គោលនយោបាយ -ការរស់នៅ គោលនយោបាយ

18/02/2019 - 16:52

សុកត្រាំង អ្នកមានប្រជាប្រិយភាពខ្នះខ្នែងចូលរួមការងារសុខុមាលភាពសង្គម

យោងតាមគណៈកម្មាធិការរណសិរ្សមាតុភូមិវៀតណាមខេត្តសុកត្រាំង៖ សព្វថ្ងៃទូទាំងខេត្តសុកត្រាំង មានអ្នកមានប្រជាប្រិយភាព៦៦៦នាក់ ក្នុងនោះ ជនជាតិខ្មែរ៥៦៩នាក់។ រយៈពេលកន្លង អ្នកមានប្រជាប្រិយភាពតែងពង្រីកតួនាទីក្នុងសហគមន៍និងសង្គម ខ្នះខ្នែងចូលរួមកសាងនិងពង្រឹងប្រព័ន្ធនយោបាយ ឈានមុខក្នុងការចលនាលុបបំបាត់ភាពអត់ឃ្លាន កាត់បន្ថយភាពក្រីក្រ កសាងជនបទថ្មី ធានាសន្តិសុខសណ្តាប់ធ្នាប់នៅភូមិភាគ។ល។ ឆ្នាំ២០១៨ អ្នកមានប្រជាប្រិយភាពបានចលនាសប្បុរសជន រួមវិភាគទានជាទឹកប្រាក់ជាង២៩,៤ពាន់លានដុង ដើម្បីកសាងស្ពានជនបទ៥៣ខ្សែ កសាងនិងជួសជុលផ្ទះ១៦ខ្នង ជូនអំណោយអង្ករជាង៩៣តោន និងជូនអំណោយដល់អ្នកក្រជាង ៦៧.០០០ចំណែក ប្រគល់ជូនអាហារូបករណ៍ដល់សិស្សក្រីក្រសង្វាតរៀនសូត្រចំនួន៨៧១ចំណែក។ល។ ទន្ទឹមនឹងនោះ អ្នកមានប្រជាប្រិយភាពនៅទាំងរៀបចំការផ្សព្វផ្សាយបាន១៧២លើក ដោយមានប្រជាជនចូលរួម១៩.៣០០លើកនាក់។

លោកយឿងសាខា ប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ទៅសួរសុខទុក្ខនិងជូនអំណោយដល់អ្នកមានប្រជាប្រិយភាពក្នុងឱកាស

បុណ្យទានរបស់ជនរួមជាតិខ្មែរ។

លោកម៉ាយថាញ់តុង អនុប្រធានគណៈកម្មាធិការរណសិរ្សមាតុភូមិវៀតណាមខេត្តសុកត្រាំង អំណះអំណាង៖ អ្នកមានប្រជាប្រិយភាពជាស្នូលសាមគ្គី និងជាអ្នកនាំយកគោលមាគ៌ារបស់បក្ស ច្បាប់របស់រដ្ឋ ជូនជនរួមជាតិភាគតិច។ អ្នកមានប្រជាប្រិយភាព គឺជាទីបង្អែកគួរជាទីទុកចិត្តរបស់គណៈកម្មាធិការបក្ស រដ្ឋអំណាចភូមិភាគគ្រប់លំដាប់ថ្នាក់។ ជាពិសេស ក្នុងការងារផ្សព្វផ្សាយ អ្នកមានប្រជាប្រិយភាពតែងគួបបញ្ចូលរវាងច្បាប់រដ្ឋនិងសាសនា ម្ល៉ោះហើយ មាមីងជនជាតិខ្មែរពីមួយថ្ងៃទៅមួយថ្ងៃកាន់តែជឿជាក់ទាំងស្រុងទៅលើការដឹកនាំរបស់បក្ស៕

លីធាន - ធី

ចែករំលែកអត្ថបទ

ពាក្យគន្លឹះ