ព្រឹត្តិការណ៍ - នយោបាយ ព្រឹត្តិការណ៍

21/05/2026 - 22:42

ធ្វើឱ្យសុក្រឹតប្រព័ន្ធរដ្ឋបាល យកចិត្តទុកដាក់អភិវឌ្ឍអាជីវកម្ម បង្កគ្រឹះធារអភិវឌ្ឍសេដ្ឋកិច្ច - សង្គម

(CTO) - នោះជាមតិចង្អុលការរបស់លោក ត្រឿងកាញ់ត្វៀង អនុលេខាគណៈកម្មាធិការបក្សក្រុង ប្រធានគណៈកម្មាធិការប្រជាជនក្រុងកឹងធើ ធ្វើការនៅសង្កាត់ធើយអាងដុងស្តីពីស្ថានភាពសេដ្ឋកិច្ច - សង្គម ៥ ខែដើមឆ្នាំ ២០២៦។

ថ្លែងយោបល់ក្នុងពេលធ្វើការ លោកត្រឿងកាញ់ត្វៀង កត់សម្គាល់លទ្ធផលដែលសម្រេចបាននិងសំណូមពរសង្កាត់ធើយអាងដុងបន្តពង្រីកស្មារតីសាមគ្គី ច្បាមកិច្ចចង្អុលការរបស់គណៈកម្មាធិការបក្សក្រុង គណៈកម្មាធិការប្រជាជនទីក្រុងស្តីពីអនុវត្តដំណើរការកំណើនសេដ្ឋកិច្ចឆ្នាំ ២០២៦ ដើម្បីរួមចំណែកក្នុងគោលដៅកំណើនរួមរបស់ទីក្រុង។ ច្បាមផែនការរួមបញ្ចូលរបស់ទីក្រុង រួមពិនិត្យឡើងវិញនិងផ្តល់យោបល់ក្នុងដំណើរការកែសម្រួលផែនការដើម្បីឱ្យសមស្របទៅនឹងទិសដៅរបស់សង្កាត់។

លោកត្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ ថ្លែងយោបល់ចង្អុលការក្នុងពេលធ្វើការ។

ប្រធានគណៈកម្មាធិការប្រជាជនទីក្រុងបានដាក់ចេញទិសដៅឱ្យភូមិភាគបន្តការពិនិត្យឡើងវិញ ធ្វើឱ្យសុក្រឹតប្រព័ន្ធរដ្ឋបាល និងពង្រឹងមជ្ឈមណ្ឌលសេវាកម្មចម្រុះ។ យកចិត្តទុកដាក់អភិវឌ្ឍអាជីវកម្ម ចលនាគ្រួសារធ្វើពាណិជ្ជកម្មឯកជនប្តូរទៅជាអាជីវកម្ម; សួរសុខទុក្ខ លើកទឹកចិត្ត ឧទ្ទេសនាមនូវយន្តការគោលនយោបាយរបស់ទីក្រុងដើម្បីអាជីវកម្ម សហករណ៍ងាយស្រួលបង្ខិតជិត។ ប្តេជ្ញាសម្រេចជាស្ថាពរនូវនីតិវិធីពាក់ព័ន្ធ ដើម្បីពន្លឿនល្បឿនរំសាយទុនវិនិយោគរដ្ឋ។ ផ្តុំកម្លាំងកែទម្រង់រដ្ឋបាលផ្សារភ្ជាប់ជាមួយផ្លាស់ប្តូរឌីជីថល។ ទន្ទឹមនឹងនោះ ត្រូវមានលិខិតស្នើសុំគម្រោងប្តូរដីយកហេដ្ឋារចនាសម្ព័ន្ធ ផ្ញើទៅមន្ទីរហិរញ្ញវត្ថុវិភាគពីលទ្ធភាពជោគជ័យ ធ្វើសេនាធិការជូនគណៈកម្មាធិការប្រជាជនទីក្រុងពិនិត្យសម្រេច។ ចំពោះតម្រូវការវិនិយោគបង្កើនកម្រិត ពង្រីកស្ពាន និងផ្លូវថ្នល់ត្រូវស្នើសុំបញ្ជីឈ្មោះចុះបញ្ជីជាមួយមន្ទីរហិរញ្ញវត្ថុ ដើម្បីដាក់បញ្ចូលទៅក្នុងផែនការវិនិយោគរដ្ឋស្របតាមបទប្បញ្ញត្តិ។

លោកស្រី ឡេហ្វាងធ្វីត្រិញ លេខាគណៈកម្មាធិការបក្ស ប្រធានក្រុមប្រឹក្សាប្រជាជនសង្កាត់ធើយអាងដុង ស្នើទីក្រុងឧបត្ថម្ភបែងចែកប្រភពទុនដើម្បីសង្កាត់អភិវឌ្ឍហេដ្ឋារចនាសម្ព័ន្ធគមនាគមន៍ទីក្រុង។

តាមការវាយតម្លៃរួម ក្នុងរយៈពេល ៥ ខែដើមឆ្នាំ ស្ថានភាពសេដ្ឋកិច្ច - សង្គមរបស់សង្កាត់ធើយអាងដុងសម្រេចបានលទ្ធផលជាវិជ្ជមាន។ វិស័យឧស្សាហកម្ម - សិប្បកម្ម ពាណិជ្ជកម្ម-សេវាកម្មរក្សាបាននូវសកម្មភាពលំនឹង។ ទូទាំងសង្កាត់បច្ចុប្បន្នកំពុងគ្រប់គ្រងមូលដ្ឋានផលិត និងអាជីវកម្មគ្រួសារចំនួន ១.១២០ កន្លែង; ក្នុងនោះ មានមូលដ្ឋានចំនួន ៣១៧ កន្លែង សកម្មភាពក្នុងវិស័យឧស្សាហកម្ម - សិប្បកម្មផ្សារចំនួន ៥ អាជីវកម្មចំនួន ៣៦៥ កំពុងដំណើរការដោយស្ថិរភាព។ លើភូមិឋានសង្កាត់មានផលិតផលចំនួន ៥ បានទទួលស្គាល់និងសម្រេចស្តង់ដារ OCOP កម្រិតផ្កាយ៤។ ការប្រមូលចំណូលថវិការដ្ឋសរុប ៥ ខែ សម្រេច ៤៤,៣៤% នៃផែនការដែលទីក្រុងប្រគល់ជូន។

ក្នុងឆ្នាំ ២០២៦ សង្កាត់ធើយអាងដុង បានទីក្រុងបែងចែកថវិកាចំនួន ៣៨,១៥ ពាន់លានដុង សម្រាប់គម្រោងចំនួន ៩ បច្ចុប្បន្នកំពុងអនុវត្តនិតិវិធីផ្តល់សច្ចាប័នលើគម្រោងចាត់តាំងការដេញថ្លៃ ជ្រើសរើសអង្គភាពសាងសង់ខិតខំសម្រេចឱ្យបានអត្រាផ្តល់ផ្តេរទុនចាប់ពី ៩៥% ឡើងទៅ។ សង្កាត់បានផ្សព្វផ្សាយអនុវត្តព្រមៗគ្នានូវដំណោះស្រាយធានាសណ្តាប់ធ្នាប់ ច្បាប់បញ្ញត្តិទីក្រុង កសាងរបៀបរស់នៅទីក្រុងប្រកបដោយអរិយធម៌ ធានាសន្តិសុខនយោបាយ សណ្តាប់ធ្នាប់សុវត្ថិភាពសង្គម៕

មិញហ្វៀង - ទីទុយ

ចែករំលែកអត្ថបទ

ពាក្យគន្លឹះ