សន្តិសុខ - ការពារប្រទេស ការពារប្រទេស

19/02/2019 - 08:11

សុកត្រាំង - ត្រាវិញ - កឹងធើ បង្កើនការយាមល្បាត និងត្រួតពិនិត្យតំបន់កំពង់ផែសមុទ្រ

បញ្ជាការដ្ឋានកងទ័ពការពារព្រំដែនសុកត្រាំង ទើបចាត់តាំងសន្និបាតបូកសរុបបណ្តោះអាសន្នពីលក្ខន្តិកៈ សហប្រតិបត្តិការជាមួយនឹងកងទ័ពការពារព្រំដែនត្រាវិញ ព្រមទាំងនាយកដ្ឋានគយនិងរដ្ឋបាលកំពង់ផែនាវាចរណ៍កឹងធើ ឆ្នាំ ២០១៨ និងផ្សព្វផ្សាយភារកិច្ចឆ្នាំ២០១៩។

ទិដ្ឋភាពនៃអង្គសន្និបាត។

ឆ្នាំ២០១៨កងទ័ពការពារព្រំដែនសុកត្រាំងនិងត្រាវិញ ព្រមទាំងនាយកដ្ឋានគយ និងរដ្ឋបាលកំពង់ផែនាវាចរណ៍កឹងធើ បានចង្អុលការជ្រួតជ្រាប ផ្សព្វផ្សាយយ៉ាងមធ្យ័តលក្ខន្តិកៈនិងត្រូវបានចែងច្បាស់លាស់ក្នុងសេចក្តីសម្រេចនិងផែនការប្រចាំឆ្នាំនៃអង្គភាពនីមួយៗ។ ហេតុដូច្នេះលទ្ធផលនៃកិច្ចសហប្រតិបត្តិការនេះ កាន់តែមានការស៊ីជម្រៅ ហើយប្រកបដោយប្រសិទ្ធភាព។ បញ្ជាការដ្ឋានកងទ័ពការពារព្រំដែនសុកត្រាំងបានសហប្រតិបត្តិការជាមួយនឹងនាយកដ្ឋានគយ រដ្ឋបាលកំពង់ផែនាវាចរណ៍កឹងធើ ផ្តល់ព័ត៌មានទៅវិញទៅមកបាន៣០លើក សហប្រតិបត្តិការជាមួយនឹងកងទ័ពការពារព្រំដែនត្រាវិញផ្តល់ព័ត៌មាន បាន៣២លើកដែលទាក់ទងនឹងស្ថានភាពនៃមធ្យោបាយទេសន្តរប្រវេសន៌៍ ឆ្លងកាត់ ដឹកជញ្ជូនទំនិញទេសន្តរប្រវេសន៍ សកម្មភាពរបស់ពួកលក់ដូររត់ពន្ធ គៃបន្លំក្នុងវិស័យពាណិជ្ជកម្មនៅលើសមុទ្រ សកម្មភាពរបស់ទូកកប៉ាល់នេសាទចេញសមុទ្រ ព្រមទាំងព័ត៌មានជំនួយសង្រ្គោះ។ល។ ទន្ទឹមនឹងនោះ អង្គភាពទាំងនេះ ក៏បានសហការត្រួតពិនិត្យ យាមល្បាតជាញឹកញយបាន២២លើក ប្រទះឃើញមធ្យោបាយចំនួន២៥គ្រឿងបំពានបណ្តាសេចក្តីកំណត់អំពីការធានាសុវត្ថិភាពក្នុងការទាញយកផលសមុទ្រ។ ក្រៅពីនេះ នៅទាំងប្រទះឃើញនិងវិនិច្ឆ័យមធ្យោបាយ១គ្រឿង ដឹកជញ្ជូនប្រេង DO ៤៨.៤៧៥លិត្រ ដែលគ្មានវិក្កយប័ណ្ណស្របច្បាប់។

វរសេនីយឯក ឡេធុងញឹង មេបញ្ជាការកងទ័ពការពារព្រំដែនសុកត្រាំង បានឲ្យដឹងថា៖ ឆ្នាំ២០១៩នេះ បណ្តាអង្គភាពនឹងបន្តកិច្ចការបង្កើនការដោះដូរព័ត៌មានអំពីស្ថានភាពសន្តិសុខ ព្រំដែនតំបន់សមុទ្រ ផ្តុំកម្លាំងសហការយាមល្បាត ត្រួតពិនិត្យ តំបន់កំពង់ផែសមុទ្រ។ ទន្ទឹមនោះ សហការឃោសនាលើកកម្ពស់ការយល់ដឹងរបស់ប្រជាជនចំពោះការរក្សាសន្តិសុខនយោបាយ រក្សាសណ្តាប់ធ្នាប់សុវត្ថិភាពសង្គម សកម្មចូលរួមប្រឆាំង បង្ការបង្ក្រាបឧក្រិដ្ឋកម្ម គៃបន្លំពាណិជ្ជកម្មនៅលើភូមិសាស្ត្រ៕

 លីធាន-អៀងខ្វា

ចែករំលែកអត្ថបទ

ពាក្យគន្លឹះ