គោលនយោបាយ -ការរស់នៅ គោលនយោបាយ

25/07/2026 - 21:49

ប្រគល់ផ្ទះមហាសាមគ្គីជូនគ្រួសារដែលជួបការលំបាកខាងលំនៅឋាន

សមាគមកាកបាទក្រហមខេត្តវិញឡុង ទើបសហការជាមួយគណៈកម្មាធិការប្រជាជនឃុំទីវកឹង ចាត់តាំងពិធីប្រគល់ផ្ទះមហាសាមគ្គី ជូនគ្រួសារលោកថាច់សាញ់និងបងស្រីផាងធីអាញ់ឡង នៅភូមិសំរោងមាស ឃុំទីវកឹង ជាគ្រួសារដែលជួបការលំបាកខាងលំនៅឋាន។ លោកង្វៀងវ៉ាំងត្រេវ អនុប្រធានប្រចាំការនៃសមាគមកាកបាទក្រហមខេត្តវិញឡុង លោកម៉ាយហ៊ឺវអាញ់ សមាជិកគណៈប្រតិបត្តិការនៃសមាគមកាកបាទក្រហមខេត្ត ម្ចាស់ដេប៉ូឆ្នោតជាតិតំបន់ភាគខាងត្បូង; រួមជាមួយថ្នាក់ដឹកនាំសមាគមកាកបាទក្រហមឃុំ អញ្ជើញចូលរួម។

អ្នកតំណាងទាំងឡាយជូនអំណោយដល់គ្រួសារលោកថាច់សាញ់។

អ្នកតំណាងទាំងឡាយថតរូបអនុស្សាវរីយ៍ជាមួយគ្រួសារលោកថាច់សាញ់។

គ្រួសារលោកថាច់សាញ់ បានគណៈកម្មាធិការប្រជាជនឃុំ គណៈកម្មាធិការរណសិរ្សមាតុភូមិវៀតណាមឃុំ សមាគមកាកបាទក្រហមខេត្តវិញឡុងនិងក្រុមហ៊ុនទទួលខុសត្រូវមានកម្រិតរដ្ឋសមាជិកមួយឆ្នោតជាតិកឹងធើ ពិនិត្យជ្រើសរើសឧបត្ថម្ភសង់ផ្ទះមហាសាមគ្គី លើផ្ទៃដីប្រើប្រាស់ទំហំ ៤៥ ម៉ែត្រការ៉េ។ គិតជាទឹកប្រាក់សាងសង់សរុបជាង៨០លានដុង។ ក្នុងនោះ ក្រុមហ៊ុនទទួលខុសត្រូវមានកម្រិតរដ្ឋសមាជិកមួយឆ្នោតជាតិកឹងធើឧបត្ថម្ភប្រាក់៦០លានដុង ក្រៅពីនោះ គឺទុនបដិភាគរបស់គ្រួសារ។

បានដឹងថា រយៈពេលកន្លង ការងារគិតគូរជូនគ្រួសារគោលនយោបាយ គ្រួសារក្រីក្រ គ្រួសារក្បែរក្រ គ្រួសារជនជាតិភាគតិចនិងមុខសញ្ញាដែលមានស្ថានភាពលំបាក តែងបានបក្ស រដ្ឋនិងភូមិភាគយកចិត្តទុកដាក់ពិសេស។ ក្នុងនោះ កម្មវិធីសង់ផ្ទះមហាសាមគ្គី អាស្រ័យគណៈកម្មាធិការរណសិរ្សមាតុភូមិវៀតណាមនិងសមាគមកាកបាទក្រហមគ្រប់លំដាប់ថ្នាក់ ផ្សព្វផ្សាយអនុវត្តបានក្លាយជាចំណុចលេចធ្លោក្នុងការងារសុខុមាលភាពសង្គម។

ក្រៅពីនោះ គ្រួសារលោកថាច់សាញ់ ពីមុននៅទាំងបានគណៈកម្មាធិការប្រជាជនឃុំឧបត្ថម្ភគោមេ១ក្បាល(តម្លៃ២៥លានដុង) ដើម្បីអភិវឌ្ឍការចិញ្ចឹមគោបន្តពូជ ពិពិធកម្មមុខរបររកស៊ី កាត់បន្ថយភាពក្រីក្រចំណុះកម្មវិធីទិសដៅជាតិកាត់បន្ថយភាពក្រីក្រដោយចីរភាពនិងអភិវឌ្ឍសេដ្ឋកិច្ច-សង្គមតំបន់ជនជាតិភាគតិចលើភូមិឋានឃុំទីវកឹង ឆ្នាំ២០២៦៕

វ៉ាំងថឿង-មុនី

ចែករំលែកអត្ថបទ

ពាក្យគន្លឹះ