មហាសាមគ្គីជនជាតិ គំរូក្នុងសហគមន៍

15/04/2026 - 07:23

លោកស៊ើងគិត អ្នកមានប្រិយភាពនៅតំបន់ជនជាតិភាគតិច

ពង្រីកតួនាទីអ្នកមានប្រិយភាពក្នុងតំបន់ជនជាតិភាគតិច រយៈពេលកន្លង លោកស៊ើងគិត នៅភូមិង៉ាកៃ ឃុំសាភៀង ទីក្រុងកឹងធើ តែងឈានមុខក្នុងការចលនារបស់ភូមិភាគ និងជាគំរូអនុវត្ត ចលនាប្រជាជនអនុវត្តល្អគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ។

លោកស៊ើងគិត (ខាងឆ្វេង) អ្នកមានប្រិយភាពធ្វើការងារល្អជាច្រើន។

ពេលនិយាយដល់លោកស៊ើងគិត ភាគច្រើនប្រជាជននៅទីនេះតែងស្គាល់គាត់ ហើយមានមនោសញ្ចេតនាដ៏ល្អចំពោះគាត់។ ទោះបីមានអាយុជាង ៧០ ឆ្នាំក៏ដោយ គាត់នៅតែខិតខំពលកម្ម សកម្មចលនាប្រជាជនអនុវត្តគោលការណ៍ គោលនយោបាយរបស់បក្ស រដ្ឋ និងសំណង់សុខុមាលភាពសង្គម។ ជាអ្នកកើតនៅតំបន់ជនបទដែលមានប្រជាជនខ្មែររស់នៅកុះករ ជីវភាពប្រជាជននៅមានការលំបាកច្រើន ដោយឃើញដូច្នោះ ជាមួយនឹងបំណងចង់រួមចំណែកដើម្បីសហគមន៍ ក្នុងឆ្នាំ ២០០១ លោកបានចូលរួមក្នុងការងារសង្គម។ ដោយអស់ពីចិត្ត មិនគិតពីប្រយោជន៍ផ្ទាល់ខ្លួន និងតែងគិតពីផលប្រយោជន៍រួមរបស់សហគមន៍ ឆ្នាំ ២០១១ គាត់បានប្រជាជននិងរដ្ឋអំណាចជឿទុកចិត្ត ជ្រើសរើសជាអ្នកមានប្រិយភាពរបស់ភូមិភាគ។ យល់ច្បាស់ពីតួនាទីរបស់ខ្លួន គាត់តែងរក្សាទំនាក់ទំនង ជិតស្និទ្ធ ចលនាប្រជាជនរក្សាសាមគ្គីភាព លើកកម្ពស់ស្មារតីខ្លួនទីពឹងខ្លួន សកម្មក្នុងពលកម្មផលិត។ ទន្ទឹមនឹងនោះ មនោសញ្ចេតនាភូមិផងរបងជាមួយ តាមរយៈការងារសម្រុះសម្រួល សាមគ្គីប្រជាជនរួមគ្នាអនុវត្តសំណង់ជនបទ និងរស់ជាគំរូដើម្បីគ្រប់គ្នាយកតម្រាប់តាម។

លោកស៊ើងគិត ឱ្យដឹង៖ “អាស្រ័យអនុវត្តល្អការងារឃោសនាផ្សព្វផ្សាយនិងចលនា ទើបស្ថានភាពសន្តិសុខ សណ្តាប់ធ្នាប់នៅលើភូមិឋាន បានរក្សាខ្ជាប់ បាបគ្រោះសង្គមផ្សេងៗបានថយចុះ ជួយឱ្យមាមីងបង្កើនស្មារតីប្រុងប្រយ័ត្ន មិនស្តាប់ មិនជឿ និងមិនធ្វើតាមពាក្យញុះញង់និងការមួលបង្កាច់របស់អានុភាពអមិត្ត”។ ទន្ទឹមនឹងនោះ លោកស៊ើងគិត ក៏ជាគំរូល្អក្នុងការងារសង្គមផងដែរ ឆ្នាំ ២០២០ គាត់បានចលនាប្រជាជនរួមវិភាគទានជាង ១០០ លានដុងជួសជុលស្ពានជនបទចំនួន៣។ ពិសេស ជាមួយតួនាទីជាគណៈកម្មការវត្តបូរីសិរីជុំកាយរន្តចាស់ ឃុំសាភៀង គាត់សកម្មផ្សព្វផ្សាយគោលការណ៍ គោលនយោបាយរបស់បក្សនិងរដ្ឋដល់ពុទ្ធបរិស័ទ កៀរគរថវិកាជួសជុលវត្ត ដូច៖ កសាងរោងភត្ត ព្រះវិហារ ជាមួយថវិកាសរុបជិត ៤ ពាន់លានដុង។ ចែករំលែកការងាររបស់ខ្លួន លោកស៊ើងគិត ឱ្យដឹង៖ “ក្នុងនាមជាអ្នកមានប្រិយភាពក្នុងសហគមន៍ជនជាតិយើង ត្រូវតែធ្វើជាគំរូ អស់ពីចិត្ត និយាយដើរទន្ទឹមនឹងធ្វើ ទើបបង្កបានទំនុកចិត្តជាមួយរដ្ឋអំណាចនិងប្រជាជន”។

ជាមួយនឹងប្រិយភាពរបស់ខ្លួន រយៈពេលកន្លង លោកស៊ើងគិត តែងពង្រីកស្មារតីទទួលខុសត្រូវ ក្លាយជាស្ពានតភ្ជាប់ដ៏សំខាន់រវាងបក្សនិងប្រជាជន និងជាកម្លាំងស្នូលជះឥទ្ធិពលនៅក្នុងតំបន់ជនជាតិភាគតិច លើផ្នែកសេដ្ឋកិច្ចនិងនយោបាយនៅភូមិភាគ៕

ថាញវ៉ាង - មេងលី

ចែករំលែកអត្ថបទ

ពាក្យគន្លឹះ