សន្តិសុខ - ការពារប្រទេស សន្តិសុខ

06/01/2015 - 17:23

អ្នករក្សាភាពសុខសាន្តជូនភូមិស្រុក

រស់នៅជាគំរូ គិតគូរឲ្យកូនចៅរៀនសូត្រចប់ចុងចប់ដើម មានប្រជាប្រិយភាពក្នុងសហគមន៍ខ្នះខ្នែងរួមចំណែកក្នុងការចលនា" ទូទាំងប្រជាជនការពារសន្តិសុខមាតុភូមិ" ម៉្លោះហើយពូថាច់យ៉ឹងនៅអនុសង្កាត់កាសាំងសង្កាត់២ក្រុងវិញចូវ ខេត្តសុកត្រាំង បានមាមីងភូមិស្រុកស្រឡាញ់រាប់អានស្ទើរគ្រប់គ្នា។

ពូថាច់យ៉ឹង(ឈរ) តែងមកដល់ផ្ទះប្រជាជនជារឿយៗ ដើម្បីផ្សព្វផ្សាយគោលនបាយច្បាប់របស់បក្សនិងរដ្ឋ។

ដោយបានកម្មាភិបាលការពារព្រំដែនវិញចូវនាំមកផ្ទះពូថាច់យ៉ឹង រូបភាពដំបូងនៅចំពោះមុខខ្ញុំ នោះគឺគេហដ្ឋានមានភាពសមរម្យលើជញ្ជាំងមានព្យួរលិខិតសរសើរប័ណ្ណសរសើរជាច្រើនរបស់ពូនិងកូនៗ។ ពូថាច់យ៉ឹង មានប្រសាសន៍៖ "ជាង២៥ឆ្នាំ ជាកម្មាភិបាលបម្រើការងារនគរបាលឃុំភូមិ ទោះជាបំពេញការងារនៅទីណាក៏ដោយ ខ្ញុំតែងអនុវត្តសម្រេចភារកិច្ចដែលថ្នាក់លើប្រគល់ជូន។ បច្ចុប្បន្នកូនខ្ញុំទាំង៣នាក់ សុទ្ធតែបំពេញការងារយោធា ហើយជានិច្ចកាលតែងសម្រេចបានស្នាដៃល្អប្រការនេះ គឺជាមោទនភាពនិងកិត្តិយសរបស់គ្រួសារ"។ អាស្រ័យរស់នៅជាគំរូចិញ្ចឹមកូនរៀនសូត្រចប់ចុងចប់ដើមផ្តោតការយកចិត្តទុកដាក់ធ្វើការរកស៊ី ម៉្លោះហើយពូថាច់យ៉ឹងជានិច្ចកាលតែងជាគំរូដើម្បីមាមីងនៅអនុសង្កាត់កាសាំងរៀនសូត្រធ្វើតាម។

ចាប់ពីឆ្នាំ១៩៨៩រហូតមកទល់នឹងបច្ចុប្បន្នពូថាច់យ៉ឹងបានសហការជារឿយៗជាមួយនឹងប៉ុស្តិ៍ការពារព្រំដែនចលនាមាមីងខ្មែរព្រួតដៃរក្សាភាពសុខសាន្តនៅតំបន់សមុទ្រនិងរក្សាសន្តិសុខសណ្តាប់ធ្នាប់លើភូមិសាស្រ្ត។ សមមិត្តលីវ៉ាំងតៀង ប្រធានកងចលនាមហាជននៃប៉ុស្តិ៍ការពារព្រំដែនវិញចូវ ឲ្យដឹង៖ "បច្ចុប្បន្នពិតមែនតែឋិតក្នុងជន្មាយុ៦៤ឆ្នាំ ប៉ុន្តែពូយ៉ឹងតែងធ្វើជាគំរូនាំមុខចលនាប្រជាជនក្នុងភូមិរួមកម្លាំងជាមួយនឹងកងការពារព្រំដែនកងកម្លាំងមូលដ្ឋានការពាររឹងមាំអធិបតេយ្យសន្តិសុខព្រំដែនតំបន់សមុទ្រ។ ពូថាច់យ៉ឹងជាអ្នកមានប្រជាប្រិយភាពឆ្នើម និងជាបក្ខជនគំរូជានិច្ចកាលតែងឧទ្ទិសទាំងកម្លាំងកាយកម្លាំងចិត្តក្នុងការងារដូច្នេះពាក្យសំដីរបស់ពូមានតម្លៃចំពោះមាមីងខ្មែរនៅអនុសង្កាត់។អាស្រ័យការរួមចំណែករបស់ពូអង្គភាពយើងខ្ញុំតែងអនុវត្តសម្រេចភារកិច្ចនយោបាយដែលថ្នាក់លើប្រគល់ជូនបានល្អ"។

យោងតាមគំនិតរបស់ពូថាច់យ៉ឹង ដើម្បីមាមីងជឿទុកចិត្តខ្ញុំត្រូវតែធ្វើគំរូល្អក្នុងការងាររកទទួលទានអប់រំកូនចៅក្លាយជាមុនស្សល្អនិងប្រតិបត្តិម៉ឺងម៉ាត់នូវគោលការណ៍គោលនយោបាយរបស់បក្សនិងច្បាប់របស់រដ្ឋ។ ពិសេសអ្នកដែលអនុវត្តបានល្អនូវការឃោសនាចលនាលុះត្រាតែចេះអត់ធ្មត់រស់នៅសមហេតុសមផល ឧបត្ថម្ភមាមីងភូមិផងរបងជាមួយដោយអស់ពីចិត្ត។ ដើម្បីអនុវត្តបានល្អនូវការឃោសនាចលនាពូថាច់យ៉ឹង តែងស្វែងយល់ពីច្បាប់រដ្ឋនិងជ្រាបច្បាស់ពីទម្លាប់រស់នៅរបស់ប្រជាជននៅភូមិភាគ។ ផ្តើមពីនោះ ពូថាច់យ៉ឹង ជានិច្ចកាលតែងចុះទៅដល់គ្រួសារទាំងឡាយណាដែលមានសមាជិកប្រតិបត្តិច្បាប់ពុំទាន់បានល្អ ដើម្បីស្វែងយល់វែកញែកពីទង្វើខុសឆ្គង រួចចលនាសមាជិកនោះអនុវត្តច្បាប់រដ្ឋឲ្យបានល្អ។ អាស្រ័យការរួមចំណែករបស់ពូបច្ចុប្បន្នអនុសង្កាត់កាសាំង ត្រូវបានចាត់ទុកជាភូមិសុខសាន្តប្រជាជនមានស្មារតីប្រតិបត្តិបានល្អនូវគោលការណ៍គោលនយោបាយរបស់បក្សនិងច្បាប់របស់រដ្ឋ។

លោកថាច់ឌឹក ប្រធានកងការពារប្រជាជនក្រុងអនុសង្កាត់កាសាំង ឲ្យដឹង៖ "អាស្រ័យពូយ៉ឹងខ្នះខ្នែងរួមជាមួយនឹងអង្គការមហាជនទៅដល់រាល់គ្រួសារផ្សព្វផ្សាយច្បាប់ដូច្នេះ មកទល់នឹងបច្ចុប្បន្នភូមិស្រុកមានភាពសុខសាន្ត។ ឆ្នាំកន្លងហើយ ពូបានបញ្ជាការដ្ឋានកងទ័ពការពារព្រំដែនជូនមេដាយអនុស្សាវរីយ៍ពីព្រោះអធិបតេយ្យសន្តិសុខព្រំដែន"៕

លីធាន-មុនី

ចែករំលែកអត្ថបទ

ពាក្យគន្លឹះ