សន្តិសុខ - ការពារប្រទេស ការពារប្រទេស

11/02/2019 - 15:29

ពង្រីកតួនាទីនៃកងទ័ពការពារព្រំដែន ក្នុងកិច្ចការប្រជាចលនា

វរសេនីយ៍ឯកបម្រុង ង្វៀនទ្រីវមេន ស្នងការនយោបាយនៃកងទ័ពការពារព្រំដែនសុកត្រាំង ឲ្យដឹង៖ “ ដោយកំណត់ថា ការងារចលនាមហាជន គឺជាវិធានការសំខាន់មួយក្នុងចំណោមវិធានការសំខាន់ទាំងឡាយ ដែលរួមចំណែកកសាងខឿនការពារព្រំដែនទូទាំងប្រជាជនរឹងមាំ ម្ល៉ោះ ហើយគណៈកម្មាធិការបក្ស បញ្ជាការដ្ឋានកងទ័ពការពារព្រំដែនសុកត្រាំង បានផ្សព្វផ្សាយទម្រង់កម្មវិធីជាច្រើន ឆ្ពោះទៅរកប្រជាជននៅប្របព្រំដែនសមុទ្ររបស់ខេត្ត។ ទន្ទឹមនឹងនោះ ផ្សព្វផ្សាយគោលមាគ៌ា គោលនយោបាយ ច្បាប់របស់បក្សនិងរដ្ឋ ស្តីពីការការពារអធិបតេយ្យដែនដី សន្តិសុខព្រំដែនជាតិដល់ប្រជាជន។ ឆ្លងតាមរយៈនោះ កសាងបានជំហរយុទ្ធសាស្រ្តទឹកចិត្តប្រជាជន ការពាររឹងមាំ អធិបតេយ្យ សន្តិសុខព្រំដែនតំបន់សមុទ្ររបស់ខេត្ត”។

កងទ័ពការព្រំដែនខេត្តសុកត្រាំង សហការជាមួយនឹងគណៈកម្មាធិការរណសិរ្សមាតុភូមិវៀតណាមខេត្តសុកត្រាំង ប្រគល់ជូនគោមេ៥០ក្បាលដល់គ្រួសារក្រីក្រតំបន់ព្រំដែនសមុទ្រ។

រយៈពេលកន្លង អង្គភាពកងទ័ពការពារព្រំដែនដែលឈរជើងលើភូមិសាស្រ្តព្រំដែន បានសហការជាមួយនឹងរដ្ឋអំណាចភូមិភាគ គណៈកម្មាធិការរណសិរ្សមាតុភូមិវៀតណាម ខេត្តអនុវត្តប្រកបដោយប្រសិទ្ធភាពនូវកម្មវិធី “លំនៅឋានសម្រាប់អ្នកក្រតំបន់ព្រំដែន សមុទ្រ កោះ” កម្មវិធី "ផ្តល់គោមេដល់អ្នកក្រនៅព្រំដែន" តេតកងទ័ព-ប្រជាជន ណែនាំគ្រប់សមូហភាព គ្រួសារចូលរួមក្រុមស្វ័យគ្រប់គ្រងសន្តិសុខសណ្តាប់ធ្នាប់ ក្រុមនាវាសុវត្ថិភាព។ ព្រមជាមួយនោះ កងទ័ពការពារព្រំដែន តែងខ្នះខ្នែងសហការជាមួយនឹងគ្រប់ផ្នែក ផ្សព្វផ្សាយនូវទម្រង់ជាច្រើន ដើម្បីជួយប្រជាជនប្រកបដោយប្រសិទ្ធភាព មានដូច៖ ចិញ្ចឹមពពែប្រមូលផ្តុំនៅប៉ុស្តិ៍ការពារព្រំដែនវិញហាយ ប៉ុស្តិ៍ការពារព្រំដែនវិញចូវ ធានារ៉ាប់រងឲ្យប្រជាជនបុលទុន អនុគ្រោះសម្រាប់ ផលិតកម្ម លក់ដូរ។ កម្មវិធីគោពូជ៥០ក្បាលជូនអ្នកក្រនៅព្រំដែន។ អនុវត្តកម្មវិធី “អមដំណើរប្អូនៗទៅសាលា” អង្គភាពកងទ័ពការពារព្រំដែនក្នុងខេត្ត នៅទាំងទទួលទំនុកបម្រុងសិស្សក្រីក្រ៤០នាក់ ឧបត្ថម្ភ៥០០.០០០ដុង/នាក់/ខែ ។ ក្រៅពីនោះ កងទ័ពការពារព្រំដែននៅទាំងជួយភូមិភាគពង្រឹងបង្កើតក្រុមស្វ័យគ្រប់គ្រង៣៩៤ក្រុម បង្កើតក្រុមនេសាទជលផល២៧ក្រុម រួមមាននាវា៤០៥គ្រឿង មានអ្នកចូលរួម៣.១៣២នាក់ សហការជាមួយនឹងកងកម្លាំងនិងកៀរគរ មធ្យោបាយនេសាទជួយដល់មធ្យោបាយ១២៥គ្រឿងជួបគ្រោះ មាននាវិក៨២២នាក់សម្រេចជោគជ័យ។ល។ ផ្តើមពីនោះ បានរួមចំណែកបង្កើនទំនាក់ទំនងផ្សារភ្ជាប់រវាងកងទ័ពនិងប្រជាជន រួមចំណែកការពាររឹងមាំអធិបតេយ្យ សន្តិសុខព្រំដែនតំបន់សមុទ្រ កោះ របស់មាតុភូមិ។

វរសេនីយ៍ទោ ត្រឿងមិញហ៊ុង ស្នងការនយោបាយនៃប៉ុស្តិ៍ការពារព្រំដែនវិញហាយ ឲ្យដឹង៖ "ក្រៅពីភារកិច្ចចម្បង កម្មាភិបាល យុទ្ធជនការពារព្រំដែន នៅទាំងមានភារកិច្ចជួយរដ្ឋអំណាចភូមិភាគ កសាងប្រព័ន្ធនយោបាយរឹងមាំ និងប្រជាជនអភិវឌ្ឍផលិតកម្ម លំនឹងជីវភាពទៀតផង។ បច្ចុប្បន្ន អង្គភាពទើបកសាងទម្រង់ “មនោសញ្ចេតនាកងទ័ព-ប្រជាជន”។ ព្រមជាមួយនោះ មានកម្មាភិបាល យុទ្ធជនស្ម័គ្រចិត្តដកប្រាក់ខែ ឬប្រាក់បំណាច់បន្តិចបន្តួច ដើម្បីឧបត្ថម្ភមនុស្សចាស់គ្មានទីពឹងចំនួន៤នាក់លើភូមិសាស្រ្ត។ រៀងរាល់ខែ ពួកគាត់បានអង្គភាពឧបត្ថម្ភអង្ករ១០គីឡូក្រាម និងគ្រឿងទេសមួយចំនួន ដូចជាប្រេងឆា ប៊ីចេង ទឹកស៊ីអីវ ទឹកត្រី។ល។”

ជាមួយនឹងនិន្នាការ “ជិតប្រជាជន យល់ប្រជាជន រៀនពីប្រជាជន” និង “ច្បាម៣ រួម៤” (ច្បាមភូមិសាស្រ្ត ច្បាមប្រជាជន ច្បាមគោលការណ៍ គោលនយោបាយ និងហូបរួម នៅរួម ធ្វើរួម និយាយភាសាជនជាតិ) និង “ស្តាប់ប្រជាជននិយាយ និយាយប្រជាជនយល់ ធ្វើប្រជាជនជឿ” អង្គភាពការពារព្រំដែននៃកងទ័ពការពារព្រំដែនខេត្តសុកត្រាំង បានកសាងទម្រង់ជាច្រើនជួយប្រជាជនលើភូមិសាស្រ្តបោះជំរំទ័ពប្រកបដោយប្រសិទ្ធភាព។ ផ្តើមពីនោះ មនោសញ្ចេតនាកងទ័ពនិងប្រជាជន ពីមួយថ្ងៃទៅមួយថ្ងៃកាន់តែជិតស្និទ្ធ ស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមលើភូមិសាស្រ្តព្រំដែនសមុទ្រមានភាពលំនឹង។ កសាងបានជំហរយុទ្ធសាស្រ្តការពារប្រទេសទូទាំងប្រជាជន ពីមួយថ្ងៃទៅមួយថ្ងៃកាន់តែរឹងមាំ តំបន់ព្រំដែនរឹងមាំគ្រប់ជ្រុងជ្រោយ ការពាររឹងមាំអធិបតេយ្យ សន្តិសុខព្រំដែនជាតិ៕

យ្វីអាញ់ - ធី

ចែករំលែកអត្ថបទ

ពាក្យគន្លឹះ