ព្រឹត្តិការណ៍ - នយោបាយ ព្រឹត្តិការណ៍

26/10/2026 - 21:21

ពង្រីកតួនាទីគណៈស្រាវជ្រាវអភិវឌ្ឍន៍ទីក្រុងក្នុងការស្រាវជ្រាវ ផ្តល់ការប្រឹក្សា និងបដិវាទកម្មគោលនយោបាយ

(អ.ឡ) - ថ្ងៃទី ២៦ ខែតុលា លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ បានអញ្ជើញជាអធិបតីក្នុងកិច្ចប្រជុំធ្វើការជាមួយបណ្តាសមាជិកគណៈស្រាវជ្រាវអភិ វឌ្ឍន៍ទីក្រុង។

ទិដ្ឋភាពនៃអង្គប្រជុំ។

ក្នុងអង្គប្រជុំ តំណាងថ្នាក់ដឹកនាំបណ្តាគណៈកសាងបក្ស គណៈកម្មាធិការបក្សនៃគណៈកម្មាធិការប្រជាជន និងរណសិរ្សទីក្រុង បានសំណូមពរដល់បណ្តាសមាជិកគណៈស្រាវជ្រាវអភិវឌ្ឍន៍ទីក្រុង ម្ចាស់ការសហការជាមួយបណ្តាស្ថាប័ន អង្គភាព ដើម្បីធ្វើសេនាធិការ បដិវាទកម្ម ដោយមានមូលដ្ឋានវិទ្យាសាស្ត្រ និងជាក់ស្តែងដែលមានលក្ខណៈយុទ្ធសាស្ត្រ។ ក្នុងនោះ ផ្តោតសំខាន់លើបណ្តាបញ្ហាធំ ថ្មី ពិបាក ស្មុគស្មាញដែលមានលក្ខណៈជាប្រព័ន្ធនៃផ្នែកនិងវិស័យនីមួយៗ ដែលកើតចេញពីការអនុវត្តជាក់ស្តែង ដើម្បីធ្វើការស្រាវជ្រាវ វិភាគ និងស្នើឡើងនូវដំណោះស្រាយដែលមានលក្ខណៈយុទ្ធសាស្ត្រ។

ថ្នាក់ដឹកនាំគណៈឃោសនាអប់រំនៃគណៈកម្មាធិការបក្សទីក្រុង
ថ្លែងយោបល់ក្នុងកិច្ចប្រជុំ។

ទន្ទឹមនឹងនោះ បានផ្តល់យោបល់លើខ្លឹមសារស្រាវជ្រាវមួយចំនួនដូចជា៖ អាទិភាពស្រាវជ្រាវបណ្តាបញ្ហាដែលកើតឡើងអំពីការចាត់តាំង និងសកម្មភាពនៃប្រព័ន្ធនយោបាយក្រោយពីរួមបញ្ចូល ពិសេសគឺបណ្តាអង្គភាពបម្រើបុព្វហេតុអប់រំ សុខាភិបាល ការងារចលនាមហាជនដែលផ្ទេរទៅរណសិរ្ស; ស្រាវជ្រាវទំនាក់ទំនងរវាងការរៀបចំប្រព័ន្ធគ្រប់គ្រងក្នុងការធ្វើវិមជ្ឈការ វិសហមជ្ឈការ ការកំណត់ភារកិច្ច និងការផ្តល់ធនធាន ដើម្បីឱ្យប្រព័ន្ធនយោបាយដំណើរការបានល្អប្រសើរជាងមុន; ស្រាវជ្រាវផ្លាស់ថ្មីវិធីសាស្ត្រដឹកនាំផ្សារភ្ជាប់ជាមួយនឹងការលើកកម្ពស់គុណភាពកសាង ប្រកាស និងចាត់តាំងអនុវត្តបណ្តាគោលការណ៍ សេចក្តីសម្រេចចិត្តឱ្យបានឆាប់ចូលក្នុងជីវភាពរស់នៅ; គប្បីពង្រីកតួនាទីស្រាវជ្រាវ ផ្តល់ការប្រឹក្សា និងបដិវាទកម្មគោលនយោបាយ; កៀរគរបណ្តាអ្នកជំនាញ អ្នកវិទ្យាសាស្ត្រចូលរួមស្រាវជ្រាវ ផ្តល់ការប្រឹក្សា បដិវាទកម្ម ដើម្បីមានមូលដ្ឋានវិទ្យាសាស្ត្រ និងមូលដ្ឋានជាក់ស្តែងបន្ថែមទៀតសម្រាប់គណៈអចិន្រ្តៃយ៍ និងគណៈប្រតិបត្តិការបក្ខភាគទីក្រុង ចេញសម្រេចចិត្តឱ្យបានត្រឹមត្រូវ; សហការជាមួយបណ្តាស្ថាប័នចុះមូលដ្ឋាន ដើម្បីស្រាវជ្រាវឆ្លុះបញ្ចាំងជិតស្និទ្ធនឹងតថភាពជាក់ស្តែង; ស្រាវជ្រាវធ្វើសេនាធិការជូនថ្នាក់ដឹកនាំទីក្រុងចង្អុលការអនុវត្តកំណើនសេដ្ឋកិច្ច និងលើកកម្ពស់ជីវភាពរស់នៅរបស់ប្រជាជន; មានដំណោះស្រាយផ្លាស់ថ្មីនិងលោតផ្លោះលើវិស័យទេសចរណ៍; ស្រាវជ្រាវលើប្រធានបទអំពីកសិកម្ម បរិស្ថាន និងការប្រែប្រួលអាកាសធាតុ។

សមាជិកគណៈស្រាវជ្រាវអភិវឌ្ឍន៍ទីក្រុង ថ្លែងយោបល់ក្នុងកិច្ចប្រជុំ។

បណ្តាសមាជិកគណៈស្រាវជ្រាវអភិវឌ្ឍន៍ទីក្រុង បានផ្តល់ព័ត៌មានអំពីលទ្ធផលនៃការស្រាវជ្រាវខ្លឹមសារមួយចំនួន។ ទន្ទឹមនឹងនោះ បានស្នើឱ្យគណៈចាត់តាំងមជ្ឈិមត្រូវមានសេចក្ដីកំណត់ជាក់លាក់អំពីមុខងារ ភារកិច្ច និងរចនាសម្ព័ន្ធអង្គភាពសកម្មភាពរបស់គណៈស្រាវជ្រាវអភិវឌ្ឍន៍ឱ្យបានឯកភាពគ្នានៅបណ្តាខេត្ត ទីក្រុង។ សំណូមពរថ្នាក់ដឹកនាំទីក្រុងឆាប់ប្រកាស លក្ខន្តិកៈសហការជាមួយបណ្តាស្ថាប័នដើម្បីអនុវត្តល្អភារកិច្ច; ប្រកាសផែនការសកម្មភាពរបស់គណៈ ក៏ដូចជាបណ្តាក្រុម ព្រមទាំងបណ្តាដំណោះស្រាយដើម្បីបំពេញភារកិច្ចឱ្យបានល្អ; យកចិត្តទុកដាក់អនុវត្តរបបគោលនយោបាយ។

លោកដុងវ៉ាំងថាញ សមាជិកគណៈប្រតិបត្តិការមជ្ឈិមបក្ស អនុលេខាប្រចាំការនៃគណៈកម្មាធិការបក្សទីក្រុង ប្រធានក្រុមប្រឹក្សាប្រជាជនទីក្រុងកឹងធើ ថ្លែងការណ៍ក្នុងអង្គប្រជុំ។

ថ្លែងការណ៍ក្នុងអង្គប្រជុំ លោកដុងវ៉ាំងថាញ បានកត់សម្គាល់នូវបណ្តាលទ្ធផលជំហានដំបូងក្នុងកិច្ចបំពេញភារកិច្ចរបស់បណ្តាសមាជិកគណៈស្រាវជ្រាវអភិវឌ្ឍន៍ទីក្រុង ក៏ដូចជាបណ្តាលំបាក និងសំណូមពរនានា។ ទន្ទឹមនឹងនោះ លោកបានសំណូមពរបណ្តាសមាជិកគណៈស្រាវជ្រាវអភិវឌ្ឍន៍ទីក្រុងផ្តោតការស្រាវជ្រាវលើភារកិច្ចស្នូលនៃឆ្នាំ ២០២៦ គឺការសម្រេចកំណើនសេដ្ឋកិច្ច ការផ្តល់ផ្ទេរទុនវិនិយោគរដ្ឋ ការប្រមូលថវិការដ្ឋ អត្រាគ្រួសារក្រីក្រ ព្រមទាំងបណ្តាទិសដៅអភិវឌ្ឍន៍សេដ្ឋកិច្ច - សង្គម ការពារជាតិ - សន្តិសុខ និងកសាងបក្ស។ គណៈត្រូវចាត់តាំងតាមក្រុម ឬសមាជិកម្នាក់ៗតាមដាន ធ្វើសេនាធិការស្នើថ្នាក់ដឹកនាំចង្អុលការអនុវត្តឱ្យសម្រេចបណ្តាទិសដៅ និងសេចក្តីសម្រេចចិត្ត។

អនុលេខាប្រចាំការនៃគណៈកម្មាធិការបក្សទីក្រុង បានសំណូមពរការិយាល័យគណៈកម្មាធិការបក្សទីក្រុងសហការជាមួយបណ្តាអង្គភាពឆាប់ធ្វើឱ្យសម្រេច និងប្រកាសលក្ខន្តិកៈសកម្មភាពរបស់គណៈ លក្ខន្តិកៈសហការដើម្បីផ្សព្វផ្សាយអនុវត្តភារកិច្ចឱ្យមានប្រសិទ្ធភាព; គណៈត្រូវកសាង ប្រកាសផែនការសកម្មភាព ហើយយោងលើមូលដ្ឋាននោះ បណ្តាក្រុមត្រូវបែងចែកភារកិច្ចជាក់លាក់ដល់សមាជិកម្នាក់ៗ។ គណៈត្រូវធ្វើសេនាធិការអនុវត្តបណ្តាភារកិច្ចស្នូល និងភារកិច្ចថ្មីៗដែលទើបកើតមានឡើង; រាយការណ៍ពីដំណើរការអនុវត្ត ក៏ដូចជាបណ្តាលំបាក ដើម្បីឱ្យថ្នាក់ដឹកនាំចង្អុលការ និងការស្រាវជ្រាវត្រូវតែមានផលិតផលជាក់លាក់បានកត់សម្គាល់; ត្រូវមានស្មារតីទទួលខុសត្រូវរួមក្នុងការស្នើបណ្តាដំណោះស្រាយអនុវត្តផលិតផលឱ្យមានប្រសិទ្ធភាពខ្ពស់៕

ង៉ុកក្វៀង - ថាច់ធី

ចែករំលែកអត្ថបទ

ពាក្យគន្លឹះ