គោលនយោបាយ -ការរស់នៅ ការរស់នៅ

13/11/2018 - 10:38

ហ្វាតឹងផ្តុំកម្លាំងសម្រេចទិសដៅកសាងឃុំវប្បធម៌ជនបទថ្មី

លោកត្រឿងវ៉ាន់ដែ អនុលេខាប្រចាំការនៃគណៈកម្មាធិការបក្សឃុំហ្វាតឹង ស្រុកកូវកែ ខេត្តត្រាវិញ ឲ្យដឹង៖ “ហ្វាតឹង ជាឃុំមួយក្នុងចំណោមឃុំទាំងពីរត្រូវបានគណៈកម្មាធិការបក្សស្រុកកូវកែ ជ្រើសកសាងឃុំវប្បធម៌-ជនបទថ្មី សម្រេចនៅចុងឆ្នាំ២០១៩។ លុះដល់ដំណាច់ខែកញ្ញា ឆ្នាំ២០១៨ ហ្វាតឹងសម្រេច១២/១៩លក្ខឋានយោងតាមក្រមលក្ខឋានជនបទថ្មី។ ម្យ៉ាងទៀត ឃុំកំពុងផ្តុំកម្លាំងយ៉ាងប្តូរផ្តាច់អនុវត្តកសាងឃុំវប្បធម៌-ជនបទថ្មីត្រូវតាមផែនការដាក់ចេញ”។

ទម្រង់ចិញ្ចឹមសត្វប្រើសរបស់គ្រួសារបងយ៉ាងវ៉ាន់ទ្រុងងៀ នៅភូមិអាងប៊ិញ ឃុំហ្វាតឹង ស្រុកកូវកែ ខេត្តត្រាវិញ។

ហ្វាតឹង នៅលក្ខឋានមិនទាន់សម្រេចចំនួន៧នោះគឺ៖ លក្ខឋានទី៥ (សាលារៀន)លក្ខឋានទី៦ (អាគារវប្បធម៌); លក្ខឋានទី៩ (លំនៅឋាន); លក្ខឋានទី១១ (គ្រួសារក្រីក្រ); លក្ខឋានទី១៤ (អប់រំនិងបណ្តុះបណ្តាល); លក្ខឋានទី១៦ (វប្បធម៌) និងលក្ខឋានទី១៧ (បរិស្ថាននិងសុវត្ថិភាពចំណីអាហារ)។

ឃុំហ្វាតឹងមានជនរួមជាតិខ្មែររស់នៅជាង៤៦,៥% ជីវភាពសំខាន់គឺពឹងលើរបរកសិកម្ម ម្ល៉ោះហើយគណៈកម្មាធិការបក្សឃុំបានជម្រើសអភិវឌ្ឍសេដ្ឋកិច្ចធ្វើជា”ស្នូល”ដើម្បីអនុវត្តសម្រេចរួចរាល់អំពីលក្ខឋានគ្រួសារក្រីក្រ បង្កើនប្រាក់ចំណូលនិងដោះស្រាយការងារធ្វើ។ ឆ្លងតាមរយនោះ ឃុំផ្តុំកម្លាំងផ្សព្វផ្សាយអនុវត្តគម្រោងបង្វែររចនាសម័្ពន្ធសេដ្ឋកិច្ច ចំណុចសំខាន់គឺបង្វែររចនាសម្ព័ន្ធកសិកម្មតាមទិសដៅបង្កើនទិន្នផលគុណភាពផលិតផលទំនិញ និងអភិវឌ្ឍប្រកបដោយចីរភាព។ ពិសេស ឃុំរៀបចំគម្រោងផែនការ បែងតំបន់ផលិតកម្ម ជំរុញការផ្លាស់ប្តូរផ្ទៃដីដាំដំណាំផ្តល់ទិន្នផលទាបផ្ទៃដីចម្ការចាស់ឲ្យទៅជាចម្ការជំនាញផលិតកម្ម មានតម្លៃសេដ្ឋកិច្ចខ្ពស់ផ្សារភ្ជាប់ជាមួយផលិតផលចម្បង ពិសេសដោយឡែករបស់ភូមិភាគ ដូចជា៖ ដំណាំស្វាយ ដូងខ្ទិះជាដើម។ ឆ្នាំ២០១៧ និង៩ខែដើមឆ្នាំ២០១៨ ឃុំហ្វាតឹងបានបង្វែររចនាសម្ព័ន្ធចម្ការចាស់ចំនួន១៤០ហិកតា ងាកមកដាំស្វាយ និងដូងខ្ទិះវិញ; លើកកម្ពស់គុណភាពក្រុមសហការផលិតដាំដំណាំរួមផ្សំលើភូមិសាស្រ្ត ឈានទៅរកការកសាងយីហោសុវត្ថិភាពសម្រាប់ដំណាំស្វាយ និងដូងខ្ទិះ។ ពិសេស គឺហ្វាតឹងមានសហករណ៍ចំនួន២ (គឺសហករណ៍ដូងខ្ទិះនិងសហករណ៍ស្វាយ) ត្រូវបានជ្រើសរើសកសាងសហករណ៍បែបថ្មី។

លោកង្វៀនឡេវិញ ប្រធានគណៈកម្មាធិការប្រជាជនឃុំហ្វាតឹង ឲ្យដឹង៖ បច្ចុប្បន្ន ភូមិភាគនៅមានគ្រួសារក្រីក្រ៥,៤៦% (ប្រហែល១៧៤គ្រួសារ)និងគ្រួសារប្រកៀកក្រមាន៩,១៤% (ប្រមាណជិត២៩១គ្រួសារ)។ តាមផែនការដល់ដំណាច់ឆ្នាំ២០១៨ មានប្រជាជនចាកផុតពីភាពក្រីក្រ២៨គ្រួសារ និងអត្រាគ្រួសារក្រីក្រកាត់បន្ថយនៅក្រោម៤%ប៉ុណ្ណោះ។ ចុងឆ្នាំ២០១៧ ប្រាក់ចំណូលមធ្យមភាគលើមនុស្សម្នាក់ៗរបស់ឃុំសម្រេច៣៧,៥៩លានដុង/ម្នាក់។ តាមការគ្រោងទុកដល់ដំណាច់ឆ្នាំ២០១៨ សម្រេចជាង៤២លានដុង/ម្នាក់/ឆ្នាំ។ បច្ចុប្បន្ន ប្រាក់ចំណូលមធ្យមភាគលើផ្ទៃដីតែមួយក្នុងការបង្កបង្កើនផលកសិកម្មរបស់ឃុំសម្រេចពី១០០-២០០លានដុង/ហិកតា។ ក្នុងការកសាងហេដ្ឋារចនាសម្ព័ន្ធ ឃុំបានផ្តុំកម្លាំងរាល់ប្រភពដើមទុនដើម្បីផ្សព្វផ្សាយកសាងសម្រេចជាស្ថាពរផ្លូវបេតុង៣ខ្សែ ប្រវែង២,៧គីឡូម៉ែត្រ គិតជាតម្លៃទឹកប្រាក់៣,៥៩ពាន់លានដុង។ ក្រៅពីនេះ ឃុំក៏បានចលនាសង្គមូបនីយកម្មកសាងស្ពានជនបទ៣ខ្សែ (នៅភូមិអាងហោយ អាងប៊ិញ និងភូមិចុងផ្នោទី១) គិតជាតម្លៃទឹកប្រាក់ជាង៣៧០លានដុង។ល។ ជាមួយលទ្ធផលសម្រេចបានគួបផ្សំនឹងការខិតខំប្រឹងប្រែងរបស់ភូមិភាគ សង្ឃឹមថា ហ្វាតឹងនឹងសម្រេចទិសដៅក្នុងការកសាងឃុំវប្បធម៌-ជនបទថ្មីនៅដំណាច់ឆ្នាំ២០១៩នេះ៕

សឺនម៉ាល័យ-លីសៀ

ចែករំលែកអត្ថបទ

ពាក្យគន្លឹះ