ព្រឹត្តិការណ៍ - នយោបាយ ព្រឹត្តិការណ៍

31/10/2026 - 20:13

ប្រកាសសេចក្តីសម្រេចចូលនិវត្តន៍របស់ចាងហ្វាងរងសាលាមធ្យមសិក្សាបំពេញវិជ្ជាបាលីណាមបូ

ព្រឹកថ្ងៃទី៣១ ខែវិច្ឆិកា នៅសាលាមធ្យមសិក្សាបំពេញវិជ្ជាបាលីណាមបូ បានចាត់តាំងពិធីប្រកាសសេចក្តីសម្រេចរបស់ប្រធានគណៈកម្មាធិការប្រជាជនទីក្រុង អំពីការងារបុគ្គលិក។ អញ្ជើញចូលរួម មានសមមិត្ត ង្វៀងវុាំងខើយ សមាជិកគណៈកម្មាធិការបក្ស អនុប្រធានគណៈកម្មាធិការប្រជាជនទីក្រុង និងតំណាងមន្ទីរមហាផ្ទៃ មន្ទីរអប់រំនិងបណ្តុះបណ្តាល សមាគមព្រះសង្ឃសាមគ្គីស្នេហាជាតិទីក្រុង មួយអន្លើនិងគណៈចាងហ្វាងសាលា។

អ្នកតំណាងចូលរួមពិធីប្រកាសសេចក្តីសម្រេចចូលនិវត្តន៍របស់ចាងហ្វាងរងសាលាមធ្យមសិក្សាបំពេញវិជ្ជាបាលីណាមបូ។

នៅក្នុងពិធីនេះ មន្ទីរមហាផ្ទៃបានអនុម័តលើសេចក្តីសម្រេចលេខ ៣៧៩៦/QĐ-UBND ទីក្រុងកឹងធើ ចុះថ្ងៃទី២៩ ខែកក្កដា ឆ្នាំ២០២៦ របស់ប្រធានគណៈកម្មាធិការប្រជាជនទីក្រុងកឹងធើ អំពីការយល់ព្រមឱ្យលោកគ្រូថាច់ឫទ្ធិ ចាងហ្វាងរងសាលាមធ្យមសិក្សាបំពេញវិជ្ជាបាលីណាមបូ បានចូលនិវត្តន៍ដើម្បីទទួលរបបធានារ៉ាប់រងសង្គមចាប់ពីថ្ងៃទី១ ខែវិច្ឆិកា ឆ្នាំ២០២៦។

ក្នុងបរិយាកាសដ៏ឱឡារិក និងពោរពេញដោយក្តីរំភើបនេះ ក្នុងពិធីថ្លែងអំណរគុណ ដឹងគុណ និងចែកដៃលោកគ្រូថាច់ឫទ្ធិចូលនិវត្តន៍តាមរបប។ មើលឡើងវិញនូវរយៈពេលបំពេញការងារដែលលោកគ្រូបានផ្សារភ្ជាប់ជាមួយសាលា គឺជាដំណាក់កាលមួយដែលពោរពេញដោយការទទួលខុសត្រូវ ប្តូរផ្តាច់ និងក្តីស្រឡាញ់។ ទោះជានៅក្នុងមុខតំណែងណាក៏ដោយ លោកគ្រូតែងបង្ហាញស្មារតីទទួលខុសត្រូវ អស់ពីចិត្តក្នុងការងារ ស្មោះត្រង់ជាមួយមិត្តរួមអាជីព និងពោរពេញដោយក្តីស្រឡាញ់ចំពោះសមណសិស្សគ្រប់ជំនាន់។

សមមិត្ត ង្វៀងវុាំងខើយ (ខាងឆ្វេង) សមាជិកគណៈកម្មាធិការបក្ស អនុប្រធានគណៈកម្មាធិការប្រជាជនទីក្រុង ប្រគល់សេចក្តីសម្រេចចូលនិវត្តន៍ដល់លោកគ្រូ ថាច់ឫទ្ធិ ចាងហ្វាងរងសាលាមធ្យមសិក្សាបំពេញវិជ្ជាបាលីណាមបូ។

នៅក្នុងពិធីនេះ លោកគ្រូថាច់ឫទ្ធិ បានថ្លែងអំណរគុណចំពោះការយកចិត្តទុកដាក់ និងជឿទុកចិត្តរបស់គណៈកម្មាធិការប្រជាជនទីក្រុង មន្ទីរអប់រំនិងបណ្តុះបណ្តាល គណៈចាងហ្វាងសាលាមធ្យមសិក្សាបំពេញវិជ្ជាបាលីណាមបូ និងការគាំទ្ររបស់បុគ្គលិក គ្រូបង្រៀនរបស់សាលាក្នុងអំឡុងពេលបំពេញការងារ។ លោកគ្រូថាច់ឫទ្ធិ សន្យាថានឹងអនុវត្តល្អនូវភារកិច្ចរបស់ខ្លួននៅភូមិភាគ ទន្ទឹមនឹងនោះតែងយកចិត្តទុកដាក់ តាមដាន និងបន្តផ្តល់មតិយោបល់ និងចែករំលែកបទពិសោធន៍ក្នុងការអនុវត្តនូវសកម្មភាពរបស់សាលា៕

ទ្រឿងផល - វិមាន

ចែករំលែកអត្ថបទ

ពាក្យគន្លឹះ