គោលនយោបាយ -ការរស់នៅ គោលនយោបាយ

22/05/2018 - 16:34

កម្លាំងស្លូលក្នុងការការសន្តិសុខមាតុភូមិ

រយៈកាល១២ឆ្នាំបំពេញការងារនៅភូមិភាគ បងគឹមថាំង ធ្វើជានគរបាលភូមិសាយាំុង ឃុំដូងចូវ ស្រុកយ្វៀងហាយ ខេត្តត្រាវិញ តែងបានប្រជាជនជឿទុកចិត្ត ស្រឡាញ់រាប់អាន ពីព្រោះបងតែងអស់ពីចិត្តពីថ្លើមក្នុងការរក្សាភាពសុខសាន្តជូនមាមីងក្នុងភូមិស្រុក។

រូប៖សមមិត្តគឹមថាំង (ខាងឆ្វេង)។

បងថាំង កើតនិងធំដឹងក្តីនៅភូមិសាយាំុង បានឪពុកម្តាយនាំចូលវត្តបួសរៀនតាមទំនៀមទម្លាប់ខ្មែរ។ បន្ទាប់ពីលាចាកសិក្ខាបទ យុវជនគឹមថាំង ស្ម័គ្រចិត្តចូលរួមបំពេញការងារនៅភូមិភាគ ជាមួយនឹងមុខងារជាច្រើនដូច៖ កងប្រជាស្វ័យត្រាណប្រធានក្រុមសម្រុះសម្រួលភូមិ។ល។ ដោយការខ្នះខ្នែងអស់ពីចិត្តពីថ្លើមក្នុងការងារ ម៉្លោះហើយឆ្នាំ២០០៦ បងគឹមថាំង បានថ្នាក់លើប្រគល់ភារកិច្ចធ្វើជានគរបាលភូមិសាយាំុងមកទល់នឹងសព្វថ្ងៃ។

ភូមិសាយាំុង មានប្រជាជនរស់នៅចំនួន១៥៩គ្រួសារ ជាមួយនឹងបណ្តាជនចំនួន៦១២នាក់ ក្នុងនោះ គ្រួសារជនរួមជាតិខ្មែរមាន១១២គ្រួសារ ជនជាតិកិញ៤៧គ្រួសារ។ ប៉ុន្មានឆ្នាំមុននេះ ភូមិសាយាំុងតែងកើតមានបាបគ្រោះសង្គមដូច៖ ផឹកស្រាស្រវឹងស្រវិតបង្កអុកឡុក បៀរប៉ោ ល្បែងស៊ីសង។ល។ ជារៀងរាល់ឆ្នាំ កើតមានករណីបង្កអុកឡុកធ្វើឲ្យខូច សន្តិសុខសណ្តាប់ធ្នាប់សង្គមពី២០ដល់៣០ករណី។ ក្រៅពីការយាមល្បាត បោសសម្អាតករណីល្មើសច្បាប់ បងគឹមថាំង នៅទាំងធ្វើបញ្ជីរាយនាមមុខសញ្ញាមានប្រវត្តិរឿងបំពានច្បាប់ដើម្បីកោះហៅមកអប់រំប្រចាំខែ។ អាស្រ័យហេតុនោះ ករណីល្មើសច្បាប់នៅលើភូមិសាស្រ្តភូមិសាយាំុង ត្រូវបានកាត់បន្ថយគួរឲ្យកត់សម្គាល់។ បងថាំង ឲ្យដឹង៖ “តាមមតិខ្ញុំ ការងារផ្សព្វផ្សាយចលនាប្រជាជនចូលរួមការពារសន្តិសុខមាតុភូមិ គឺជាការងារមួយដ៏សំខាន់ ដើម្បីទប់ស្កាត់កាត់បន្ថយរាល់ឧក្រិដ្ឋកម្ម។ ព្រោះហេតុនោះ ខ្ញុំឆ្លៀតយកការគាំទ្រពីសំណាក់អ្នកមុខអ្នកការសាសនាអ្នកមានប្រជាប្រិយភាពក្នុងសហគមន៍ជនជាតិខ្មែរ ដើម្បីផ្សព្វផ្សាយចលនាប្រជាជនអនុវត្តបានល្អតាមសេចក្តីកំណត់របស់ច្បាប់ និងចូលរួមចលនាការពារសន្តិសុខមាតុភូមិប្រកបដោយប្រសិទ្ធភាព”។

បងថាច់បាត់ ប្រធាននគរបាលឃុំដូងចូវ បញ្ជាក់៖ “សមមិត្តគឹមថាំង ជានិច្ចកាលអនុវត្តល្អនូវផែនការនគរបាលឃុំដាក់ចេញ ក៏ដូចជាសម្រេចភារកិច្ចដែលថ្នាក់លើប្រគល់ជូនមានការទទួលខុសត្រូវខ្ពស់ក្នុងការងារ។ មិនត្រឹមតែអនុវត្តល្អភារកិច្ចក្នុងនាមជានគរបាលប្រចាំការប៉ុណ្ណោះទេ សមមិត្តនៅទាំងចូលរួមសកម្មភាពចលនាផ្សេងៗអាស្រ័យគណៈកម្មាធិការបក្ស គណៈកម្មាធិការប្រជាជនឃុំ និងគណៈផ្នែក អង្គការមហាជននានាបំផុសចលនា។ ឆ្នាំ២០១៨ អង្គភាពបានពិនិត្យជម្រើសនិងបានថ្នាក់លើទទួលស្គាល់សមមិត្តគឹមថាំង សម្រេចបានកិត្តិនាមយុទ្ធជនប្រឡងប្រណាំងថ្នាក់មូលដ្ឋាន”៕

ម៉ាល័យ-មុនី

ចែករំលែកអត្ថបទ

ពាក្យគន្លឹះ