ខែកក្កដាមកដល់ ក្នុងចិត្តរបស់ប្រជាជនវៀតណាមគ្រប់រូប តែងមាននូវក្ដីរំភើប និងសេចក្តីដឹងគុណយ៉ាងជ្រាលជ្រៅចំពោះវីរជន យុទ្ធជនពលី យុទ្ធជនពិការ និងយុទ្ធជនជំងឺ - អ្នកដែលបានបរិច្ចាក​យុវវ័យ សាច់ស្រស់ឈាមស្រស់ ដើម្បីឱ្យប្រទេសជាតិមានសន្តិភាព ឯករាជ្យ និងមានជីវភាពសុខសាន្តដូចសព្វថ្ងៃនេះ។

ពង្រីកប្រពៃណី “ផឹកទឹកនឹកប្រភព” គណៈកម្មាធិការបក្សគ្រប់ថ្នាក់ ផ្នែកនៅទីក្រុងកឹងធើ តែងយកចិត្តទុកដាក់គិតគូរជូនគ្រួសារគោលនយោបាយ និងអ្នកមានសគុណចំពោះបដិវត្តន៍ តាមរយៈសកម្មភាពអត្ថន័យនិងជាក់ស្តែងជាច្រើន។ ប្រការនេះមិនត្រឹមតែជួយឱ្យគ្រួ​សារ​គោល​នយោបាយ និងអ្នកមានសគុណជម្នះបានការលំបាកប៉ុណ្ណោះទេ ប៉ុន្តែថែមទាំងជាស្ពានតភ្ជាប់យ៉ាងរឹងមាំ ពង្រឹងក្តីជំនឿដ៏ស្មោះស្ម័គ្រចំពោះបក្ស និងរដ្ឋផងដែរ។

អត្ថបទទី១៖ “ផឹកទឹកនឹកប្រភព”

ផ្ទះមួយខ្នងស្ថិតនៅក្នុងផ្លូវលំដ៏តូចមួយរបស់អ្នកម្តាយវៀតណាមវីរភាព ង្វៀង ធីឡាញ់ នៅមណ្ឌល ៥ សង្កាត់តឹងអាង នាថ្ងៃចុងសប្តាហ៍មានភាពអ៊ូអរដោយសំឡេងជជែក សើចក្អាក់ក្អាយរបស់សិស្សានុសិស្សនៃវិទ្យាល័យអាងខាញ់មកសួរសុខទុក្ខអ្នកម្តាយ។ ខណៈពេលជំនាន់កើតក្នុងសម័យសន្តិភាព បានលង់អារម្មណ៍ស្តាប់រឿងរ៉ាវអំពីស្មារតីស្មោះស្ម័គ្រ និងការលះបង់របស់គ្រួសារអ្នកម្តាយ មិនត្រឹមតែជាដំណើរសួរសុខទុក្ខប៉ុណ្ណោះទេ ប៉ុន្តែជាមេរៀនមួយដ៏រស់រវើកអំពីទឹកចិត្តស្នេហាជាតិ និងសីលធម៌ “ផឹកទឹកនឹកប្រភព” ទៀតផង។

លម្អបន្ថែមប្រពៃណី “តបស្នងសងគុណ”

ស្លាកស្នាមពេលវេលាបានបន្សល់ទុកលើសក់ស្កូវ និងដៃស្គាំងស្គមរបស់អ្នកម្តាយវៀតណាមវីរភាព ង្វៀន ធីឡាញ់។ ក្នុងជន្មាយុ ៩៤ ឆ្នាំ ការចងចាំអំពីសង្គ្រាមបានក្លាយជាបំណែកខ្លះជាប់គ្នា ខ្លះដាច់ពីគ្នា។ ថ្វីដ្បិតតែដូច្នោះ ជាមួយកូនចៅ ឬនៅពេលដែលសម្ព័ន្ធយុវជន និងសិស្សានុសិស្សមកសួរសុខទុក្ខ អ្នកម្តាយតែងតែផ្តាំផ្ញើថា៖ “ត្រូវរៀនសូត្រឱ្យបានត្រឹមត្រូវ រស់នៅឱ្យបានល្អ ចេះស្រឡាញ់ប្រទេសជាតិ និងក្លាយជាមនុស្សដែលមានប្រយោជន៍”។ បណ្តាំដ៏សាមញ្ញនោះ ហាក់ដូច​ទទួលនូវភាព​ទុក្ខសោក និងការបាត់បង់ក្នុងមួយឆាកជីវិត ផ្តាំផ្ញើក្តីជំនឿទៅកាន់ជំនាន់បន្តវេន។

កម្មាភិបាលសង្កាត់ និងលោកគ្រូ អ្នកគ្រូ សិស្សានុសិស្សនៃវិទ្យាល័យអាងខាញ់ បានមកសួរសុខទុក្ខ និងជូនអំណោយដល់អ្នកម្តាយវៀតណាមវីរភាព ង្វៀង ធីឡាញ់ ក្នុងឱកាសអនុស្សាវរីយ៍ ៧៩ ឆ្នាំទិវាយុទ្ធជនពិការ - ពលី។

រៀងរាល់ខែ ប្អូន ង្វៀងមិញថាយ - សិស្សថ្នាក់ទី ១២ នៃវិទ្យាល័យអាងខាញ់ តែងតែមកសួរសុខទុក្ខ និងនិយាយលេងជាមួយអ្នកម្តាយ។ អ្នកម្តាយក៏ស្រឡាញ់ និងរាប់អានមិញថាយ ដូចជាកូនចៅក្នុងគ្រួសារដែរ។ “សម្ព័ន្ធយុវជនសាលា បានទទួលចិញ្ចឹមបីបាច់អ្នកម្តាយអស់មួយជីវិត។ ប្អូនៗបានរៀបចំប្តូរវេនសាខាសម្ព័ន្ធយុវជនតាមថ្នាក់នីមួយៗមកសួរសុខទុក្ខ និង​ជូនអំណោយដល់អ្នកម្តាយរៀងរាល់ខែ។ ដោយឡែកប្អូនផ្ទាល់ បានចាត់ទុកអ្នកម្តាយដូចជា​លោក​យាយដ៏គួរឱ្យគោរព តែងតែឆ្លៀតពេលមកសួរសុខទុក្ខ។ ព្រោះនេះមិនត្រឹមតែជាឱកាសសម្រាប់យុវជនបានស្តាប់ពីប្រវត្តិសាស្ត្រប៉ុណ្ណោះទេ ប៉ុន្តែថែមទាំងជាការបន្តប្រពៃណីសីលធម៌ដ៏ប្រពៃរបស់ប្រជាជាតិផងដែរ” - មិញថាយបានរៀបរាប់ដូច្នេះ។

តាមអ្នកគ្រូ ង្វៀង ង៉ុកធ្វីវី គ្រូបង្រៀនមុខវិជ្ជាប្រវត្តិសាស្ត្រនៃវិទ្យាល័យអាងខាញ់ មេរៀនអំពីប្រពៃណីប្រវត្តិសាស្ត្រនឹងមានភាពរស់រវើកជាងនៅពេលសិស្សបានមកជួបសំណេះសំណាល និងស្តាប់ការរៀបរាប់ពីសាក្សីផ្ទាល់។ “ការបានជួបសំណេះសំណាលជាមួយអ្នកម្តាយ គឺជាម៉ោងសិក្សាប្រវត្តិសាស្ត្រដ៏ពិសេសមួយ ជួយឱ្យសិស្សមានអារម្មណ៍ស៊ីជម្រៅជាងអំពីតម្លៃនៃសន្តិភាព និងការលះបង់របស់ជំនាន់មុន។ ផ្តើមពីនោះ​ ប្អូនៗចេះស្រឡាញ់បច្ចុប្បន្ន មានកម្លាំងចិត្តក្នុងការសិក្សារៀនសូត្រ លត់ដំនិងលើកកម្ពស់ស្មារតីទទួលខុសត្រូវចំពោះមាតុភូមិ និងប្រទេសជាតិ”។ ប្អូន ង្វៀង ថាញ់ង៉ុកយ៉ាវ សិស្សថ្នាក់ទី ១១ នៃវិទ្យាល័យអាងខាញ់ បានបន្តថា៖ “តាមរយៈការរៀបរាប់របស់អ្នកម្តាយ ប្អូនកាន់តែស្រឡាញ់ប្រវត្តិសាស្ត្រជាតិ។ ប្អូនមានបំណងប្រាថ្នាចង់ក្លាយជាគ្រូបង្រៀនប្រវត្តិសាស្ត្រ ដើម្បីបញ្ជូន “ភ្លើង” ស្នេហាជាតិទៅកាន់ជំនាន់ក្រោយ”។

លោកស្រី ត្រឹង ធីគឹមកឿង - កូនស្រីទី ៤ របស់អ្នកម្តាយ បានរៀបរាប់ដោយក្តីរំភើប៖ “ម្តាយខ្ញុំមានកូន ៥ នាក់ កូនប្រុស ៣ នាក់ និងប្តីបានពលីទាំងអស់ក្នុងសង្គ្រាមតស៊ូប្រឆាំងអាមេរិកសង្គ្រោះជាតិ ក្នុងនោះមាន ២ នាក់មិនទាន់រកឃើញអដ្ឋិធាតុនៅឡើយ។ ម្តាយក៏បានចូលរួមបដិវត្តន៍ និងបានប្រទានសញ្ញាលក្ខណ៍អាយុបក្ស៥៥ឆ្នាំ នៅឆ្នាំ ២០២៣។ រៀងរាល់ខែ និងក្នុងឱកាសបុណ្យ ទិវាអនុស្សាវរីយ៍នានា ក្រុមគណៈប្រតិភូថ្នាក់ដឹកនាំ សម្ព័ន្ធយុវជន និងសិស្សានុសិស្សតែងមកសួរសុខទុក្ខ ជួយឱ្យអ្នកម្តាយមានភាពកក់ក្តៅក្នុងចិត្ត រស់នៅដោយសប្បាយរីករាយ និងមានសុខភាពល្អ”។

“ដំណើររំលឹកនឹកគុណ” អាស្រ័យគណៈយុវជននគរបាលក្រុងកឹងធើ ចាត់តាំងឡើងនៅឃុំនានាមានដូច៖ ឡុងហ៊ឹង, មីទូ, មីភឿក នាពាក់កណ្តាលខែកក្កដា ឆ្នាំ ២០២៦ បានបន្សល់ទុកនូវមនោសញ្ចេតនាកក់ក្តៅជាច្រើនចំពោះគ្រួសារគោលនយោបាយ និងអ្នកមានគុណចំពោះបដិវត្តន៍។ យុវរជននគរបាលក្រុងបានប្រគល់ផ្ទះមហាសាមគ្គី ១ ខ្នង និងជូនអំណោយ ១០០ ចំណែកដល់គ្រួសារគោលនយោបាយ; ពិនិត្យជំងឺជូនអ្នកម្តាយវៀតណាមវីរភាព។ លោក ឡេ វ៉ាំងយ័ញ នៅភូមិអា២ ឃុំឡុងហ៊ឹង បានចែករំលែក៖ “ខ្ញុំបានចូលរួមបដិវត្តន៍នៅឆ្នាំ ១៩៧៤ ធ្វើជាបុគ្គលិកសន្តិសុខនៅភូមិ។ ក្រោយពីរំដោះ គ្រួសារខ្ញុំភាគច្រើនធ្វើការឈ្នួលដើម្បីចិញ្ចឹមជីវិត។ ដោយបានការយកចិត្តទុកដាក់ពីរដ្ឋអំណាចភូមិភាគ ខ្ញុំបានឧបត្ថម្ភប័ណ្ណធានារ៉ាប់រងសុខភាព និងលំនៅឋាន។ គណៈកម្មាធិការគ្រប់ថ្នាក់ គ្រប់ផ្នែក តែងតែមកសួរសុខទុក្ខ និងជូនអំណោយនាឱកាសបុណ្យ ទិវាអនុស្សាវរីយ៍នានា... ការយកចិត្តទុកដាក់ និងគិតគូរជីវភាពសម្ភារៈ និងស្មារតីបានទាន់ពេលពីគណៈ ផ្នែក និងអង្គការមហាជន មិនត្រឹមតែជួយឱ្យគ្រួសារខ្ញុំជម្នះបានការលំបាកប៉ុណ្ណោះទេ ប៉ុន្តែថែមទាំងជាស្ពានតភ្ជាប់យ៉ាងរឹងមាំ ពង្រឹងជំនឿជាក់ដ៏ស្មោះស្ម័គ្រចំពោះបក្ស និងរដ្ឋផងដែរ”។

ចាប់តាំងពីដើមឆ្នាំ ២០២៦ មកទល់ពេលនេះ យុវជននគរបាលក្រុងកឹងធើ បានអនុវត្តសកម្មភាពស្ម័គ្រចិត្តដើម្បីសហគមន៍ និងសុខុមាលភាពសង្គមជាង ២០០ សកម្មភាព មានដូច៖ កម្មវិធីជួយឧបត្ថម្ភសាងសង់ផ្ទះ សកម្មភាពសួរសុខទុក្ខ ជូនអំណោយដល់គ្រួសារគោលនយោបាយ អ្នកម្តាយវៀតណាមវីរភាព យុទ្ធជនពិការ យុទ្ធជនជំងឺ និងអ្នកមានសគុណចំពោះបដិវត្តន៍ ប្រជាជនដែលមានជីវភាពលំបាក ដោយតម្លៃសរុបជិត ២,៥ ពាន់លានដុង។

បន្តឧត្តមគតិបរិច្ចាគ

មកសួរសុខទុក្ខគ្រួសារអ្នកម្តាយវៀតណាមវីរភាព ង្វៀង ធីង៉ីប (អាយុ៩៩ឆ្នាំ) នៅភូមិ ៣ ឃុំតឹងហូកើ ខេត្តដុងថាប ក្រុមនិស្សិតនៃសាកលវិទ្យាល័យណាមកឹងធើ បានប្រគល់ដោយផ្ទាល់ដៃរូបថត ២ សន្លឹករបស់អ្នកម្តាយ និងយុទ្ធជនពលី ង្វៀង វ៉ាំងឡើយ - កូនរបស់អ្នកម្តាយ ង្វៀន ធីងៀប។ រូបថតទាំងពីរសន្លឹកបាននិស្សិតស្តារឡើងវិញ បោះពុម្ព និងដាក់ស៊ុមយ៉ាងប្រណីត។ ស្ទាបអង្អែលរូបថតកូនប្រុសដែលបានពលីក្នុងសង្គ្រាមតស៊ូប្រឆាំងអាមេរិក ទឹកភ្នែករបស់អ្នកម្តាយស្រាប់តែរលីមរលាម មានអារម្មណ៍ហាក់ដូចជាបានជួបកូនដែលបានពលីយ៉ាងក្លាហានដើម្បីឯករាជ្យ និងសេរីភាពនៃមាតុភូមិម្តងទៀតបន្ទាប់ពីបែកគ្នាយ៉ាងយូរឆ្នាំ។ ចំពោះអ្នកម្តាយ នោះគឺជាវត្ថុអនុស្សាវរីយ៍មិនអាចកាត់ថ្លៃបាន រក្សានូវរូបរបស់កូនប្រុសជាទីស្រឡាញ់ ជួយឱ្យការចងចាំដ៏ពិសិដ្ឋបានបង្ហាញខ្លួនយ៉ាងច្បាស់ម្តងទៀត។

គណៈយុវជននគរបាលក្រុងកឹងធើ ចាត់តាំង “ដំណើររំលឹកនឹកគុណ” ដោយមានសកម្មភាពសួរសុខទុក្ខ និងជូនអំណោយដល់គ្រួសារគោលនយោបាយ និងអ្នកមានសគុណចំពោះបដិវត្តន៍នៅឃុំឡុងហ៊ឹង។

លោកស្រី ង្វៀង ធីមីហាញ់ - កូនស្រីទី ៦ របស់អ្នកម្តាយ បានរៀបរាប់៖ “ម្តាយខ្ញុំមានកូន ៨ នាក់ ក្នុងនោះកូនប្រុស ៣ នាក់បានពលីយ៉ាងក្លាហានក្នុងសង្គ្រាមតស៊ូប្រឆាំងអាមេរិក។ នៅពេលទទួលរូបថត គ្រួសារខ្ញុំមានក្ដីរំភើបយ៉ាងខ្លាំងចំពោះទឹកចិត្ត ការយកចិត្តទុកដាក់ និងអំពើគុណធម៌ដ៏ប្រពៃរបស់ប្អូនៗនិស្សិត។

ប្អូន ង្វៀង ក្វឹកខាង និស្សិតមហាវិទ្យាល័យសារគមនាគមន៍ពហុប្រព័ន្ធ ប្រធានសាខាសមាគមនិស្សិតខេត្តដុងថាប (សាកលវិទ្យាល័យណាមកឹងធើ) បានឱ្យដឹង៖ “ក្នុងដំណើរចុះសួរសុខទុក្ខគ្រួសារគោលនយោបាយ ខ្ញុំបានឃើញរូបថតរបស់យុទ្ធជនពលីជាច្រើនដែលគ្រួសារគោរពបូជា មានការខូចខាត។ ខ្ញុំបានគិតដល់ការប្រើប្រាស់បច្ចេកវិទ្យាឌីជីថលដើម្បីស្តាររូបថតរបស់យុទ្ធជនពលីឡើងវិញ ជួយឱ្យគ្រួសារគោលនយោបាយបន្ថយការនឹករលឹកដល់សាច់ញាតិ”។ ចេញពីអត្ថន័យនោះ ចាប់តាំងពីឆ្នាំ ២០២៥ មកទល់ពេលនេះ ក្រុមមហាវិទ្យាល័យគ្រប់គ្រងពាណិជ្ជកម្ម - ទីផ្សារ និងសាខាសមាគមនិស្សិតខេត្តដុងថាប បានសហការជាមួយគណៈ​កម្មា​ធិការសម្ព័ន្ធយុវជនឃុំតឹងហូកើ ខេត្តដុងថាប ត្រួតពិនិត្យនិងស្តាររូបថតយុទ្ធជនពលីបានចំនួន ៤៥ សន្លឹក ប្រគល់ជូនគ្រួសារគោលនយោបាយ។

អំណរអនុស្សាវរីយ៍ទិវាយុទ្ធជនពិការ - ពលី ចាប់ពីចុងខែមិថុនា ឆ្នាំ២០២៦ គណៈអចិន្ត្រៃយ៍នៃសម្ព័ន្ធយុវជនក្រុងបានបំផុសនូវគម្រោងផ្សព្វផ្សាយរឿងរ៉ាវប្រវត្តិសាស្ត្រ ក្រោមប្រធានបទ “រឿងរ៉ាវសម័យភ្លើងសង្គ្រាម”។ មកទល់ពេលនេះ យុវជនក្រុងបានផលិតជា ២០.០០០ វីដេអូ, infographic, រូបភាពអំពីសាក្សី កេរដំណែលប្រវត្តិសាស្ត្រ - វប្បធម៌ រឿងរ៉ាវប្រវត្តិសាស្ត្រ និងព័ត៌មានអំពីវីរជន យុទ្ធជនពលីជិត... បានចុះផ្សាយនិងបង្ហោះលើបណ្តាញឌីជីថលនានា។ គម្រោង​នេះបានរួមចំណែកអប់រំប្រពៃណីស្នេហាជាតិ បំប៉ន់ឧត្តមគតិបដិវត្តន៍សម្រាប់ជំនាន់​យុវវ័យ។ នេះក៏ជាស្ពានតភ្ជាប់ដើម្បីឱ្យយុវជនយល់ដឹងកាន់តែស៊ីជម្រៅអំពីតម្លៃនៃសន្តិភាព ផ្តើមពីនោះបន្តប្រពៃណីតាមរយៈសកម្មភាពជាក់ស្តែងក្នុងការសិក្សា ពលកម្ម ស្ម័គ្រចិត្ត និងការបរិច្ចាគដើម្បីមាតុភូមិ និងប្រទេសជាតិ។

អនុវត្តការចលនា “តបស្នងសងគុណ” ចាប់តាំងពីដើមឆ្នាំ ២០២៦ មកទល់ពេលនេះ សម្ព័ន្ធយុវជនគ្រប់ថ្នាក់នៅទីក្រុងកឹងធើ បានចាត់តាំងសួរសុខទុក្ខ និងជូនអំណោយជាង ១.០០០ ចំណែកដល់គ្រួសារគោលនយោបាយ និងអ្នកមានសគុណចំពោះបដិវត្តន៍។ ទន្ទឹមនឹងនោះ ចាត់តាំងការពិនិត្យជំងឺ និងចែកថ្នាំដោយឥតគិតថ្លៃជូនប្រជាជនស្ថិតក្នុងក្របខណ្ឌ គ្រួ​សារ​គោល​នយោបាយ និងអ្នកមានជីវភាពលំបាកជាង ៣.០០០ លើកនាក់ ព្រមទាំងចាត់តាំងសកម្មភាពសុខុមាលភាពសង្គម នៅតាមឃុំព្រំដែន តំបន់ធ្លាប់ជាមូលដ្ឋានបដិវត្តន៍ និងតំ​បន់​ជនជាតិភាគតិចជាង ១៨០ លើក។

ក្រុមអ្នកយកព័ណ៌មានយោបាយ - វ៉ាន់តឹន

អត្ថបទទី២៖ បទបញ្ជាចេញពីបេះដូង