ព្រឹត្តិការណ៍ - នយោបាយ ព្រឹត្តិការណ៍

11/02/2019 - 15:29

បង្កើនកិច្ចសហការក្នុងការអនុវត្តការងារជនជាតិ

នៅរដ្ឋធានីហាណូយ ក្រុមប្រឹក្សាជនជាតិនៃរដ្ឋសភា គណៈកម្មាធិការជនជាតិ ក្រសួងនគរបាល បញ្ជាការដ្ឋានកងទ័ពការពារព្រំដែន បានរៀបចំសន្និបាតបូកសរុបបណ្តោះអាសន្នការងារអនុវត្តយន្តការនៃកិច្ចសហការរវាងក្រុមប្រឹក្សាជនជាតិ និងស្ថាប័ននានា ដូច៖ គណៈកម្មាធិការជនជាតិ ក្រសួងនគរបាល បញ្ជាការដ្ឋានកងទ័ពការពារព្រំដែន។

សមមិត្តថ្នាក់ដឹកនាំ អធិបតីចង្អុលការអង្គសន្និបាត។

តាមរបាយការណ៍បូកសរុបបណ្តោះអាសន្ន ការងារអនុវត្តលក្ខន្តិកៈសហការការងាររវាងស្ថាប័នទាំង៤ រយៈពេលកន្លង ស្ថាប័នទាំង៤បាន សហការកសាង ពិនិត្យបញ្ជាក់គម្រោងច្បាប់ បទបញ្ញត្តិ ស្តីពីការងារជនជាតិ គោលនយោបាយជនជាតិ គោលនយោបាយស្តីពីសន្តិសុខ ការពារប្រទេស ព្រំដែនជាតិ។

ក្នុងរយៈពេល៣ឆ្នាំ២០១៦-២០១៨ គណៈកម្មាធិការជនជាតិ បានទទួលរ៉ាប់រងកិច្ចសហការជាមួយនឹងក្រុមប្រឹក្សាជនជាតិ ក្រសួងនគរបាល បញ្ជាការដ្ឋាន កងទ័ពការពារព្រំដែន និងក្រសួង ផ្នែកដែលពាក់ព័ន្ធ ធ្វើសេនាធិការជូនរដ្ឋាភិបាល នាយករដ្ឋមន្រ្តីនៃរដ្ឋាភិបាល ប្រកាសជាធរមាននូវកម្មវិធី គោលនយោបាយចំនួន៤១។ ក្នុងនោះ មានគោលនយោបាយចំនួន១៥ សំដៅចំពោះជនជាតិភាគតិច តំបន់ជនជាតិ និងគោលនយោបាយរួមចំនួន៣៦អាទិភាពដល់ជនរួមជាតិភាគតិច។ ក្នុងសម័យប្រជុំលើកទី៦ រដ្ឋសភានីតិកាល១៤ កន្លងហើយ រដ្ឋសភាបានដាក់ចេញសេចក្តីសម្រេច ៧៤/២០១៨/QH១៤ ប្រគល់ជូនរដ្ឋាភិបាលកសាងគម្រោងជាទូទៅ វិនិយោគអភិវឌ្ឍសេដ្ឋកិច្ច-សង្គម តំបន់ជនជាតិភាគតិច តំបន់ភ្នំ តំបន់មានលក្ខណសម្បត្តិសេដ្ឋកិច្ចលំបាកពិសេស លើកជូនរដ្ឋសភាពិនិត្យពិច័យ ធ្វើសេចក្តីសម្រេចក្នុងសម័យប្រជុំលើកទី៨ រដ្ឋសភានីតិកាល១៤ (ខែតុលា ឆ្នាំ២០១៩)។ល។

ស្ដីពីភារកិច្ចរយៈពេលខាងមុខ អញ្ជើញចូលរួមនិងថ្លែងយោបល់ចង្អុលការ អនុប្រធានប្រចាំការនៃរដ្ឋសភា តុងធីផុង បានសំណូមពរ៖ ស្ថាប័នទាំង៤ គប្បីបន្តកិច្ចសហការស្អិតល្មួតក្នុងដំណើរការធ្វើសេនាធិការ កសាង លិខិតបទដ្ឋាន គោលនយោបាយដែលពាក់ព័ន្ធដល់ការងារជនជាតិ ជាពិសេស គឺគោលនយោបាយពិសេសដោយឡែក។ សហការត្រួតពិនិត្យបធានបទ “ការអនុវត្តគោលនយោបាយច្បាប់ ស្តីពីការអនុវត្តកម្មវិធីទិសដៅជាតិ កាត់បន្ថយភាពក្រីក្រប្រកបដោយនិរន្តរភាពលើភូមិសាស្រ្តតំបន់ជនជាតិភាគតិច តំបន់ភ្នំ ដំណាក់កាល២០១២ -២០១៨” ផ្សារភ្ជាប់ជាមួយនឹងការអនុវត្តនូវកម្មវិធីទិសដៅអភិវឌ្ឍសេដ្ឋកិច្ច-សង្គមឆ្នាំ២០១៩។ សហការធ្វើសេនាធិការកសាងគម្រោងទូទៅអភិវឌ្ឍសេដ្ឋកិច្ច-សង្គម តំបន់ជនជាតិភាគតិច តំបន់ភ្នំ តំបន់ដែលមានលក្ខណសម្បត្តិសេដ្ឋកិច្ចលំបាកពិសេស។ ផ្ដុំកម្លាំងសហការអនុវត្តប្រកបដោយប្រសិទ្ធភាពនូវកម្មវិធីឆ្ពោះទៅមូលដ្ឋាន ពង្រឹងនិងពង្រីកប្រព័ន្ធនយោបាយ កសាងជំហរយុទ្ធសាស្រ្តការពារប្រទេសទូទាំងប្រជាជន ផ្សារភ្ជាប់នឹងសន្តិសុខប្រជាជន ការពារព្រំដែនទូទាំងប្រជាជន ៕

យោងតាម http://www.cema.gov.vn-ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ