សន្តិសុខ - ការពារប្រទេស ការពារប្រទេស

30/10/2026 - 21:13

ប៉ុស្តិ៍ការពារព្រំដែនទ្រុងប៊ិញ ផ្សព្វផ្សាយ ចលនាប្រជាជនចូលរួមការពារអធិបតេយ្យភាពព្រំដែនសមុទ្រ

នារសៀលថ្ងៃទី៣០ ខែតុលា ប៉ុស្តិ៍ការពារព្រំដែនទ្រុងប៊ិញ បានសហការជាមួយគណៈកម្មាធិការប្រជាជនឃុំត្រឹងដេ ទីក្រុងកឹងធើ ចាត់តាំងកិច្ចប្រជុំផ្សព្វផ្សាយអនុវត្តចលនាទូទាំងប្រជាជនចូលរួមការពារអធិបតេយ្យភាពដែនដី និងសន្តិសុខព្រំដែនជាតិក្នុងស្ថានភាពថ្មី ឆ្នាំ២០២៦។

ជូនទង់ជាតិដល់ប្រជាជនដែលចូលរួមកិច្ចប្រជុំ។

ក្នុងអង្គប្រជុំនេះ កម្មាភិបាលប៉ុស្តិ៍ការពារព្រំដែនទ្រុងប៊ិញ បានផ្សព្វផ្សាយអំពីខ្លឹមសារសំខាន់ៗនៃបទបញ្ជាលេខ ០១/CT-TTg ចុះថ្ងៃទី០៩ ខែមករា ឆ្នាំ២០១៥ របស់នាយករដ្ឋមន្ត្រី ស្ដីពីការចាត់តាំងអនុវត្តចលនាទូទាំងប្រជាជនចូលរួមការពារអធិបតេយ្យភាពដែនដី និងសន្តិសុខព្រំដែនជាតិក្នុងស្ថានភាពថ្មី; ព្រមទាំងបានផ្តល់ព័ត៌មានអំពីលទ្ធផលនៃការអនុវត្តចលនានេះនៅលើភូមិឋានឃុំត្រឹងដេនាពេលកន្លង។ ជាមួយគ្នានោះ អ្នកចូលរួមក៏បានស្តាប់ការផ្សព្វផ្សាយអំពីសេចក្ដីកំណត់របស់គណៈកម្មាធិការអឺរ៉ុប (EC) ពាក់ព័ន្ធនឹងការទាញយកជលផល ផលប៉ះពាល់ និងផលវិបាកនៃការអនុវត្តវិធានការព្រមាន និងចាត់វិធានការរបស់ EC ចំពោះការនេសាទខុសច្បាប់ មិនរាយការណ៍ និងមិនតាមសេចក្ដីកំណត់ (IUU) ចំពោះសកម្មភាពនីហរ័ណជលផលរបស់វៀតណាម ព្រមទាំងឯកសារចង្អុលការរបស់រដ្ឋាភិបាល ក្រសួង ស្ថាប័ននិងភូមិភាគ ស្តីពីការបង្ការ ទប់ស្កាត់ការនេសាទខុសច្បាប់ IUU ផងដែរ។

ទិដ្ឋភាពទូទៅនៃកិច្ចប្រជុំផ្សព្វផ្សាយ។

តាមរយៈកិច្ចប្រជុំនេះ បានរួមចំណែកលើកកម្ពស់ការយល់ដឹង ស្មារតីទទួលខុសត្រូវ និងស្មារតីភ្ញាក់រលឹកគោរពច្បាប់របស់កម្មាភិបាល បក្ខជន និងប្រជាជន; ពង្រីកកម្លាំងមហាសាមគ្គីភាពទូទាំងប្រជាជនក្នុងការចូលរួមគ្រប់គ្រង ការពារអធិបតេយ្យភាពដែនដី និងសន្តិសុខព្រំដែនជាតិ។ ទន្ទឹមនឹងនោះ ក៏ជួយឱ្យអ្នកនេសាទគោរពច្បាប់ អនុវត្តយ៉ាងម៉ឺងម៉ាត់នូវសេចក្ដីកំណត់នានាក្នុងសកម្មភាពនេសាទ ដើម្បីរួមចំណែកជាមួយទូទាំងប្រទេសដោះ “កាតលឿង” របស់គណៈកម្មាធិការអឺរ៉ុប EC ចំពោះជលផលវៀតណាមបានឆាប់រហ័ស។

ក្នុងឱកាសនេះ ប៉ុស្តិ៍ការពារព្រំដែនទ្រុងប៊ិញបានសហការជាមួយរដ្ឋអំណាចភូមិភាគ ចាត់តាំងឱ្យគ្រួសារប្រជាជននិងបុគ្គលនានាចុះឈ្មោះអនុវត្តចលនា ព្រមទាំងបានជូនទង់ជាតិដល់ប្រជាជនផងដែរ៕

យ្វីអាញ - ថាច់ធី

ចែករំលែកអត្ថបទ

ពាក្យគន្លឹះ