ព្រឹត្តិការណ៍ - នយោបាយ នយោបាយ

07/01/2019 - 14:55

ត្រាវិញ៖

ប្រទាននិងឧទ្ទិសជូនកិត្តិនាម "វីរមាតាវៀតណាម"

ខេត្តត្រាវិញ បានរៀបចំយ៉ាងមហោឡារិកពិធីប្រទាននិងឧទ្ទិសជូនកិត្តិនាមថ្នាក់រដ្ឋ "វីរមាតាវៀតណាម" ចំនួន៣០រូប; ក្នុងនោះ មានអ្នកម្តាយ១រូបត្រូវបានប្រទានជូននិង២៩រូបទៀតត្រូវបានឧទ្ទិសជូន។ មកទល់ពេលនេះ ទូទាំងខេត្តមានអ្នកម្តាយចំនួន៣.២៧៣រូប ត្រូវបានប្រទានកិត្តិនាម "វីរមាតាវៀតណាម"។

លោកដុងវ៉ាន់ឡឹម ជូនប័ណ្ណសរសើរដល់គ្រួសារវីរមាតាវៀតណាម។

នៅក្នុងពិធីនេះ លោកដុងវ៉ាន់ឡឹម ប្រធានគណៈកម្មាធិការប្រជាជនខេត្តត្រាវិញ បានរំលឹកឡើងវិញនូវប្រវេណីតស៊ូដ៏អង់អាចក្លាហានរបស់បក្ខភាគ កងទ័ពនិងប្រជាជនខេត្តត្រាវិញ។ ទូទាំងខេត្តមានយុទ្ធពលីជិត២០.០០០រូប; យុទ្ធជនពិការនិងយុទ្ធជនរងជំងឺចំនួន១០.០០០រូប; អ្នកមានសគុណចំពោះបដិវត្តន៍ចំនួន៥៥.០០០គ្រួសារ។

ប៉ុន្មានឆ្នាំកន្លង ទោះបីនៅមានការលំបាកច្រើនក៏ពិតមែន ប៉ុន្តែគណៈកម្មាធិការបក្ស រដ្ឋអំណាចគ្រប់លំដាប់ថ្នាក់ រណសិរ្សមាតុភូមិ ព្រមទាំងអង្គការមហាជននានាក្នុងខេត្ត តែងផ្តោតការយកចិត្តទុកដាក់គិតគូរ អនុវត្តយ៉ាងត្រឹមត្រូវរបបគោលនយោបាយ ឧបត្ថម្ភលើកស្ទួយជីវភាពសម្ភារៈ និងស្មារតីដល់គ្រួសារគោលនយោបាយ និងអ្នកមានសគុណចំពោះបដិវត្តន៍។ ពិសេស ខេត្តតែងអនុវត្តបានល្អនូវគោលនយោបាយតបស្នងសងគុណដូច៖ សង់ផ្ទះឧបការគុណ ផ្ទះមិត្តរួមកង ផ្ទះមេត្តាធម៌ រៀបចំដីលំនៅ ដីបង្កបង្កើនផលជូនគ្រួសារគោលនយោបាយដែលមានជីវភាពក្រលំបាក។ លោកដុងវ៉ាន់ឡឹម ប្រធានគណៈកម្មាធិការប្រជាជនខេត្តត្រាវិញ សង្ឃឹមថា រយៈពេលខាងមុខ វីរមាតាវៀតណាមនិងសាច់ញាតិគ្រួសារ បន្តពង្រីកនូវប្រវេណីបដិវត្តន៍ សកម្មចូលរួមចលនាប្រឡងប្រណាំងស្នេហាជាតិ អនុវត្តបានល្អនូវគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ។ ទន្ទឹមនឹងនោះ បន្តការអប់រំប្រវេណីស្នេហាជាតិ ប្រវេណីបដិវត្តន៍របស់គ្រួសារដល់កូនចៅ និងជាគំរូល្អសម្រាប់កូនចៅគ្រប់ជំនាន់៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ