ព្រឹត្តិការណ៍ - នយោបាយ ព្រឹត្តិការណ៍

28/04/2026 - 21:20

ពង្រីកប្រវេណីស្នេហាជាតិក្នុងបណ្តាសមាគម អង្គការមហាជន

ឆ្ពោះដល់ខួបអនុស្សាវរីយ៍៥១ឆ្នាំ រំដោះភាគខាងត្បូង ឯកភាពទឹកដី (៣០/៤/១៩៧៥ - ៣០/៤/២០២៦) បណ្តាសមាគម អង្គការមហាជនលើភូមិឋានទីក្រុងកឹងធើ កំពុងសកម្មជំរុញរាល់ចលនាប្រឡងប្រណាំងស្នេហាជាតិដោយសកម្មភាពជាក់ស្តែងជាច្រើន រួមចំណែករីកសាយភាយស្មារតីសាមគ្គី ព្រួតដៃកសាងភូមិស្រុកអភិវឌ្ឍដោយចីរភាពពីមួយថ្ងៃទៅមួយថ្ងៃ។

នៅឃុំលិតហូធឿង សមាគមកសិករបានចាត់តាំងចេញដំណើរសម្អាតអនាម័យបរិស្ថានតាមដងផ្លូវ ៩៣៣C ផ្លូវកាត់ភូមិសុខឡែវ ដើម្បីអំណរ៥១ឆ្នាំ ទិវារំដោះភាគខាងត្បូងទាំងស្រុង ឯកភាពទឹកដីនិងទិវាពលកម្មអន្តរជាតិ ទី១ ខែឧសភា។

ចាត់តាំងចេញដំណើរអនាម័យបរិស្ថាន។

ក្នុងពិធីចេញដំណើរ បណ្តាសមាជិកឆ្ការព្រៃគុម្ពោត កាត់ច្រឹបដើមឈើដែលបិទបាំងផ្លូវចរាចរណ៍ ប្រមូលកាកសំណល់សងខាងដងផ្លូវ។ បរិយាកាសចេញដំណើរប្រព្រឹត្តឡើងយ៉ាងផុលផុស បង្ហាញពីស្មារតីឈានមុខ ទទួលខុសត្រូវរបស់កម្មាភិបាលនិងសមាជិកកសិករ។ សកម្មភាពមិនត្រឹមតែរួមចំណែកបង្កទេសភាពបរិស្ថាន “ភ្លឺ - បៃតង - ជ្រះ - ស្អាត” ធានាសុវត្ថិភាពចរាចរណ៍ប៉ុណ្ណោះទេ ថែមទាំងលើកកម្ពស់ស្មារតីភ្ញាក់រលឹកក្នុងសហគមន៍អំពីការរក្សាអនាម័យបរិស្ថានទៀតផង។ នេះក៏ជាទង្វើជក់ស្តែង សំដៅអនុវត្តមានប្រសិទ្ធភាពលក្ខឋានបរិស្ថានក្នុងការកសាងជនបទថ្មីនៅភូមិភាគផងដែរ។

រីឯនៅឃុំឡាយហ្វា ក្រៅពីការរក្សាចលនា “ថ្ងៃសៅរ៍សកម្មភាពដើម្បីបរិស្ថានបៃតង ដើម្បីសុខភាពគ្រួសារនិងសហគមន៍” បណ្តាសមាគម អង្គការមហាជនថែមទាំងចាត់តាំងសកម្មភាពកីឡាយ៉ាងពុះពោរ រួមចំណែកបង្កបរិយាកាសសប្បាយរីករាយដល់ប្រជាជនផង។ នៅប្រឡាយឡាយហ្វា A - ព្រៃជាប់ បានប្រព្រឹត្តឡើងពិធីអុំប្រណាំងទូកស្មាច់ Composite ទាក់ទាញបាន៣៩ទូក ដោយមានកីឡាករចូលរួមប្រមាណ ៤០០ នាក់។

ភាពផុលផុសនៃពិធីអុំប្រណាំងទូកស្មាច់ Composite នៅឃុំឡាយហ្វា ទីក្រុងកឹងធើ។

តាមប្រសាសន៍ លោកត្រឹងទ្រីវ៉ឹង - ប្រធានគណៈកម្មាធិការប្រជាជនឃុំឡាយហ្វា តាមរយៈសកម្មភាពជាក់ស្តែងនេះ ភូមិភាគសង្ឃឹមថានឹងបន្តពង្រីកស្មារតីសាមគ្គី ដាស់ទឹកចិត្តស្នេហាជាតិនិងមោទនភាពជាតិក្នុងប្រជាជន។ នេះក៏ជាកម្លាំងចលករដ៏សំខាន់ដើម្បីឃុំឡាយហ្វាអនុវត្តជ័យជម្នះរាល់ទិសដៅអភិវឌ្ឍសេដ្ឋកិច្ចសង្គម កសាងភូមិស្រុកសមរម្យ សម្បូរសប្បាយពីមួយថ្ងៃទៅមួយថ្ងៃ។

រាល់សកម្មភាពជាក់ស្តែងពីការអនាម័យបរិស្ថាន រហូតដល់ចលនាកីឡាមហាជន បានរួមចំណែកធ្វើឱ្យជាក់ស្តែងស្មារតីស្នេហាជាតិក្នុងដំណាក់កាលថ្មី។ តាមរយៈនោះ មិនត្រឹមតែកែលម្អទេសភាពបរិស្ថាន បង្កសួនកម្សាន្តមានប្រយោជន៍ដល់ប្រជាជនប៉ុណ្ណោះទេ រាល់សកម្មភាពនេះថែមទាំងរួមចំណែករឹតបន្តឹងចំណងសាមគ្គីភាព ពង្រឹងផែនមហាសាមគ្គីទូទាំងជនជាតិទៀតផង។ ក្នុងរយៈពេលខាងមុខ បណ្តាសមាគម អង្គការមហាជននឹងបន្តពង្រីកតួនាទីជាស្នូល ជំរុញឃោសនា ចលនាសមាជិកនិងប្រជាជនខ្នះខ្នែងចូលរួមរាល់ចលនាប្រឡងប្រណាំងស្នេហាជាតិ ព្រួតដៃកសាងភូមិស្រុកសម្បូរសប្បាយ ស៊ីវិស័យពីមួយថ្ងៃទៅមួយថ្ងៃ សក្តិសមជាមួយនឹងប្រវេណីដ៏ត្រចះត្រចង់របស់ប្រជាជាតិ៕

ហុងទើ - លីសៀ

ចែករំលែកអត្ថបទ

ពាក្យគន្លឹះ