ព្រឹត្តិការណ៍ - នយោបាយ ព្រឹត្តិការណ៍

25/07/2026 - 21:49

ខេត្តកាម៉ាវ៖ ប្រទានជូនកិត្តិនាម "អ្នកម្ដាយវៀតណាមវីរភាព" និងគ្រឿងឥស្សរិយយសតស៊ូដល់វីរយុទ្ធជនពលី

នារសៀលថ្ងៃទី ២៤ ខែកក្កដា ខេត្តកាម៉ាវ បានចាត់តាំងយ៉ាងមហោឡារិកពិធីប្រទានជូនកិត្តិនាមកិត្តិយសរដ្ឋ “អ្នកម្តាយវៀតណាមវីរភាព” និងប្រទានជូនគ្រឿងឥស្សរិយយសតស៊ូ ដល់វីរយុទ្ធជនពលីទាំងឡាយ ដែលបានលះបង់ដើម្បីបុព្វហេតុរំដោះប្រជាជាតិ។

អនុលេខាប្រចាំការនៃគណៈកម្មាធិការបក្សខេត្តកាម៉ាវ លោក ហ្វិញ ក្វឹកវៀត និងអនុប្រធានប្រចាំកានៃរក្រុមប្រឹក្សាប្រជាជនខេត្ត លោកស្រី ឡេ ធីញុង បានប្រគល់ជូនកិត្តិនាម “អ្នកម្ដាយវៀតណាមវីរភាព” ដល់សាច់ញាតិរបស់អ្នកម្តាយ វៀតណាមវីរភាពចំនួន ៤ រូប។

ការចាត់តាំងពិធីប្រទានជូននេះ សំដៅសម្តែងពីការទទួលស្គាល់ និងការលើកតម្កើងនូវការលះបង់ និងពលីកម្មដ៏ធំធេងរបស់អ្នកម្តាយវៀតណាមវីរភាព និងវីរយុទ្ធជនពលីទាំងអស់ចំពោះបុព្វហេតុរំដោះប្រជាជាតិ ឯកភាពទឹកដី។ ទន្ទឹមនឹងនោះ សម្តែងពីការដឹងគុណយ៉ាងជ្រាលជ្រៅរបស់បក្ស រដ្ឋ និងប្រជាជន ចំពោះអ្នកដែលមានសគុណចំពោះបដិវត្តន៍ និងគ្រួសារដែលមានសគុណចំពោះជាតិមាតុភូមិ។

មន្ទីរមហាផ្ទៃខេត្តកាម៉ាវ បានអនុម័តិបណ្តាសេចក្តីសម្រេចប្រទានជូនកិត្តិនាមកិត្តិយស។ អនុលេខាប្រចាំការនៃគណៈកម្មាធិការបក្ស លោក ហ្វិញ ក្វឹកវៀត និងអនុប្រធានប្រចាំការនៃក្រុមប្រឹក្សាប្រជាជនខេត្ត លោកស្រី ឡេ ធីញុង បានផ្តល់កិត្តិយសប្រគល់កិត្តិនាមកិត្តិយសរដ្ឋ “អ្នកម្ដាយវៀតណាមវីរភាព” ជូនដល់សាច់ញាតិរបស់អ្នកម្ដាយវៀតណាមវីរភាពចំនួន ៤ រូប ដែលបានប្រធានរដ្ឋប្រទានជូន រួមមាន៖ អ្នកម្តាយ ង្វៀង ធីហាង (ឃុំខាញ់ប៊ិញ), អ្នកម្តាយ ឌិញ ធីឡេ (ឃុំង្វៀងវៀតខាយ), អ្នកម្តាយ ង្វៀង ធីមឿយ (ឃុំខាញ់អាង) និងអ្នកម្តាយ ផាង ធីហៀង (សង្កាត់វិញត្រាច់)។ នេះគឺជាការទទួលស្គាល់ចំពោះការលះបង់ និងការបាត់បង់ដ៏ធំធេងរបស់អ្នកម្តាយ ក្នុងនោះ មានអ្នកម្តាយ ២ រូប មានប្តីនិងកូនជាយុទ្ធជនពលី និងអ្នកម្តាយ ២ រូបទៀត មានកូន ២ រូបជាយុទ្ធជនពលី។

ក្នុងឱកាសនេះដែរ គ្រឿងឥស្សរិយយសតស៊ូ ក៏បានប្រទានជូនដល់យុទ្ធជនពលីចំនួន ៨ រូប រួមមាន៖ យុទ្ធជនពលី ង្វៀង វ៉ាំងហ៊ុង និងយុទ្ធជនពលី វ៉ វ៉ាំងអាង (មានស្រុកកំណើតនៅឃុំអាងត្រាច់); យុទ្ធជនពលី ង្វៀង វ៉ាន់ក្វើយ (ឃុំហ្វាប៊ិញ); យុទ្ធជនពលី ង្វៀង ជីយុង (ឃុំតឹងធ្វឹង); យុទ្ធជនពលី ង្វៀង វ៉ាំងវៀត (សង្កាត់យ៉ារ៉ាយ); យុទ្ធជនពលី ត្រឹញ មិញឌឹក (ឃុំក្វាច់ផឹម); យុទ្ធជនពលី ង្វៀង វ៉ាំងណាំ (សង្កាត់លីវ៉ាំងឡាម) និងយុទ្ធជនពលី ត្រឹង វ៉ាំងតាវ (ឃុំភូតឹង)។ បណ្តាសំណុំឯកសារទាំងអស់បានពិនិត្យ និងវាយតម្លៃយ៉ាងម៉ត់ចត់តាមបទប្បញ្ញត្តិ មុននឹងលើកជូនប្រធានរដ្ឋសម្រេចប្រទានជូន។

ប្រទានជូនគ្រឿងឥស្សរិយយសតស៊ូដល់វីរយុទ្ធជនពលីទាំងឡាយ ដែលបានបូជាក្នុងបុព្វហេតុរំដោះប្រជាជាតិ។

ថ្លែងនៅក្នុងពិធីនេះ សមមិត្ត ឡេ វ៉ាំងស៊ឺ អនុប្រធានគណៈកម្មាធិការប្រជាជនខេត្តកាម៉ាវ បានសង្កត់ធ្ងន់៖ ទឹកដីកាម៉ាវ - កន្លែងចុងប៉ូចខាងត្បូងនៃមាតុភូមិ តែងមានមោទនភាពជាទឹកដីសម្បូរទៅដោយប្រពៃណីបដិវត្តន៍ មោះមុត និងមិនចុះញ៉ម។ ក្នុងសង្គ្រាមតស៊ូដ៏យូរអង្វែងពីរលើកប្រឆាំងអាណានិគម និងចក្រពត្តិឈ្លានពាន និងក្នុងភារកិច្ចការពារព្រំដែន អនុវត្តកាតព្វកិច្ចអន្តរជាតិដ៏ឧត្តុង្គឧត្តម កូនចៅឆ្នើមរាប់ម៉ឺននាក់នៃទឹកដីកាម៉ាវ និងនៅគ្រប់ទិសទីក្នុងទូទាំងប្រទេសជាតិ មិនបានស្តាយឈាមស្រស់សាច់ស្រស់ ហ៊ានប្រយុទ្ធ និងពលីជីវិតយ៉ាងក្លាហាន។ ដើម្បីទទួលបានឯករាជ្យ សេរីភាព សន្តិភាព និងអភិវឌ្ឍន៍លោតផ្លោះនៃទឹកដីកាម៉ាវនៅថ្ងៃនេះ យើងមិនដែលភ្លេចការលះបង់ដ៏ស្ងប់ស្ងាត់ ប៉ុន្តែអស្ចារ្យរបស់អ្នកម្តាយវៀតណាមវីរភាពឡើយ។ អ្នកម្តាយបានលេបនូវទុក្ខសោក ដែលជូនដំណើរកូនៗពីមួយជំនាន់ទៅមួយជំនាន់ចេញទៅសមរភូមិ។ អ្នកម្តាយទាំងនោះបានរែកពុនរាល់ការលំបាកនៃសង្គ្រាម ក្លាយជាសមរភូមិក្រោយដ៏រឹងមាំ និងជានិមិត្តរូបដ៏ខ្ពង់ខ្ពស់នៃនារីវៀតណាម “វីរភាព - មិនចុះញ៉ម - ស្មោះត្រង់ - ប៉ិនប្រសព្វ” ។

គ្រឿងឥស្សរិយយសតស៊ូ និងកិត្តិនាមកិត្តិយសរដ្ឋ “អ្នកម្តាយវៀតណាមវីរភាព” ដែលបានប្រទានជូននាថ្ងៃនេះ គឺជាការទទួលស្គាល់ និងការលើកតម្កើងដ៏ពិសិដ្ឋបំផុតរបស់បក្ស រដ្ឋ និងប្រជាជន ចំពោះការលះបង់ ការពលីមិនអាចកាត់ថ្លៃបាន។ ការលះបង់របស់អ្នកម្តាយ និងវីរយុទ្ធជនពលីទាំងឡាយ បានលាបព៌ណបន្ថែមនូវទំព័រប្រវត្តិសាស្ត្រមាសរបស់ប្រជាជាតិឱ្យកាន់តែរុងរឿង និងបង្កើតបានជារូបរាងនៃមាតុភូមិនៅថ្ងៃនេះ។

សម្តែងនូវការដឹងគុណយ៉ាងជ្រាលជ្រៅចំពោះសាច់ញាតិរបស់អ្នកម្តាយវៀតណាមវីរភាព និងគ្រួសារយុទ្ធជនពលីទាំងឡាយ លោក ឡេ វ៉ាន់ស៊ឺ អនុប្រធានគណៈកម្មាធិការប្រជាជនខេត្តកាម៉ាវ បានស្នើគណៈកម្មាធិការបក្ស រដ្ឋអំណាច រណសិរ្សមាតុភូមិ បណ្តាគណៈ ផ្នែក អង្គការមហាជន និងប្រជាជនទាំងអស់ក្នុងខេត្តកាម៉ាវ បន្តអនុវត្តឱ្យបានល្អប្រសើរថែមទៀតនូវគោលនយោបាយអនុគ្រោះរបស់បក្ស និងរដ្ឋ ចំពោះអ្នកដែលមានសគុណ និងសាច់ញាតិរបស់អ្នកដែលមានសគុណ។ បន្តពិនិត្យ ដោះស្រាយការលំបាក ដាច់ខាតមិនទុកឱ្យគ្រួសារគោលនយោបាយណាមួយត្រូវខ្វះខាត ឬមិនបានទទួលរបបពេញលេញតាមបទប្បញ្ញត្តិនោះឡើយ។ ជាពិសេស ត្រូវជំរុញចលនា “តបស្នងសងគុណ” កៀរគរជាអតិបរមាបណ្តាប្រភពធនធានសង្គម ដើម្បីគិតគូរជីវភាព លំនៅឋាន សុខភាព ជូនដល់សាច់ញាតិរបស់អ្នកម្តាយវៀតណាមវីរភាព យុទ្ធជនពិការ-ជម្ងឺ និងគ្រួសារយុទ្ធជនពលី។ ជាពិសេស យកចិត្តទុកដាក់យ៉ាងសំខាន់លើការអប់រំប្រពៃណីបដិវត្តន៍ដល់ជំនាន់ក្រោយ ដើម្បីក្មួយៗ និងយុវជនកាម៉ាវ បានចងចាំនូវប្រវត្តិសាស្ត្រ មានមោទនភាពចំពោះស្រុកកំណើត ផ្តើមពីនោះ ខិតខំរៀនសូត្រ ធ្វើការ និងបញ្ចេញកម្លាំងយុវវ័យ ដើម្បីកសាងខេត្តកាម៉ាវឱ្យកាន់តែសម្បូរ ស្រស់ស្អាត និងស៊ីវិល័យ៕

យ្វីអាញ-វ៉ាន់តឹន

ចែករំលែកអត្ថបទ

ពាក្យគន្លឹះ