គោលនយោបាយ -ការរស់នៅ ការរស់នៅ

16/07/2026 - 21:01

រួមកម្លាំងនាំយកទឹកស្អាតជូនប្រជាជននៅឃុំអាងថាញ់

ឃុំអាងថាញ់ គឺជាភូមិឋានមួយនៅតំបន់ឆ្នេរសមុទ្រ ដែលតែងតែរងឥទ្ធិពលពីគ្រោះរាំងស្ងួត និងជ្រាបប្រៃ។ នៅរដូវប្រាំង ការស្វែងរកប្រភពទឹកស្អាតប្រើប្រាស់ប្រចាំថ្ងៃសម្រាប់គ្រួសារប្រជាជនជាច្រើននៅទីនេះ នៅជួបការលំបាកច្រើន។ គ្រួសារជាច្រើនបានស្តុកទឹកភ្លៀង ឬប្រើប្រាស់ប្រភពទឹកព្រែកប្រឡាយ ដើម្បីបម្រើការប្រជុំជីវភាពប្រចាំថ្ងៃ ប៉ុន្តែពេលប្រភពទឹករងការជ្រាបប្រៃ ជីវភាពរបស់ប្រជាជនកាន់តែលំបាកទ្វេឡើង ដោយសារត្រូវទៅសុំឬទិញទឹកពីកន្លែងផ្សេង។

តាមអ្នកមីង ង្វៀងធីទីម នៅភូមិង្វៀងកុងមិញ បានឱ្យដឹងថា នៅរដូវប្រាំង ស្ថានភាពកង្វះទឹកស្អាតប្រើប្រាស់ប្រចាំថ្ងៃតែងកើតមានឡើងជាញឹកញាប់។ គ្រួសារអ្នកមីងបានស្តុកទឹកភ្លៀងទុកប្រើប្រាស់។ ក៏ប៉ុន្តែ នៅពេលប្រើអស់ទឹកភ្លៀង ការស្វែងរកទឹកជំនួសវិញគឺពិតជាលំបាក និងត្រូវចំណាយថវិកាទិញច្រើនបង្គួរ។ ហេតុនេះ ប្រសិនបើមានដំណោះស្រាយជួយវិនិច្ឆ័យបានទឹកស្អាតសម្រាប់ប្រើប្រាស់នោះ អ្នកមីងមានក្តីរីករាយណាស់។

ក្រុមការងារចុះពិនិត្យអង្កេតតម្រូវការប្រើប្រាស់ទឹកស្អាតរបស់ប្រជាជននៅឃុំអាងថាញ់។

ស្រដៀងគ្នានេះដែរ អ្នកមីងផាងធីធ្វីឡង បានឱ្យដឹងថា គ្រួសារអ្នកមីងក៏ពឹងផ្អែកភាគច្រើនលើទឹកភ្លៀងផងដែរ។ នៅពេលប្រភពទឹកនេះអស់ អ្នកមីងត្រូវរកទិញទឹក ឬសុំពីកន្លែងផ្សេងមកប្រើប្រាស់។ រឿងនេះមិនត្រឹមតែធ្វើឱ្យកើនប្រាក់ចំណាយក្នុងការប្រជុំជីវភាពប៉ុណ្ណោះទេ ថែមទាំងបង្កការលំបាកជាច្រើនក្នុងការរស់នៅទៀតផង។

ចំពោះមុខតថភាពជាក់ស្តែងនោះ គម្រោង “ទឹកស្អាតសម្រាប់សហគមន៍” បានអនុវត្ត សំដៅជួយឱ្យប្រជាជនទទួលបានដំណោះស្រាយវិនិច្ឆ័យទឹកសុវត្ថិភាព។ គម្រោងនេះឧបត្ថម្ភថវិកាដោយក្រុមហ៊ុន Procter & Gamble បានសមាគមកាកបាទក្រហមវៀតណាមដាក់ឱ្យអនុវត្ត និងប្រគល់ឱ្យសមាគមកាកបាទក្រហមទីក្រុងកឹងធើ អនុវត្តនៅឃុំចំនួន ២ គឺ កូឡាវយ៉ុងនិងអាងថាញ់ ដោយថវិកាសរុបជាង ៧២៨ លានដុង។ ទិសដៅរបស់គម្រោងគឺជួយឱ្យប្រជាជនម្ចាស់ការវិនិច្ឆ័យប្រភពទឹកក្នុងលក្ខណៈខ្វះទឹកស្អាត ជាពិសេសគឺនៅរដូវប្រាំង ឬនៅពេលមានគ្រោះធម្មជាតិ រាំងស្ងួត និងការជ្រាបទឹកប្រៃកើតឡើង។

ដោយឡែកនៅឃុំអាងថាញ់ គម្រោងនឹងចាត់តាំងវគ្គបំប៉នជូនអ្នកស្ម័គ្រចិត្តចំនួន ២០ នាក់នៅភូមិភាគនិងសហការជាមួយលោកគ្រូ អ្នកគ្រូចំនួន ២០ នាក់នៅតាមសាលារៀននានា ដើម្បីឃោសនាផ្សព្វផ្សាយចំណេះដឹងអំពីទឹកស្អាត និងអនាម័យបរិស្ថាន។ តាមរយៈសកម្មភាពទាំងនេះ សិស្សានុសិស្ស និងប្រជាជននឹងទទួលបានការណែនាំអំពីរបៀបប្រើប្រាស់ ការថែរក្សា និងការវិនិច្ឆ័យទឹកផឹកប្រកបដោយសុវត្ថិភាពក្នុងជីវភាពរស់នៅប្រចាំថ្ងៃ។

ទន្ទឹមនឹងនោះ មានប្រជាជនប្រមាណ ២៤០ គ្រួសារ នឹងបានឧបត្ថម្ភនូវឧបករណ៍ស្តុកទឹក រួមជាមួយកញ្ចប់ម្សៅចម្រោះទឹក ដើម្បីវិនិច្ឆ័យទឹកប្រកបដោយសុវត្ថិភាពភ្លាមៗនៅតាមគ្រួសារ។ នេះគឺជាដំណោះស្រាយជាក់ស្តែង ជួយឱ្យប្រជាជនម្ចាស់ការវិនិច្ឆ័យប្រភពទឹកដែលមានស្រាប់ បន្ថយការលំបាកក្នុងដំណាក់កាលកង្វះទឹកស្អាត។

តាមប្រសាសន៍លោក វ៉ថាញញ៉ាញ អនុប្រធានគណៈកម្មាធិការប្រជាជនឃុំអាងថាញ់ បានឱ្យដឹងថា គម្រោងនេះគឺពិតជាមានសារៈសំខាន់ជាក់ស្តែងចំពោះប្រជាជននៅភូមិភាគក្នុងបរិការណ៍ដែលគ្រោះរាំងស្ងួត និងការជ្រាបប្រៃកាន់តែមានការវិវត្តន៍យ៉ាងស្មុគស្មាញ។ តាមរយៈគម្រោងនេះ មាមីងមានដំណោះស្រាយបន្ថែមដើម្បីធានាប្រភពទឹកផឹកប្រកបដោយសុវត្ថិភាព រួមចំណែកកែលម្អលក្ខណៈរស់នៅនិងការពារសុខភាព។

លោកស្រី ឡេធីបាច់ដាង អនុប្រធានសមាគមកាកបាទក្រហមទីក្រុងកឹងធើ នាយិកាគម្រោង បានឱ្យដឹង៖ គម្រោង “ទឹកស្អាតសម្រាប់សហគមន៍” បានអនុវត្តសំដៅជួយឱ្យប្រជាជនមានដំណោះស្រាយបន្ថែមក្នុងការវិនិច្ឆ័យទឹកផឹកប្រកបដោយសុវត្ថិភាព ក្នុងដំណាក់កាលកង្វះទឹកស្អាត មានគ្រោះរាំងស្ងួត ជ្រាបទឹកប្រៃ ឬនៅពេលមានគ្រោះធម្មជាតិកើតឡើង។

ការរួមកម្លាំងរបស់បណ្តាអង្គការ ម្ចាស់ជំនួយ និងរដ្ឋអំណាចភូមិភាគ កំពុងរួមចំណែកនាំយកទឹកស្អាតជូនប្រជាជននៅតំបន់ឆ្នេរសមុទ្រ។ មិនត្រឹមតែជួយកែលម្អលក្ខណៈរស់នៅប្រចាំថ្ងៃប៉ុណ្ណោះទេ គម្រោងនេះថែមទាំងរួមចំណែកលើកកម្ពស់ការយល់ដឹងរបស់សហគមន៍អំពីការប្រើប្រាស់ទឹកស្អាត និងការរក្សាអនាម័យបរិស្ថានទៀតផង។

ដោយសកម្មភាពជាក់ស្តែងទាំងនោះ សង្ឃឹមថានាពេលខាងមុខ ប្រជាជននៅឃុំអាងថាញ់ នឹងមានភាពម្ចាស់ការជាងក្នុងការធានាប្រភពទឹកផឹកប្រកបដោយសុវត្ថិភាព សំដៅឆ្ពោះដល់ជីវភាពមានសុខភាពល្អនិងប្រកបដោយចីរភាព៕

ហាយអាង - សុផន

ចែករំលែកអត្ថបទ

ពាក្យគន្លឹះ