សុខភាព - អប់រំ អប់រំ

18/12/2018 - 10:16

ប្រកាសជាផ្លូវការវិធានការប្រឡងមធ្យមសិក្សាចំណេះទូទៅថ្នាក់ជាតិឆ្នាំ២០១៩

ក្រសួងអប់រំនិងបណ្តុះបណ្តាល បានប្រកាសជាផ្លូវការ ស្តីពីការរៀបចំសម័យប្រឡងមធ្យមសិក្សាចំណេះទូទៅថ្នាក់ជាតិឆ្នាំ២០១៩។

ខ្លឹមសារវិញ្ញាសាប្រឡងសំខាន់គឺឋិតក្នុងកម្មវិធីសិក្សាថ្នាក់ទី១២

ឆ្លងតាមរយៈនោះ ក្រសួងអប់រំ និងបណ្តុះបណ្តាល បន្តការរៀបចំសម័យប្រឡងមធ្យមសិក្សាចំណេះទូទៅថ្នាក់ជាតិឆ្នាំ២០១៩ តាមទិសដៅរក្សាស្ថិរភាពអំពីរបៀបរៀបចំដូចឆ្នាំ២០១៧និងឆ្នាំ២០១៨ ដើម្បីមិនឲ្យប៉ះពាល់ដល់ដំណាក់កាលបង្រៀននិងរៀនរបស់គ្រូបង្រៀននិងសិស្ស។

ខ្លឹមសារវិញ្ញាសាប្រឡងឋិតក្នុងកម្មវិធីមធ្យមសិក្សាចំណេះទូទៅ សំខាន់គឺកម្មវិធីសិក្សាថ្នាក់ទី១២ ធានាកម្រិតជាមូលដ្ឋានដើម្បីពិនិត្យទទួលស្គាល់បញ្ចប់កម្រិតមធ្យមសិក្សាចំណេះទូទៅ និងមានលក្ខណៈបែងចែកសមស្រប ដើម្បីគ្រឹះស្ថានអប់រំមហាវិទ្យាល័យ អប់រំវិជ្ជាជីវៈធ្វើជាមូលដ្ឋានសម្រាប់ការជ្រើសសិស្ស។ ក្រសួងអប់រំនិងបណ្តុះបណ្តាលនឹងធ្វើការប្រកាសវិញ្ញាសាប្រឡងសាកល្បងនៃសម័យប្រឡងមធ្យមសិក្សាចំណេះទូទៅថ្នាក់ជាតិឆ្នាំ២០១៩ ដើម្បីជួយដល់គ្រូបង្រៀន និងសិស្ស រៀបចំរំលឹកមេរៀន ត្រៀមចូលរួមប្រឡងបានល្អ។

បញ្ជូនកម្មាភិបាល គ្រូបង្រៀនសាកលវិទ្យាល័យវិទ្យាស្ថាន មហាវិទ្យាល័យ អនុមហាវិទ្យាល័យ ផ្នែកបណ្តុះបណ្តាលគ្រូបង្រៀនទៅកាន់មណ្ឌលប្រឡងនៅតាមខេត្ត ក្រុង ចំណុះមជ្ឈិម ដើម្បីសហការក្នុងការរៀបចំប្រឡងតាមល័ក្ខការណ៍ សាលាមហាវិទ្យាល័យ អនុមហាវិទ្យាល័យនៅភូមិភាគមិនចូលរួមសហការក្នុងការរៀបចំពិធីប្រឡងនៅភូមិភាគរបស់ខ្លួនឡើយ។

បំពាក់កាមេរ៉ាត្រួតពិនិត្យហ្មត់ចត់ បង្កើនការរក្សាភាពសម្ងាត់

កំណត់យ៉ាងហ្មត់ចត់អំពីការរៀបចំបន្ទប់ប្រឡង ពិសេសគឺចំពោះបេក្ខសិស្សស្វៃរិន ណែនាំលម្អិតពីបច្ចេកទេសបិទបោះត្រា រក្សានិងការពារមេរៀនប្រឡងវិញ្ញាសាប្រឡង ដើម្បីបង្កើនការរក្សាភាពសម្ងាត់ បំពាក់កាមេរ៉ាត្រួតពិនិត្យបន្ទប់តម្កល់វិញ្ញាសាប្រឡង មេរៀនប្រឡង២៤/២៤ម៉ោងនិងបង្កើនការទទួលខុសត្រូវចំពោះមុខសញ្ញាដែលជាប់ទាក់ទិនក្នុងការការពារវិញ្ញាសាប្រឡង មេរៀនប្រឡងនៅរាល់បណ្តុំប្រឡង មណ្ឌលប្រឡង។

ក្រសួងអប់រំនិងបណ្តុះបណ្តាលចង្អុលការដោយផ្ទាល់ ការរៀបចំឲ្យពិន្ទុវិញ្ញាសាប្រឡងសំណួរចម្លើយជ្រើសរើសប្រគល់ភារកិច្ចឲ្យសាលាមហាវិទ្យាល័យនានាទទួលរ៉ាប់រង បំពាក់កាមេរ៉ាត្រួតពិនិត្យបន្ទប់ឲ្យពិន្ទុលើវិញ្ញាសាប្រឡង២៤/២៤ម៉ោង។

បំប្លែងទិន្នន័យក្នុងដំណាក់ការវិនិច្ឆ័យវិញ្ញាសាប្រឡងសំណួរចម្លើយជ្រើសរើស ដើម្បីជៀសវាងអ្នកប្រើប្រាស់ផ្នែកទន់ធ្វើអន្តរាគមន៍និងធានាក្នុងរយៈកាលវិនិច្ឆ័យវិញ្ញាសាប្រឡង កម្មាភិបាលវិនិច្ឆ័យវិញ្ញាសាប្រឡង មិនអាចទទួលបានព័ត៌មានអ្វីដែលទាក់ទងដល់បេក្ខសិស្សនិងខ្លឹមសារសំណួរចម្លើយជ្រើសរើស(នេះគឺរូបភាពប្រគល់វិញ្ញាសាប្រឡងនិងកំណត់លេខសម្ងាត់អេឡិកត្រូនិកលើសំណួរចម្លើយជ្រើសរើសរបស់បេក្ខសិស្ស)។ ទន្ទឹមនឹងនោះ បង្កើនអធិការកិច្ចត្រួតពិនិត្យរបស់ក្រសួងអប់រំនិងបណ្តុះបណ្តាលនិងរបស់មហាវិទ្យាល័យ អនុមហាវិទ្យាល័យចំពោះការឲ្យពិន្ទុលើវិញ្ញាសាសមាយោគ (វិញ្ញាសានិរុតិ្តសាស្រ្ត) អាស្រ័យមន្ទីរអប់រំនិងបណ្តុះបណ្តាលទទួលរ៉ាប់រង។

បង្កើនលក្ខណៈម្ចាស់ការក្នុងការជម្រើសសិស្សចូលរៀនមហាវិទ្យាល័យ

អនុមហាវិទ្យាល័យ ក្រសួងអប់រំនិងបណ្តុះបណ្តាល ប្រកាសជាសាធារណៈព័ត៌មាន ចម្រុះទូលំទូលាយ វិភាគលទ្ធផលប្រឡងមុននឹងប្រកាសលទ្ធផល។ បង្កើនអត្រាលទ្ធផលប្រឡងក្នុងការពិនិត្យទទួលស្គាល់បញ្ចប់កម្រិតមធ្យមសិក្សាចំណេះទូទៅ។ តាមការគ្រោងទុក ពិន្ទុសម្រាប់ពិនិត្យទទួលស្គាល់បញ្ចប់កម្រិតមធ្យមសិក្សាចំណេះទូទៅរួមមាន ពិន្ទុមធ្យមភាគនៃវិញ្ញាសាប្រឡងមធ្យមសិក្សាចំណេះទូទៅថ្នាក់ជាតិ៧០% សម្រាប់ពិនិត្យទទួលស្គាល់បញ្ចប់កម្រិតមធ្យមសិក្សា បូកនឹងពិន្ទុមធ្យមភាគឆ្នាំសិក្សាថ្នាក់ទី១២របស់បេក្ខសិស្ស៣០% បូកនឹងពិន្ទុអាទិភាពពិន្ទុលើកទឹកចិត្ត (ប្រសិនមាន)។

ទន្ទឹមនឹងនោះ បង្កើនលក្ខណៈម្ចាស់ការនៅតាមគ្រឹស្ថានអប់រំមហាវិទ្យាល័យ អប់រំវិជ្ជាជីវៈក្នុងការជម្រើសសិស្សចូលរៀនមហាវិទ្យាល័យ អនុមហាវិទ្យាល័យ។ ជាក់ស្តែងគឺសាលានានាត្រូវម្ចាស់ការកសាងនិងប្រកាសគម្រោងជម្រើសសិស្ស ធានាល័ក្ខការណ៍ម្ចាស់ការដោយខ្លួនឯង ឆ្លងតាមរយៈនោះ ក្រៅពីវិធីយកលទ្ធផលប្រឡងមធ្យមសិក្សាចំណេះទូទៅថ្នាក់ជាតិធ្វើជាមូលដ្ឋានសម្រាប់ពិនិត្យជម្រើសសិស្ស អាចនឹងមានវិធីផ្សេងដើម្បីជម្រើសសិស្សក៏បាន៕

តាមៈTTXVN-មុនី

ចែករំលែកអត្ថបទ

ពាក្យគន្លឹះ