបង្វែររចនាសម្ព័ន្ធសេដ្ឋកិច្ចសមស្រប សុាំនឹងការបម្រែបម្រួលអាកាសធាតុ អនុវត្តល្អនូវគោលនយោបាយដោយឡែកអំពីដីធារផ្ទះ ដីផលិតកម្ម ឧបត្ថម្ភផ្លាស់ប្តូររបរ បុលទុនអនុគ្រោះ បង្រៀនរបរផ្សារភ្ជាប់នឹងដោះស្រាយការងារធ្វើទឹកស្អាតប្រើប្រាស់។ល។ ដើម្បីផ្តុំកម្លាំងដោះស្រាយនូវបញ្ហាលំបាក បញ្ហាកង្វល់អំពីជីវភាព ការ ផលិតរបស់គ្រួសារក្រីក្រ គ្រួសារជនជាតិភាគតិច រួមចំណែកអភិវឌ្ឍផលិតកម្ម បង្កើនប្រាក់ចំណូលជាសន្សឹមៗកែលម្អនិងលើកកម្ពស់ជីវភាពប្រជាជន។ អង្គការបក្សនៃក្រុមប្រឹក្សាប្រជាជនក្រុង ដឹកនាំពិនិត្យឡើងវិញ ធ្វើឲ្យសុក្រឹត បំពេញបន្ថែមគោលនយោបាយ ជាប់ពាក់ព័ន្ធដល់ជនរួមជាតិភាគតិច បំផុតគឺជនរួមជាតិខ្មែរ ធានាភាពជាក់ស្តែង សមស្របជាមួយលក្ខណៈស្ថានភាពរបស់ក្រុង ទន្ទឹមនឹងនោះ បង្កើនការត្រួតពិនិត្យ ការបញ្ជ្រាបផ្សព្វផ្សាយអនុវត្តនូវគោលការណ៍ ទស្សនៈរបស់បក្ស គោលនយោបាយ ក្រឹត្យច្បាប់របស់រដ្ឋ ជាប់ពាក់ព័ន្ធដល់ជនជាតិ សាសនា ជាពិសេស គឺជនរួមជាតិខ្មែរលើភូមិសាស្រ្តក្រុង។
*តើការងារជនជាតិនៅក្រុងកឹងធើនាពេលខាងមុខ ផ្តោតទៅលើបញ្ហាសំខាន់ៗណាខ្លះ ជម្រាបប្រសាសន៍សមមិត្ត?
ថ្នាក់ដឹកនាំក្រុងកឹងធើ ជូនអំណោយដល់អ្នកតំណាង នាឱកាសបុណ្យចូលឆ្នាំថ្មី ឆ្នាំ២០១៨។ រូបថតៈ TP
សមមិត្តត្រឹងក្វឹកទ្រុង លេខាគណៈកម្មាធិការបក្សក្រុងកឹងធើ ប្រសិទ្ធពរបុណ្យចូលឆ្នាំថ្មី និងជូនអំណោយដល់គ្រួសារសមមិត្ត ហ្វិញកឿង។ (រូប: អាញយុង)
សមមិត្ត ត្រឹងក្វឹកទ្រុង សមាជិកមជ្ឈិមបក្ស លេខាគណៈកម្មាធិការបក្សក្រុងកឹងធើនិងថ្នាក់ដឹកនាំស្រុកកើ-ដ ជូនអំណោយដល់គ្រួសារជនរួមជាតិខ្មែរក្រីក្រ នៅឃុំថើយស្វឹង នាឱកាសបុណ្យចូលឆ្នាំគីហើយ ២០១៩។ រូបថតៈ អាញ់យុង
-ទន្ទឹមនឹងជំរុញអនុវត្តបទបញ្ជាលេខ១៩ គណៈកម្មាធិការបក្សក្រុងនឹងចង្អុលការដល់គណៈកម្មាធិការបក្ស រដ្ឋអំណាចនិងមន្ទីរ គណៈ ផ្នែកដែលជាប់ពាក់ព័ន្ធផ្សព្វផ្សាយជូនកម្មាភិបាល បក្ខជន អ្នករដ្ឋការ បុគ្គលិក និងប្រជាជន ជាពិសេសគឺជនរួមជាតិភាគតិច បញ្ជ្រាបនូវគោលការណ៍របស់បក្ស គោលនយោបាយ ក្រឹត្យច្បាប់របស់រដ្ឋ ពិសេសគឺសេចក្តីកំណត់របស់ច្បាប់ និងគោលនយោបាយថ្មីជាប់ពាក់ព័ន្ធដោយផ្ទាល់ដល់ជនរួមជាតិភាគតិច; ម្ចាស់ការនិងធ្វើឲ្យជាក់ស្ដែងទាន់ពេលនូវគោលការណ៍ គោលនយោបាយជនជាតិរបស់បក្ស រដ្ឋ ដើម្បីលើកកម្ពស់ស្មារតី ការទទួលខុសត្រូវរបស់គណៈ ផ្នែក អង្គការមហាជនគ្រប់លំដាប់ថ្នាក់និងប្រជាជន ក្នុងការអនុវត្តគោលនយោបាយជនជាតិ អំណះអំណាងភាពមិនងាករេនៃគោលនយោបាយជនជាតិរបស់បក្សនិងរដ្ឋ៖ បណ្ដាជនជាតិវៀតណាមទាំងអស់ សមភាព សាមគ្គី គោរពនិងជួយគ្នាអភិវឌ្ឍ។
ជំរុញការឃោសនា អប់រំ ចលនាជនរួមជាតិភាគតិចសកម្មចូលរួមអនុវត្តនូវគោលការណ៍ គោលនយោបាយរបស់បក្ស និងរដ្ឋ លើកទឹកចិត្តជនរួមជាតិពង្រីកកម្លាំងចលករ មានឆន្ទៈប្រឹងប្រែងដោយខ្លួនឯង ខិតខំឈានឡើង ពង្រីកការផលិត បង្កើនប្រាក់ចំណូល កែលម្អនិងលើកកម្ពស់ជីវភាពជាបណ្តើរៗ ក្តោបក្ដាប់នូវមតិយោបល់ គោលបំណង មនោសញ្ចេតនារបស់ជនរួមជាតិ ពង្រីកប្រជាធិបតេយ្យនៅមូលដ្ឋាន ដោះស្រាយបានល្អនូវក្តីកង្វល់សមហេតុសមផលរបស់ជនរួមជាតិផ្តោតការយកចិត្តទុកដាក់ផ្តល់លក្ខណៈអភិរក្ស និងពង្រីកនូវតម្លៃវប្បធម៌ ប្រពៃណីល្អប្រសើរ និងអត្តសញ្ញាណវប្បធម៌របស់ជនរួមជាតិ និយាយរួម ជនជាតិខ្មែរនិយាយដោយឡែក។
ក្នុងឱកាសបុណ្យចូលឆ្នាំថ្មីប្រពៃណីជនរួមជាតិខ្មែរឆ្នាំ២០១៩ ជំនួសមុខគណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជន គណៈកម្មាធិការរណសិរ្សមាតុភូមិវៀតណាមក្រុងកឹងធើ ខ្ញុំសូមផ្ញើនូវបិយវាចាសួរសុខទុក្ខនិងសព្ទសាធុការពរដល់ព្រះសង្ឃ ជនរួមជាតិ កម្មាភិបាល យុទ្ធជន ឥស្សរ ជនស្នេហាជាតិ អ្នកមានប្រជាប្រិយភាពក្នុងជនរួមជាតិខ្មែរ ឆ្នាំថ្មីប្រកបដោយសុខភាពបរិបូរណ៍ សុភមង្គល និងជោគជ័យ។ ខ្ញុំជឿជាក់ថា ជាមួយនឹងការយកចិត្តទុកដាក់របស់បក្សនិងរដ្ឋ ជនជាតិភាគតិចនិយាយរួម និងជនរួមជាតិខ្មែរ ក្រុងកឹងធើនិយាយដោយឡែក នឹងបន្តពង្រីកនូវស្មារតីសាមគ្គី ច្នៃប្រតិដ្ឋ ខ្នះខ្នែងពលកម្មផលិត រួមចំណែកក្នុងការអភិវឌ្ឍរួមរបស់ក្រុង៕
*សូមថ្លែងអំណរគុណសមមិត្ត!
ថាញ់ឡុង-វិមាន
ពាក្យគន្លឹះ
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
