សុខភាព - អប់រំ សុខភាព

05/07/2026 - 17:51

ឡុងភូ ចាត់តាំងពិធីបរិច្ចាគឈាមស្ម័គ្រចិត្ត ឆ្នាំ ២០២៦

មន្ទីរពេទ្យលោហិតវិទ្យា - បញ្ចូលឈាមកឹងធើ បានសហការជាមួយគណៈកម្មាធិការប្រជាជនឃុំឡុងភូ ចាត់តាំងពិធីបរិច្ចាគឈាមស្ម័គ្រចិត្ត ឆ្នាំ ២០២៦ ។

ក្រោយពីពិនិត្យសម្រាំង មាន ១១០ ឯកតាឈាម ដែលសម្រេចតាមសំណូមពរ ដើម្បីបម្រើដល់ការងារសង្គ្រោះបន្ទាន់ និងព្យាបាលអ្នកជំងឺ។ ការបរិច្ចាគឈាមស្ម័គ្រចិត្ត គឺជាសកម្មភាពមួយដែលឃុំឡុងភូ តែងតែរក្សាជាប្រចាំរៀងរាល់ឆ្នាំ ដើម្បីផ្សព្វផ្សាយ និងចលនាកម្មាភិបាលនិងប្រជាជនចូលរួមយ៉ាងសកម្មក្នុងការបរិច្ចាគឈាមជួយសង្គ្រោះជីវិតមនុស្ស។ តាមរយៈនោះ រួមចំណែកបំពេញបន្ថែមនូវប្រភពឈាមបម្រុងសម្រាប់បម្រើដល់ការងារព្យាបាលនៅតាមគ្រឹះស្ថានសុខាភិបាល ព្រមទាំងរួមចំណែកពង្រីកស្មារតីជួយគ្នាទៅវិញទៅមកក្នុងសហគមន៍។

ទិដ្ធភាពបរិច្ចាកឈាមស្ម័គ្រចិត្តនៅឃុំឡុងភូ ឆ្នាំ២០២៦។

កម្មាភិបាល និងប្រជាជនជាច្រើនមកបរិច្ចាកឈាមស្ម័ក្រចិត្ត។

ការបរិច្ចាគឈាមស្ម័គ្រចិត្ត គឺជាទង្វើប្រកបដោយគុណធម៌ដ៏ខ្ពង់ខ្ពស់ដែលជួយរក្សាប្រភពឈាមបម្រុងដ៏ចាំបាច់បំផុត ដើម្បីជួយការងារសង្គ្រោះបន្ទាន់ និងព្យាបាលអ្នកជំងឺរាប់ពាន់នាក់ដែលត្រូវការឈាមជារៀងរាល់ថ្ងៃ។ ចំពោះអ្នកបរិច្ចាគឈាម នេះជាឱកាសមួយដើម្បីពិនិត្យសុខភាពដោយឥតគិតថ្លៃ និងជួយរំញោចដល់ខួរឆ្អឹងក្នុងការផលិតកោសិកាឈាមថ្មី។ ឈាមមួយដំណក់ៗ ដែលបានផ្តល់ឱ្យ គឺជាឱកាសរស់រានមានជីវិតដ៏មានតម្លៃសម្រាប់អ្នករងគ្រោះថ្នាក់ចរាចរណ៍ ស្ត្រីសម្រាលកូន ឬអ្នកជំងឺដែលកើតជំងឺកាចសាហាវកំពុងត្រូវការបញ្ចូលឈាម។ វិទ្យាសាស្ត្របានបង្ហាញឱ្យឃើញថា ការបរិច្ចាគឈាមជួយបន្ថយបរិមាណជាតិដែកដែលលើសក្នុងរាងកាយ ជួយឱ្យឈាមរត់បានល្អប្រសើរឡើង។

សុកកា-ត្រឹងរ៉ូន

ចែករំលែកអត្ថបទ

ពាក្យគន្លឹះ