គោលនយោបាយ -ការរស់នៅ ការរស់នៅ

21/08/2018 - 08:11

ប្ដេជ្ញាចិត្តកសាងគ្រួសារវប្បធម៌

ចលនា”ទូទាំងប្រជាជនសាមគ្គីកសាងជីវភាពវប្បធម៌” នៅឃុំតឹនម៉ី ស្រុកត្រាអូន ខេត្តវិញឡុង ពីមួយថ្ងៃទៅមួយថ្ងៃកាន់តែបានប្រជាជនគាំទ្រ ដោយការងារជាក់ស្ដែងច្បាស់លាស់។ លទ្ធផលដែលលេចធ្លោក្នុងការចលនានេះ គឺមានគ្រួសារជនរួមជាតិខ្មែរជាច្រើនបានខិតខំធ្វើការរកទទួលទាន ហើយប្ដេជ្ញាចិត្តកសាងគ្រួសារវប្បធម៌ជឿនលឿន សម្បូរសប្បាយ សុភមង្គល។

លោកថាច់អល់ (អង្គុយកណ្ដាល) ក្នុងផ្ទះដែលរដ្ឋជំនួយសាងសង់។

កាលពីមុន គ្រួសារខ្មែរក្រីក្រជាច្រើន តែងទន្ទឹងរង់ចាំ ពឹងទៅលើការឧបត្ថម្ភរបស់បក្ស រដ្ឋ ប៉ុន្តែបច្ចុប្បន្នមានគ្រួសារជាច្រើន ខិតខំប្រឹងប្រែងធ្វើការរកទទួលទានឈានឡើងចាកផុតភាពក្រីក្រ កសាងជីវភាពវប្បធម៌។ តួយ៉ាងដូច គ្រួសារលោកថាច់អល់ នៅភូមិត្រមោង ផ្ដើមពីគ្រួសារក្រីក្រ គ្មានដីនិងមធ្យោបាយផលិតកម្ម តែងដើរធ្វើការស៊ីឈ្នួលឥឡូវបានចាកផុត ភាពក្រីក្រឈានឡើងគ្រាន់បើ បានក្លាយជាគ្រួសារវប្បធម៌គំរូច្រើនឆ្នាំបន្តបន្ទាប់នៅភូមិភាគ។ ចែករំលែកអំពីស្ថានភាពគ្រួសារ លោកថាច់អល់នៅភូមិត្រមោង ឃុំតឹនម៉ី ស្រុកត្រាអូន ឲ្យដឹង៖ “ពីមុនគ្រួសារខ្ញុំក្រលំបាកណាស់ ហើយខ្ញុំក៏បានរដ្ឋជំនួយសង់ផ្ទះនិងប្រាក់ទុនចំនួន១៣លានដុង ដើម្បីទិញគោចិញ្ចឹម។ បច្ចុប្បន្ន គ្រួសារខ្ញុំមានភាពលំនឹង ម៉្លោះហើយក៏បានចូលរួមជាមួយនឹងមាមីងក្នុងភូមិកសាងគ្រួសារវប្បធម៌ ភូមិវប្បធម៌”។

មិនចំពោះតែគ្រួសារលោកថាច់អល់នោះទេ នៅមានគ្រួសារខ្មែរជាច្រើនទៀត នៅឃុំតឹនម៉ី ស្រុកត្រាអូន តែងម្ចាស់ការក្នុងការកសាងគ្រួសារវប្បធម៌ កូនចៅលុះក្នុងដំបូន្មាន សិក្សារៀនសូត្របានជោគជ័យ រួមចំណែកក្នុងការកសាងភូមិស្រុក ពីមួយថ្ងៃទៅមួយថ្ងៃកាន់តែសម្បូរសប្បាយ ស៊ីវិល័យ។ ដូចជាគ្រួសារលោកថាច់កើល និងមីងថាច់ធីវណ្ណា ជាគ្រួសារមួយក្នុងចំណោមគ្រួសារ ដែលឋិតក្នុងក្របខ័ណ្ឌក្រលំបាក ប៉ុន្តែដោយមានសតិអារម្មណ៍ជឿនលឿន។ ក្នុងពេលនោះ មានគ្រួសារខ្លះនៅជួបលំបាកហើយត្រូវគិតគូរការហូបចុក ស្លៀកពាក់ប្រចាំថ្ងៃ មិនសូវចាប់អារម្មណ៍ដល់ការសិក្សាររៀនសូត្ររបស់កូនចៅទេ តែចំពោះគ្រួសារលោកថាច់កើល និងមីងថាច់ធីវណ្ណា មិនខ្លាចហត់នឿយ លំបាកតែងគិតគូរឲ្យកូន៣នាក់រៀនមហាវិទ្យាល័យបានជោគជ័យ។ បច្ចុប្បន្ន កូនប្រុស២នាក់របស់គាត់រៀនចប់កម្រិតមហាវិទ្យាល័យ កំពុងធ្វើការក្នុងក្រុមហ៊ុនសហគ្រាស ចំណែកកូនស្រីពៅ កំពុងរៀនឆ្នាំបញ្ចប់ផ្នែក ជំនាញកសិកម្មនៅសាកលវិទ្យាល័យកឹងធើ។ អ្នកមីងថាច់ធីវណ្ណា នៅភូមិត្រមោង ឲ្យដឹង៖ “ ពីមុនគ្រួសារខ្ញុំក្រលំបាក។ អាស្រ័យបានរដ្ឋជំនួយគោចិញ្ចឹមហើយខិតខំឲ្យកូនរៀនសូត្រដើម្បីចាកផុតពីភាពក្រីក្រ”។

លោកទ្រិញវ៉ាន់អន អនុប្រធានគណៈកម្មាធិការរណសិរ្សមាតុភូមិវៀតណាម ឃុំតឹនម៉ី ឲ្យដឹង៖ “ក្នុងការអនុវត្តចលនាទូទាំងប្រជាជនសាមគ្គីកសាងគ្រួសារវប្បធម៌ នៅក្នុងឃុំមានគ្រួសារជាច្រើនសម្រេចគ្រួសារវប្បធម៌ ក្នុងនោះ មានគ្រួសារជនរួមជាតិខ្មែរជាច្រើនសម្រេចកិត្តិនាមជាគ្រួសារវប្បធម៌គំរូ”៕

ទ្រុកម៉ាយ-ទីទុយ

ចែករំលែកអត្ថបទ

ពាក្យគន្លឹះ