គោលនយោបាយ -ការរស់នៅ ការរស់នៅ

04/12/2017 - 16:13

ខ្នះខ្នែងអភិវឌ្ឍសេដ្ឋកិច្ចគ្រួសារ

បងស្រីឡឹមធីផន នៅភូមិត្រឿងថ២A ឃុំត្រឿងឡុង ស្រុកផុងដៀង ជាសមាជិកសមាគមនារី ជនជាតិខ្មែរម្នាក់ក្នុងចំណោមសមូហភាព បុគ្គលនារីជនជាតិ នារីអ្នកកាន់សាសនា ចំនួន២៧ ធ្វើសេដ្ឋកិច្ចពូកែទើបបានសមាគមសហព័ន្ធនារីក្រុងកឹងធើស្ងើចសរសើរនិងជូនរង្វាន់។

បងស្រីផនបង្ហាញពីទម្រង់រូបភាពចិញ្ចឹមថ្លាន់សម្រេចបានប្រសិទ្ធភាព។

ពីមុននេះ ស្ថានភាពគ្រួសារបងស្រីផន លំបាកខ្លាំង។ ណាមួយគ្មានដីផលិតកម្ម សមាជិកក្នុងគ្រួសារទាំង៤នាក់រស់នៅក្នុងផ្ទះស្លឹកបណ្តោះអាសន្ន សង់លើដីរបស់មាមីង។ រៀងរាល់ថ្ងៃ ពីរនាក់ប្តីប្រពន្ធបងផនទៅធ្វើការឈ្នួលគ្រប់សព្វបែបយ៉ាង ប៉ុន្តែរកបានប្រាក់ចំណូលមិនលំនឹង។ ឆ្នាំ២០១០ បានរដ្ឋអំណាចភូមិភាគបង្កលក្ខណៈបញ្ជូនឲ្យមករស់នៅមណ្ឌលតាំងទីលំនៅបញ្ជៀសទឹកជំនន់ភូមិត្រឿងហ្វា។ បងស្រីផន រ៉ាយរ៉ាប់៖ “កាលទើបមករស់នៅទីនេះ ប្តីប្រពន្ធខ្ញុំមិនទាន់មានមុខរបរលំនឹងអ្វីទេ ពិនិត្យឃើញអ្នកនៅជិតខាងចិញ្ចឹមថ្លាន់សម្រេចបានប្រសិទ្ធភាព ប្តីប្រពន្ធខ្ញុំក៏ពិគ្រោះគ្នា ចិញ្ចឹមពស់ថ្លាន់សាកល្បង។ ដោយសារគ្មានដើមទុន បានជាដំបូងឡើយគ្រួសារខ្ញុំទិញបានកូនថ្លាន់តូច១គូ តម្លៃ៣០០.០០០ដុង យកមកចិញ្ចឹម”។ រៀងរាល់ថ្ងៃ ពីរនាក់ប្តីប្រពន្ធបងទៅធ្វើការឈ្នួល រួចឆ្លៀតរកចាប់ចំណីឲ្យថ្លាន់។ ហេតុដូច្នោះ ថ្លាន់ទាំងគូក៏ធាត់ធំយ៉ាងឆាប់ លក់បានតម្លៃជាង២លានដុង។ តាមប្រសាសន៍របស់បងស្រីផន ខណៈពេលចិញ្ចឹមថ្លាន់សម្រេចទម្ងន់ពី៦ដល់៧គីឡូក្រាម ទើបដឹងច្បាស់ឈ្មោលឬញី។ ធម្មតាបងស្រីនឹងលក់ថ្លាន់ឈ្មោលមុន ពីព្រោះថ្លាន់ឈ្មោលធំយឺត និងស្បែកមិនសូវល្អ; ក្រៅពីនោះ ទុកចិញ្ចឹមរហូតដល់ទម្ងន់៤០គីឡូក្រាមទើបលក់។ សព្វថ្ងៃ គ្រួសារបងកំពុងចិញ្ចឹមថ្លាន់ធំតូចគ្រប់ធុនចំនួន២៨ក្បាល ភាគច្រើនសម្រេចទម្ងន់ពី៥០ដល់៦០គីឡូក្រាម។ ជាមួយនឹងតម្លៃលក់សព្វថ្ងៃក្នុង៣០០.០០០ដុង/គីឡូក្រាម។ គិតមធ្យមភាគ រៀងរាល់ឆ្នាំគ្រួសារបងលក់ថ្លាន់បានចំនួន៣០០ក្បាល ក្រោយពីផាត់ទាត់រួចរាល់នៅចំណេញ៦៥លានដុង។ បងស្រីផនឲ្យដឹង៖ “អាស្រ័យចូលរួមក្នុងសមាគមនារី ទើបខ្ញុំមានឱកាសរៀនសូត្រ ដើម្បីពង្រីកចំណេះដឹងដ៏មានប្រយោជន៍។ ទន្ទឹមនឹងនោះ ខ្ញុំថែមទាំងបានបងប្អូននារីឧទ្ទេសនាមបុលទុនធនាគារគោលនយោបាយសង្គម សម្រាប់គ្រួសារជនជាតិភាគតិច ចូលរួមចលនាហ៊ុនទុន ផ្ញើប្រាក់ប្រិតសំចៃ។ល។ មានលក្ខណសម្បត្តិគិតគូរជីវភាពគ្រួសារ។ មកទល់សព្វថ្ងៃ សេដ្ឋកិច្ចគ្រួសារខ្ញុំបានលំនឹង។ ឆ្នាំ២០១៤ គ្រួសារខ្ញុំចាកផុតពីភាពក្រីក្រ។ ខ្ញុំទទួលបញ្ចាំដីស្រែបាន២កុងបន្ថែម។ នៅពេលខាងមុខ ប្តីប្រពន្ធខ្ញុំមានបំណងចូលធ្វើកម្មករសំណង់ រកប្រាក់ចំណូលបន្ថែម ដើម្បីគិតគូរឲ្យកូនៗរៀនសូត្របានត្រឹមត្រូវ”។

បងស្រីផាមធីប៉ែណាំ ប្រធានសមាគមសហព័ន្ធនារីឃុំត្រឿងឡុង ស្រុកផុងដៀង ឲ្យដឹង៖ “បងស្រីផនគឺជាសមាជិកនារីស្នូលម្នាក់ តែងព្យាយាមធ្វើការងាររកស៊ី អនុវត្តល្អនូវគោលការណ៍ គោលនយោបាយរបស់បក្ស ច្បាប់របស់រដ្ឋចូលរួមរាល់ការចលនាអាស្រ័យសមាគមសហព័ន្ធនារីគ្រប់លំដាប់ថ្នាក់បំផុសឡើង។ ពេលខាងមុខ សមាគមសហពន្ធនារីឃុំមានផែនការចលនាបងស្រី និងបងប្អូននារីមួយចំនួនមានលក្ខណសម្បត្តិដើម្បីចូលរួមទម្រង់រូបភាពចិញ្ចឹមថ្លាន់។ ឆ្លងតាមរយៈនោះ ជួយបងប្អូននារីមានឱកាស ដោះដូរបទពិសោធន៍បច្ចេកទេសក្នុងការចិញ្ចឹម។ល។”៕

ត្វែអាញ់ (bantuyengiao.cantho.gov.vn) - ថាច់សេរី

ចែករំលែកអត្ថបទ

ពាក្យគន្លឹះ