គោលនយោបាយ -ការរស់នៅ ការរស់នៅ

23/09/2026 - 05:45

គោលនយោបាយបើកទិសដៅជូនជនរួមជាតិខ្មែរឈានឡើងក្នុងជីវភាព

នៅពេលគោលនយោបាយជនជាតិបានវិនិយោគត្រឹមត្រូវ លទ្ធផលគឺផ្ទះសម្បែងរឹងមាំ ទម្រង់ផលិត មានប្រសិទ្ធភាព នាំមកនូវប្រភពចំណូលលំនឹងរួមចំណែកធ្វើឱ្យទិដ្ឋភាពជនបទតំបន់ជនជាតិខ្មែរនៅខេត្តកាម៉ាវ កាន់តែស្រស់បំព្រង។

ទម្រង់ដាំបន្លែបង្ការបានជួយមាមីងខ្មែរនៅឃុំហឹងហោយ ឈានឡើងក្នុងជីវភាព។

កាលពីមុន ផ្ទៃដីនៅភូមិដៃតានី ឃុំហឹងហោយ តែងតែរងការជ្រាបជាតិប្រៃ ធ្វើឱ្យប្រជាជនជួបការលំបាកច្រើនក្នុងការផលិត។ គ្រួសារលោក ស៊ើងតាយ ក៏ជាគ្រួសារមួយក្នុងចំណោមគ្រួសារដែលរងផលប៉ះពាល់។ តាំងពីពេលរដ្ឋបានវិនិយោគកសាងលូទប់ស្កាត់ទឹកប្រៃ ផ្ដល់ប្រភពទឹកសាប ដូច្នេះមាមីងក៏បង្កបង្កើនផលមានប្រសិទ្ធភាព។ ជាមួយនឹងភាពឧស្សាហ៍ព្យាយាមនិងបានរដ្ឋអំណាចឧបត្ថម្ភឱ្យបុលទុន ៤០ លានដុង លោកស៊ើង តាយ មានឱកាសដើម្បីអភិវឌ្ឍការផលិត។ ពិសេសពេលបានចូលរួមវគ្គហ្វឹកហ្វឺនបច្ចេកទេស លោកក៏បានកែប្រែដី ប្ដូរមកដាំបន្លែបង្ការមានប្រសិទ្ធភាព។ លោកស៊ើងតាយ ឱ្យដឹង៖ “កាលពីមុន តំបន់ដីនេះ មាមីងដាំបន្លែបង្ការមិនបានដោយសាររងការជ្រាបជាតិប្រៃ ពេលរដ្ឋវិនិយោគប្រព័ន្ធធារាសាស្ត្រ គឺមាមីងបានផ្តោតលើការដាំបន្លែ ធ្វើស្រែមានប្រសិទ្ធ ភាព ទើបជីវភាពបានធូរធារឡើង។ បច្ចុប្បន្ន ខ្ញុំកំពុងប្រមូលផលត្រសក់ជិត ២,៥ កុង ក្នុងមួយថ្ងៃៗប្រមូលបានពី ២០០-៣០០ គីឡូក្រាម ចំ ណែកដីស្រែ ២,៥ ហិកតាក៏ជិតដល់ពេលប្រមូលផល។ អាស្រ័យការផលិតមានប្រសិទ្ធភាព ទើបគ្រួសារមានចំណូលលំនឹង សាងសង់បានផ្ទះសម្បែង សមរម្យ និងគិតគូរឱ្យកូនៗរៀនសូត្របានត្រឹមត្រូវ”។

ប្រសិនបើប្រភពដើមទុននិងបច្ចេកទេស ជួយគ្រួសារប្រជាជនជាច្រើនអភិវឌ្ឍការរកស៊ីចិញ្ចឹមជីវិត នោះគោលនយោបាយឧបត្ថម្ភផ្ទះសម្បែងវិញ ក៏ បានផ្តល់ក្តីទំនុកចិត្តបន្ថែមដល់គ្រួសារទាំងឡាយដែលមានស្ថានភាពក្រលំបាក។ នៅឆ្នាំ ២០២៣ គ្រួសារលោក តូហ្វាងវ៉ាំង នៅភូមិកៃយ៉ា បានរដ្ឋឧបត្ថម្ភថវិកាចំនួន ៥០ លានដុងរួមនឹងប្រាក់សន្សែ សន្សំរបស់គ្រួសារ លោកសង់បានផ្ទះថ្មី ជំនួសឱ្យផ្ទះប្រក់ស័ង្កសីដែលទ្រុឌទ្រោម។ លោកវ៉ាំង សំ ណេះសំណាល៖ “មិនត្រឹមតែបានឧបត្ថម្ភសង់ផ្ទះរឹងមាំប៉ុណ្ណោះទេ ខ្ញុំនៅទាំងបានឧបត្ថម្ភដើមទុនដាំដំណាំរួមផ្សំ ដូច្នេះខ្ញុំខិតខំធ្វើការរកស៊ីដើម្បីឱ្យមានប្រាក់ចំណូល។ អាស្រ័យមានគោលនយោបាយឧបត្ថម្ភទាន់ពេល បានផ្ដល់ជាកម្លាំងចិត្តដើម្បីឱ្យគ្រួសារខ្ញុំជាជំហានៗ ចាកផុតពីភាពក្រីក្រនិងលំនឹងជីវភាព”។

ផ្តើមពីប្រសិទ្ធភាពជាក់ស្តែងរបស់លោក តូហ្វាង វ៉ាំង និងលោកស៊ើងតាយ បង្ហាញឱ្យឃើញថា គោលនយោបាយមិនឈប់ត្រឹមការឧបត្ថម្ភចំពោះមុខប៉ុណ្ណោះទេ នៅទាំងបង្កជាមូលដ្ឋានគ្រឹះដើម្បីឱ្យប្រជាជនមានជីវភាពលំនឹង អភិវឌ្ឍការរកស៊ីចិញ្ចឹមជីវិត និងចាកផុតពីភាពក្រីក្រដោយចីរភាព។ ជាពិសេស គោលនយោបាយមិនត្រឹមតែរួមចំណែកលើកកម្ពស់ជីវភាពសម្ភារៈនិងស្មារតី ថែមទាំងពង្រឹងទំនុកចិត្តរបស់ជនរួមជាតិខ្មែរចំពោះគោលការណ៍របស់បក្ស គោលនយោបាយនិងច្បាប់របស់រដ្ឋ។ លោកគីទ្រុងង៉ៀ អនុប្រធានគណៈកម្មាធិការប្រជាជនឃុំហឹងហោយ បានឱ្យដឹង៖ “ផ្ដើមពីប្រភពធនធាននៃកម្មវិធីនានានិងគោលនយោបាយជនជាតិ ភូមិភាគជាជំហានៗបានធ្វើឱ្យសុក្រឹតនូវហេដ្ឋារចនា សម្ព័ន្ធ ឧបត្ថម្ភដើមទុនផលិត បង្កលក្ខណៈសម្រាប់ប្រជាជនអភិវឌ្ឍសេដ្ឋកិច្ច បង្កើនប្រាក់ចំណូល។ អាស្រ័យហេតុនោះ មកដល់ពេលនេះ អត្រាគ្រួសារក្រីក្រក្នុងជនជាតិភាគតិចរបស់ឃុំ នៅសល់ត្រឹមតែ ០,៥៣% ប៉ុណ្ណោះ”។

ផ្ដើមពីការឧបត្ថម្ភដើមទុនរហូតដល់សាងសង់ផ្ទះថ្មី បានបង្ហាញឱ្យឃើញថា ពេលគោលនយោបាយជំនួយចំមុខសញ្ញា ចំតម្រូវការនឹងក្លាយជាបង្អែកដ៏រឹងមាំដើម្បីឱ្យជនរួមជាតិខ្មែរឈានឡើង រួមចំណែកធ្វើឱ្យទិដ្ឋភាពជនបទតំបន់ជនជាតិភាគតិចនៅខេត្តកាម៉ាវកាន់តែស្រស់បំព្រង៕

យ្វីអាញ - មេងលី

ចែករំលែកអត្ថបទ

ពាក្យគន្លឹះ