សន្តិសុខ - ការពារប្រទេស ការពារប្រទេស

16/06/2026 - 16:32

យោធភូមិភាគ ៩ លើកកម្ពស់គុណភាពការងារប្រវត្តិសាស្ត្រយោធា

រយៈពេលកន្លង គណៈកម្មាធិការបក្ស អគ្គមេបញ្ជាការដ្ឋានយោធភូមិភាគ ៩ បានដឹកនាំនិងចង្អុលការអនុវត្តប្រកបដោយប្រសិទ្ធភាពនូវសេចក្តីសម្រេចលេខ ៩៨៤-NQ/QUTW ចុះថ្ងៃទី ២៨ ខែធ្នូ ឆ្នាំ២០១៦ របស់គណៈកម្មាធិការបក្សយោធាមជ្ឈិម ស្តីពីការដឹកនាំលើកកម្ពស់គុណភាពនិងប្រសិទ្ធភាពការងារប្រវត្តិសាស្ត្រយោធាដល់ឆ្នាំ ២០២០ និងបណ្តាឆ្នាំបន្តបន្ទាប់ (សេចក្តីសម្រេចលេខ ៩៨៤-NQ/QUTW)។ តាមរយៈនោះ រួមចំណែកលើកកម្ពស់គុណភាពការងារឃោសនា អប់រំប្រពៃណី ដាស់ភ្ងោកមោទនភាពជនជាតិ និងពង្រឹងជំនឿទុកចិត្តយ៉ាងរឹងមាំរបស់ប្រជាជនចំពោះការដឹកនាំរបស់បក្ស និងកិច្ចការផ្លាស់ប្តូរថ្មីរបស់ប្រទេសជាតិ...។

ឧត្តមសេនីយ៍ទោ ហូវ៉ាំងថាយ លេខាគណៈកម្មាធិការបក្ស ស្នងការនយោបាយនៃយោធភូមិភាគ ៩ ជូនប័ណ្ណសរសើរដល់បណ្តាសមូហភាពដែលមានស្នាដៃឆ្នើមក្នុងការអនុវត្តសេចក្តីសម្រេចលេខ ៩៨៤-NQ/QUTW រយៈពេល១០ឆ្នាំ។

ក្នុងរយៈពេល ១០ ឆ្នាំអនុវត្តសេចក្តីសម្រេចលេខ ៩៨៤-NQ/QUTW បញ្ជាការយោធាទីក្រុងកឹងធើ បានសហការជាមួយបណ្តាស្ថាប័ន និងអង្គភាពនានា ចាត់តាំងសិក្ខាសាលាវិទ្យាសាស្ត្រចំនួន ៧៤ លើក សម្រេចបានការបោះពុម្ពផ្សាយប្រធានបទវិទ្យាសាស្ត្រប្រវត្តិសាស្ត្រថ្នាក់យោធភូមិភាគ ៩ ចាត់តាំងសន្និបាតជ្រួតជ្រាប និងសិក្សាសេចក្តីសម្រេចចំនួន ៥២ លើក ព្រមទាំងដាក់ចេញនូវផែនការនិងការណែនាំចំនួន ៣៧ ច្បាប់ ដើម្បីអនុវត្តបណ្តាសំណង់និងប្រធានបទស្រាវជ្រាវវិទ្យាសាស្ត្រ។ ទន្ទឹមនឹងនោះ បញ្ជាការយោធាទីក្រុងក៏បានចាត់តាំងស្រាវជ្រាវ ប្រមូលផ្តុំនិងចងក្រងសំណង់ប្រវត្តិសាស្ត្រចំនួន ៣៧ គម្រោងនិងបោះពុម្ពជាសៀវភៅ ព្រមទាំងប្រមូលនិងបន្ថែមឯកសារជាង ១.០០០ ទំព័រ និងរូបភាពដែលមានតម្លៃចំនួន ៤៥០ សន្លឹក ដើម្បីបម្រើដល់ការងារស្រាវជ្រាវនិងអប់រំប្រពៃណី ព្រមទាំងចាត់តាំងឧទ្ទេសនាមនិងឃោសនាផ្សព្វផ្សាយលទ្ធផលស្រាវជ្រាវចំនួន ១៨០ លើក រួមចំណែកលើកកម្ពស់ប្រសិទ្ធភាពនៃការអប់រំនយោបាយនិងសតិអារម្មណ៍ក្នុងកងកម្លាំងប្រដាប់អាវុធទីក្រុង...។

បញ្ជាការយោធាខេត្តកាម៉ាវបានអនុវត្តសំណង់ប្រវត្តិសាស្ត្រយោធាចំនួន ២០ ដែលមានលក្ខណៈបក្ស លក្ខណៈវិទ្យាសាស្ត្រ និងខ្លឹមសារធានាបានការឯកភាព បង្ហាញពីលក្ខណៈពិសេសដោយឡែករបស់កងកម្លាំងប្រដាប់អាវុធខេត្ត។ អង្គភាពបានអំពាវនាវសុំជារូបថត ឯកសារនិងវត្ថុតាងនានាទាក់ទងនឹងសម័យកាលតស៊ូ។ ចាប់តាំងពីឆ្នាំ ២០២៣ រហូតមកដល់បច្ចុប្បន្ន អង្គភាពទទួលបានវត្ថុតាង និងវត្ថុអនុស្សាវរីយ៍ចំនួន ៨១ រួមមាន៖ អាវុធ គ្រឿងបំពាក់យោធា សៀវភៅកំណត់ហេតុ សៀវភៅកត់ត្រា សំបុត្រនិងឯកសារពាក់ព័ន្ធនឹងការងារចាត់តាំង និងបញ្ជាការប្រយុទ្ធក្នុងសម័យកាលតស៊ូ។

លោកវរសេនីយ៍ឯក វ៉ថាញ់ឡេ ស្នងការនយោបាយនៃបញ្ជាការយោធាខេត្តកាម៉ាវ បានឱ្យដឹង៖ "បញ្ជាការយោធាខេត្តបានធ្វើឌីជីថលនីយកម្ម នូវឯកសារនិងរូបភាពប្រវត្តិសាស្ត្ររបស់កងកម្លាំងប្រដាប់អាវុធខេត្តតាមសម័យកាលនីមួយៗ ដើម្បីថែរក្សានិងរក្សាទុកបានយូរអង្វែង។ អង្គភាពក៏បានសរសេរអត្ថបទឃោសនារាប់ពាន់អត្ថបទនៅលើប្រព័ន្ធអ៊ីនធឺណិតរួមចំណែកដល់ការផ្សព្វផ្សាយ និងអប់រំប្រពៃណីដល់កម្មាភិបាល យុទ្ធជន សមាជិកសម្ព័ន្ធយុវជន និងយុវជនផងដែរ"។

យោងតាមគណៈកម្មាធិការបក្សយោធភូមិភាគ ៩ បានឱ្យដឹង យោធភូមិភាគ ៩ បានស្រាវជ្រាវ រៀបរៀងនិងបោះពុម្ភផ្សាយសំណង់និងប្រធានបទប្រមាណ ២០០ ដែលមានភាពចាំបាច់ អំពីប្រវត្តិសាស្ត្ររបស់បណ្តាកងពលធំ កងវរសេនាធំ និងកងពលទ័ពស្រួចរបស់យោធភូមិភាគ ៩ ប្រវត្តិសាស្ត្ររបស់បណ្តាស្ថាប័ន អង្គភាពនិងភូមិភាគ ស្រាវជ្រាវ និងបូកសរុបការប្រយុទ្ធពិសេសក្នុងការតស៊ូប្រឆាំងអាមេរិក ការប្រយុទ្ធការពារមាតុភូមិនៅព្រំដែននិរតី បូកសរុបសកម្មភាពការងារបក្សនិងការងារនយោបាយ ក្នុងការបំពេញភារកិច្ចបង្ការ និងប្រឆាំងយុទ្ធសាស្ត្រ "ប្រែប្រួលសន្តិភាព" បំពេញភារកិច្ចអន្តរជាតិជួយមិត្តកម្ពុជា ភារកិច្ចការពារអធិបតេយ្យភាពព្រំដែនសមុទ្រ កោះ និងលំហអាកាសនៃមាតុភូមិ...។

បណ្តាសំណង់និងប្រធានបទស្រាវជ្រាវទាំងឡាយ បានផ្តល់នូវប្រភពឯកសារដ៏មានតម្លៃអំពីយុទ្ធសាស្រ្តសមរភូមិនិងបទពិសោធន៍ប្រយុទ្ធ ដើម្បីយកទៅអនុវត្តជាក់ស្តែងក្នុងកិច្ចការហ្វឹកហាត់ អប់រំ បណ្តុះបណ្តាលនិងបំប៉នចំណេះដឹងផ្នែកយោធានិងការពារប្រទេស។ ព្រមទាំងផ្តល់នូវមូលដ្ឋានទ្រឹស្តី និងជាក់ស្តែង ដើម្បីធ្វើការតស៊ូ និងបដិសេធន៍ប្រកបដោយប្រសិទ្ធភាពចំពោះរាល់ទស្សនៈ និងការយល់ដឹងខុសឆ្គង អរិយភាព ព្រមទាំងការបង្ហាញពីការបំភ្លៃនិងការបដិសេធន៍ប្រវត្តិសាស្ត្រនិងប្រពៃណីជនជាតិ។ ការបំភ្លៃអំពីអធិបតេយ្យភាពទឹកដី សមុទ្រ និងកោះនៃមាតុភូមិ...។ រាល់ឯកសារនិងទិន្នន័យប្រវត្តិសាស្ត្រ ត្រូវបានគ្រប់គ្រងយ៉ាងតឹងរ៉ឹងហើយបានផ្លាស់ប្តូរជាបណ្តើរៗពីលក្ខណៈសិប្បកម្មទៅជាការអនុវត្តបច្ចេកវិទ្យាព័ត៌មាននិងឌីជីថលឧបនីយកម្ម ដែលជំហានដំបូងបានបង្កើតឡើងនូវប្រព័ន្ធទិន្នន័យមូលដ្ឋានសម្រាប់បម្រើដល់ការស្រាវជ្រាវ ការស្វែងរកនិងការទាញយកព័ត៌មាន ដើម្បីបម្រើដល់កិច្ចការស្រាវជ្រាវ និងបូកសរុប...។

កិច្ចសហការរវាងយោធភូមិភាគ ៩ ជាមួយបណ្តាស្ថាប័ននិងអង្គភាពក្នុងការស្រាវជ្រាវ ធ្វើសេនាធិការនិងចងក្រងសំណង់ ប្រធានបទប្រវត្តិសាស្ត្រ និងការបូកសរុបប្រវត្តិសាស្ត្រ បានអនុវត្តមានប្រសិទ្ធភាព។ ក្នុងរយៈពេល ១០ ឆ្នាំកន្លង យោធភូមិភាគ ៩ បានសហការចាត់តាំងជោគជ័យនូវសិក្ខាសាលាវិទ្យាសាស្ត្រដោយផ្ទាល់ចំនួន ៣ លើក និងសិក្ខាសាលាតាមប្រព័ន្ធអនឡាញថ្នាក់ជាតិចំនួន ២ លើក អំពីព្រឹត្តិការណ៍ប្រវត្តិសាស្ត្រលេចធ្លោនានា។ យោធភូមិភាគ ៩ ព្រមទាំងបណ្តាអង្គភាព និងភូមិភាគបានជម្រើសកម្មាភិបាលចំនួន ១១៧ នាក់ឱ្យចូលរួមក្នុងសិក្ខាសាលាចំនួន ៣១ លើកនៅគ្រប់ថ្នាក់ និងសរសេរអត្ថបទបទអន្តរាគមន៍ចំនួន ៤៥ ដើម្បីចុះផ្សាយក្នុងកម្រងឯកសារសិក្ខាសាលាវិទ្យាសាស្ត្រ។ បណ្តាសិក្ខាសាលាទាំងនោះ បានបំភ្លឺច្បាស់នូវបញ្ហាប្រវត្តិសាស្ត្រជាច្រើន ព្រមទាំងលើកកម្ពស់កម្រិតនិងអត្ថន័យនៃព្រឹត្តិការណ៍ទាំងឡាយ។ តាមរយៈនោះ រួមចំណែកក្នុងការតស៊ូនិងបដិសេធន៍ប្រកបដោយប្រសិទ្ធភាពចំពោះរាល់ល្បិចកលបំភ្លៃ និងការបដិសេធន៍ប្រវត្តិសាស្ត្ររបស់បណ្តាបច្ចាមិត្ត ដើម្បីការពារទស្សនៈ និងគោលនយោបាយរបស់បក្ស៕

ផាមទ្រុង-ដាលីន

ចែករំលែកអត្ថបទ

ពាក្យគន្លឹះ