ព្រឹត្តិការណ៍ - នយោបាយ ព្រឹត្តិការណ៍

31/10/2026 - 20:13

ខេត្តកាម៉ាវ កំណាយជាង ៣.៤០០ អដ្ឋិធាតុយុទ្ធជនពលី បម្រើឱ្យការកំណត់អត្តសញ្ញាណដោយ ADN

ថ្ងៃទី ៣១ ខែតុលា បញ្ជាការយោធាខេត្តកាម៉ាវ បានផ្តល់ព័ត៌មានអំពីលទ្ធផលនៃយុទ្ធនាការកំពូល ស្វែងរក ប្រមូលផ្តុំនិងកំណត់អត្តសញ្ញាណអដ្ឋិធាតុយុទ្ធជនពលី ដែលគណៈចង្អុលការ ៥១៥ ខេត្តអនុវត្តចាប់ពីថ្ងៃទី ១៧ ខែមិថុនា ដល់ថ្ងៃទី ២៩ ខែកញ្ញា ឆ្នាំ ២០២៦។

ក្នុងយុទ្ធនាការលើកនេះ កម្លាំងសមត្ថកិច្ចបានកំណាយ ៣.៤៥៨ ផ្នូរយុទ្ធជនពលី ប្រមូលគំរូអដ្ឋិធាតុបានចំនួន ២.៥៥៩ គំរូ គ្រប់លក្ខណៈវិនិច្ឆ័យពិនិត្យកោសល្យវិច័យ ADN សម្រេច ៧៤%។ បញ្ជាការយោធាខេត្តបានប្រគល់ជូនត្រឹមត្រូវតាមបែបបទចំនួន ២.៥៧០ គំរូ ជូនវិទ្យាស្ថានវិទ្យាសាស្ត្រព្រហ្មទណ្ឌ (ក្រសួងនគរបាល) និងវិទ្យាស្ថានកោសល្យវិច័យយោធា (ក្រសួងការពារប្រទេស) ដើម្បីធ្វើការវិភាគ។ ស្របពេលជាមួយគ្នានោះ នគរបាលខេត្តកាម៉ាវ បានសហការជាមួយក្រសួងនគរបាល អនុវត្ត ២ លើក ប្រមូលបានគំរូ ADN ចំនួន ២.៦៣១ ពីសាច់ញាតិរបស់យុទ្ធជនពលី។ គ្រប់ថ្នាក់ គ្រប់ផ្នែក បានជំរុញយ៉ាងខ្លាំងក្លាការងារផ្សព្វផ្សាយចំនួន ២០៥ លើក ដោយមាន ១០.៥០០ នាក់/លើកអ្នកចូលរួមនិងអំពាវនាវឱ្យប្រជាជនសកម្មផ្តល់ព័ត៌មាន។

ថ្នាក់ដឹកនាំឃុំភឿកឡុង ខេត្តកាម៉ាវ ប្រគល់អដ្ឋិធាតុយុទ្ធជនពលីដើម្បីយកទៅពិនិត្យកោសល្យវិច័យ ADN។

អនុប្រធានគណៈកម្មាធិការប្រជាជនខេត្តកាម៉ាវ លោក ង៉ោ វ៉ូវថាំង បានសង្កត់ធ្ងន់ ឆ្នាំ ២០២៧ ជាឆ្នាំមានអត្ថន័យពិសេសសំខាន់ ផ្សារភ្ជាប់ជាមួយនឹងទិសដៅបង្ហើយយុទ្ធនាការ ៥០០ ថ្ងៃយប់ និងឆ្ពោះទៅកាន់ខួបអនុស្សាវរីយ៍ ៨០ ឆ្នាំ ទិវាយុទ្ធជនពិការ - យុទ្ធជនពលី (២៧/៧/១៩៤៧ - ២៧/៧/២០២៧)។ ទន្ទឹមនឹងនោះ ក៏បានស្នើឱ្យបណ្តាមន្ទីរ ផ្នែក កម្លាំងប្រដាប់អាវុធ និងរដ្ឋអំណាចភូមិភាគ ផ្តុំកម្លាំងត្រួតពិនិត្យឡើងវិញនូវប្រភពព័ត៌មាននានា; បង្កើនកិច្ចសហការរវាងកម្លាំងស្វែងរក ប្រមូលផ្តុំ ជាមួយសមាគមអតីតយុទ្ធជន មនុស្សចាស់ និងរដ្ឋអំណាចមូលដ្ឋានដើម្បីធ្វើការបញ្ជាក់ ផ្ទៀងផ្ទាត់ព័ត៌មាន កំណត់តំបន់ដែលមានលទ្ធភាពស្វែងរកអដ្ឋិធាតុយុទ្ធជនពលី។ ជាពិសេសគឺប្រញាប់បង្ហើយការប្រមូលគំរូ ADN សាច់ញាតិយុទ្ធជនពលី ធានាត្រឹមត្រូវតាមបែបបទជំនាញ មិនទុកឱ្យឆ្លៀតឆ្លកករណីដែលស្ថិតក្នុងមុខសញ្ញាត្រូវប្រមូលគំរូ; ពន្លឿនល្បឿនត្រួតពិនិត្យឡើងវិញនូវសំណុំលិខិត បំពេញបន្ថែមទិន្នន័យ និងកំណត់អត្តសញ្ញាណអដ្ឋិធាតុយុទ្ធជនពលី៕

យ្វីអាញ-វ៉ាន់តឹន

ចែករំលែកអត្ថបទ

ពាក្យគន្លឹះ