សន្តិសុខ - ការពារប្រទេស ការពារប្រទេស

04/03/2019 - 15:54

ឧបត្ថម្ភសិស្សក្រីក្របន្តការរៀនសូត្រ

រយៈពេលកន្លង កម្មាភិបាល យុទ្ធជនកងទ័ពការពារព្រំដែនសុកត្រាំង បានខ្នះខ្នែងគាំទ្រកម្មវិធី “ជំរុញដំណើរប្អូនៗទៅកាន់សាលា” អាស្រ័យបញ្ជាការដ្ឋានកងទ័ពការពារព្រំដែនបំផុសចលនា។ ឆ្លងតាមរយៈនោះ លើភូមិសាស្រ្តការពារព្រំដែន អង្គភាពបានទទួលទំនុកបំរុង និងឧបត្ថម្ភសិស្សានុសិស្សជាច្រើនដែលមានស្ថានភាពលំបាកពិសេស បន្តដំណើរទៅរៀន។

កម្មាភិបាល យុទ្ធជនកងទ័ពការពារព្រំដែនជូនអំណោយដល់សិស្សក្រីក្រនៅក្រុងវិញចូវ។

កម្មាភិបាល យុទ្ធជនកងទ័ពការពារព្រំដែនជូនអំណោយដល់សិស្សក្រីក្រលើភូមិសាស្រ្តខេត្តសុកត្រាំង។

ជាច្រើនឆ្នាំមកនេះ ប្រជាជនរស់នៅតំបន់ព្រំដែនសមុទ្ររបស់ក្រុងវិញចូវ ធ្លាប់មានមនោសញ្ចេតនានិងចំណាប់អារម្មណ៍ល្អប្រសើរពីកម្មាភិបាល យុទ្ធជនការពារព្រំដែន។ ពួកគាត់មិនត្រឹមតែអស់ពីចិត្តនឹងភារកិច្ចការពារអធិបតេយ្យព្រំដែន តំបន់សមុទ្រប៉ុណ្ណោះទេ ថែមទាំងចូលរួមជួយប្រជាជនកសាងទម្រង់អភិវឌ្ឍសេដ្ឋកិច្ច និងអភិវឌ្ឍភូមិភាគ កសាងសន្តិសុខនយោបាយ សណ្តាប់ធ្នាប់សុវត្ថិភាពសង្គម។ ពិសេស យុទ្ធជនការពារព្រំដែន បានចំណាយប្រាក់បៀវត្ស និងប្រាក់បំណាច់ផ្ទាល់ខ្លួនសម្រាប់បង្កបង្កើនផល។ល។ ដើម្បីជួយដល់សិស្សានុសិស្សដែលមានស្ថានភាពលំបាក បន្តការរៀនសូត្រ។

តួយ៉ាងដូចជាបុ៉ស្តិ៍ការពារព្រំដែនវិញចូវ អនុវត្តកម្មវិធី “ជំរុញដំណើរប្អូនៗទៅកាន់សាលារៀន” អង្គភាពបានគ្រប់គ្រង ជួយទំនុកបំរុងសិស្សានុសិស្ស៨នាក់នៅលើភូមិសាស្រ្ត។ វរសេនីយ៍ឯកបម្រុង ដូវង៉ុកហ្វី - ស្នងការនយោបាយប៉ុស្តិ៍ការពារព្រំដែនវិញចូវ ឲ្យដឹង៖ “ជីវភាពមាមីងខ្មែរវិញចូវនៅជួបការលំបាកច្រើន ភាគច្រើនព្រោះគ្មានការងារធ្វើលំនឹង។ ឃើញដូច្នោះ អង្គភាពបានម្ចាស់ការរៃអង្គាសប្រាក់ចំណាយប្រាក់បៀវត្សដើម្បីជួយដល់សិស្សានុសិស្ស៨នាក់ដែលលំបាកពិសេស ជាមួយនឹងកម្រិតឧបត្ថម្ភ៥០០.០០០ដុង/ប្អូន/ខែ"។ ទទួលបានការឧបត្ថម្ភទាំងនេះ ប្អូនចៅបែង ជាសិស្សរៀនពូកែ៤ឆ្នាំបន្តបន្ទាប់របស់សាលាបឋមសិក្សា២ សង្កាត់២ ឲ្យដឹង៖ “គ្រួសារប្អូនក្រ ម្តាយទៅធ្វើការឈ្នួលម្នាក់ឯង ម្ល៉ោះហើយជីវភាពត្រឹមតែគ្រប់ហូបប្រចាំថ្ងៃ។ អាស្រ័យពូៗកងទ័ពជួយឧបត្ថម្ភ ជូនប្រាក់សំលៀកបំពាក់ សៀវភៅ ប៊ិច។ល។ ទើបប្អូនមានឱកាសបានទៅរៀន។ ប្អូនសន្យាជាមួយម្តាយនិងពូៗកងទ័ពថា នឹងខិតខំរៀនសូត្រឲ្យបានពូកែ”។ ប្អូនង្វៀនធីថៅង្វៀន សិស្សថ្នាក់ទី៥ សាលាបឋមសិក្សាវិញតឹង២ ឃុំវិញតឹង ក៏ជាសិស្សមួយរូបក្នុងចំណោមសិស្ស៨នាក់ បានប៉ុស្តិ៍ការពារព្រំដែនឡាយហ្វាទទួលផ្ចុងផ្តើម រយៈពេល៥ឆ្នាំកន្លង។ ប្អូនង្វៀន ឲ្យដឹង៖ “ប្អូននៅជាមួយជីដូនខាងម្តាយដែលមានវ័យចំណាស់ ម្តាយទៅធ្វើការឈ្នួលនៅឆ្ងាយ យូរៗទើបមកផ្ទះម្តង។ អាវខោ សៀវ ភៅ ប៊ិច សំពៀត និងកង់ គឺអាស្រ័យដោយពូៗកងទ័ពទិញជូន។ មិនតែប៉ុណ្ណោះ ពូៗនៅទាំងចុះមកដល់ផ្ទះជូនប្រាក់ អង្ករ មី កញ្ចប់។ល។ ប្អូនអរគុណណាស់។ អាស្រ័យហេតុនោះ ទើបប្អូនមានខោអាវថ្មីទៅសាលាដូចមិត្តភក្តិឯទៀត ប្អូនសន្យានឹងរៀនឲ្យបានល្អ”។

តាមប្រសាសន៍វរសេនីយ៍ឯក ឡេវុាំងអាញ់ ស្នងការនយោបាយរងនៃកងទ័ពការពារព្រំដែនសុកត្រាំង ឲ្យដឹង៖ ច្រើនឆ្នាំមកនេះ កម្មាភិបាលយុទ្ធជនការពារព្រំដែន តែងខ្នះខ្នែង គាំទ្រកម្មវិធី “ជំរុញដំណើរប្អូនៗទៅកាន់សាលារៀន”។ បច្ចុប្បន្ន កងទ័ពការពារព្រំដែនសុកត្រាំង បានទទួលទំនុកបំរុងសិស្សា នុសិស្សចាប់ពីថ្នាក់ទី១ដល់១២ ចំនួន៤០នាក់ ដែលមានស្ថានភាពលំបាក គ្មានទីពឹង កំព្រាឪពុកម្ដាយ គ្មានផ្ទះនៅ។ល។ រស់នៅតំបន់ការពារព្រំដែន។ កម្រិតឧបត្ថម្ភមធ្យមភាគ៥០០.០០០ ដុង/នាក់/ខែ។ ទន្ទឹមនឹងនោះ អង្កភាពនៅទាំងចលនាសប្បុរស ជន ឧបត្ថម្ភសំលៀកបំពាក់ សៀវភៅសរសេរ ប៊ិច សៀវភៅពុម្ព សំពៀត កង់ អង្ករ។ល។ ជូនប្អូនៗសិស្សានុសិស្ស ដើម្បីបង្កលក្ខណសម្បត្តិល្អបំផុតសម្រាប់ប្អូនៗទៅកាន់សាលារៀន។ ផ្តើមពីនោះ ប្រជាជននិងរដ្ឋអំណាចភូមិភាគលើភូមិសាស្រ្ត ការពារព្រំដែន ពីមួយថ្ងៃទៅមួយថ្ងៃកាន់តែមានភាពជឿជាក់ទៅលើកម្មាភិបាល យុទ្ធជនការពារព្រំដែន។ រួមចំណែកបង្កើនចំណងសាមគ្គី ផ្សារភ្ជាប់រវាងកម្មាភិបាល យុទ្ធជនជាមួយនឹងមហាជនលើតំបន់ការពារព្រំដែន កសាងខឿនការពារព្រំដែនទូទាំងប្រជាជនរឹងមាំ៕

យ្វីអាញ់-ធី

ចែករំលែកអត្ថបទ

ពាក្យគន្លឹះ