មហាសន្និបាតតំណាងទូទាំងប្រទេស លើកទី១៤ របស់បក្ស គឺជាព្រឹត្តិការណ៍នយោបាយដ៏សំខាន់ បើកចេញដំណាក់កាលអភិវឌ្ឍន៍ថ្មីរបស់ប្រទេសជាតិ ជាមួយនឹងការតម្រង់ទិសយុទ្ធសាស្ត្រប្រកបដោយចក្ខុវិស័យយូរអង្វែង។ ភាពជោគជ័យនៃមហាសន្និបាត បន្តបញ្ជាក់ពីការផ្លាស់ថ្មីច្នៃប្រតិដ្ឋ គោលជំហរនយោបាយនិងសេចក្តីប្រាថ្នាអភិវឌ្ឍយ៉ាងខ្លាំងក្លារបស់ទូទាំងបក្ស ទូទាំងកងទ័ព ទូទាំងប្រជាជនក្នុងបុព្វហេតុកសាងនិងការពារមាតុភូមិ។
កម្មាភិបាលថ្នាក់ដឹកនាំនិងបក្ខជនទាំងអស់នៃទីក្រុងកឹងធើ ចូលរួមសន្និបាតតាមប្រព័ន្ធអនឡាញ ទូទាំងប្រទេសសិក្សាស្រាវជ្រាវរៀនសូត្រ បញ្ជ្រាបសេចក្តីសម្រេចចិត្តមហាសន្និបាតលើកទី១៤។
ជាមួយនឹងស្មារតីទទួលខុសត្រូវខ្ពស់ចំពោះបក្សនិងប្រជាជន មហាសន្និបាតលើកទី ១៤ បានបូកសរុបការងារច្បាល់លាស់ អំពីការអនុវត្តសេចក្តីសម្រេចចិត្តមហាសន្និបាតលើកទី ១៣ វាយតម្លៃគ្រប់ជ្រុងជ្រោយចំពោះសមិទ្ធផលដែលសម្រេចបាន ព្រមទាំងបង្ហាញពីចំណុចខ្វះខាតនិងមូលហេតុ។ ផ្អែកលើមូលដ្ឋានទាំងនោះ មហាសន្និបាតបានកំណត់ទិសដៅ ភារកិច្ច និងដំណោះស្រាយអភិវឌ្ឍប្រទេសជាតិក្នុងដំណាក់កាលថ្មី ឆ្ពោះទិសដៅអភិវឌ្ឍឆាប់រហ័ស ចីរភាពដល់ឆ្នាំ ២០៣០ និងចក្ខុវិស័យដល់ឆ្នាំ ២០៤៥។
ឯកសារមហាសន្និបាតបានត្រៀមបម្រុងយ៉ាងហ្មត់ចត់ ប្រកបដោយវិទ្យាសាស្ត្រ រួបរួមបញ្ញានៃទូទាំងបក្ស ទូទាំងប្រជាជន ទូទាំងកងទ័ព។ សេចក្តីសម្រេចចិត្តនៃមហាសន្និបាតបានសង្កត់ធ្ងន់លើតម្រូវការជំរុញមាំឧស្សាហកម្ម និងភាវូបនីយកម្មទំនើប ផ្សារភ្ជាប់នឹងវិទ្យាសាស្ត្រ-បច្ចេកវិទ្យា ផ្លាស់ថ្មីច្នៃប្រតិដ្ឋនិងផ្លាស់ប្តូរឌីជីថល អភិវឌ្ឍសេដ្ឋកិច្ចភ្ជាប់នឹងភាពជឿនលឿន សមភាពសង្គម; កសាងនិងពង្រីកតម្លៃវប្បធម៌ មនុស្សវៀតណាម; រក្សារឹងមាំការការពារប្រទេស សន្តិសុខ ធានាបរិស្ថានសន្តិភាព ស្ថិរភាពសម្រាប់ការអភិវឌ្ឍប្រទេសជាតិ។ ពិសេស មហាសន្និបាតបន្តបញ្ជាក់ពីការកសាងកែលម្អបក្សនិងប្រព័ន្ធនយោបាយស្អាតស្អំ រឹងមាំលើគ្រប់វិស័យ គឺជាភារកិច្ចដ៏សំខាន់; ប្តេជ្ញាចិត្ត តស៊ូបង្ការប្រឆាំងអំពើពុករលុយ ភាពអសកម្ម ដើម្បីឆ្លើយតបទៅនឹងតម្រូវការដឹកនាំប្រទេសក្នុងសម័យកាលអភិវឌ្ឍន៍ថ្មី។
អនុវត្តតាមកិច្ចចង្អុលការរបស់ការិយាល័យនយោបាយ គណៈលេខាមជ្ឈិមបក្ស សន្និបាតទូទាំងប្រទេស ស្តីពីការសិក្សាស្រាវជ្រាវរៀនសូត្រ បញ្ជ្រាបសេចក្តីសម្រេចចិត្តមហាសន្និបាត លើកទី ១៤ បានចាត់តាំងតាមរូបភាពផ្សាយផ្ទាល់នៅសាលប្រជុំយៀងហ៊ុង (អគាររដ្ឋសភា) តភ្ជាប់ប្រព័ន្ធអនឡាញទៅកាន់ទីតាំងនៅតាមស្ថាប័ន ក្រសួង គណៈ ផ្នែកនិងភូមិភាគនានាក្នុងទូទាំងប្រទេស។ នៅក្រុងកឹងធើ សន្និបាតបានតភ្ជាប់ទៅកាន់ឃុំ សង្កាត់ទាំង ១០០% ដើម្បីបក្ខជនទាំងអស់ចូលរួម។
បក្ខជននៅសង្កាត់ភូឡើយ ចូលរួមសន្និបាតតាមប្រព័ន្ធអនឡាញទូទាំងប្រទេស សិក្សាស្រាវជ្រាវ រៀនសូត្រ បញ្ជ្រាបសេចក្តីសម្រេចចិត្តមហាសន្និបាតលើកទី១៤។
ដើម្បីនាំយកសេចក្តីសម្រេចចិត្តទៅក្នុងជីវភាពឆាប់រហ័ស បក្ខភាគឃុំមីហឿង បានចាត់តាំងសន្និបាតបញ្ជ្រាបនិងកសាងកម្មវិធីសកម្ម ភាពស្របនឹងស្ថានភាពជាក់ស្តែងនៅភូមិភាគ។ អ្នកស្រី ង្វៀងធីហ៊ុងកឹម លេខាគណៈកម្មាធិការបក្សឃុំមីហឿង ឱ្យដឹង៖ មីហឿង ជាឃុំដែលមានជនរួមជាតិខ្មែររស់នៅកុះករ ក្នុងនោះ បក្ខជនជាជនជាតិខ្មែរស្រូបអត្រាជិត ៤០% នៃចំនួនបក្ខជនទូទាំងឃុំ ដូច្នេះ គណៈកម្មាធិការបក្ស តែងផ្តោតការយកចិត្តទុកដាក់ពិសេសដល់ការងារផ្សព្វផ្សាយស្របនឹងលក្ខណៈពិសេសរបស់ភូមិភាគ។ គណៈកម្មាធិការបក្ស បានចាត់តាំងបញ្ជ្រាបស៊ីជម្រៅទូលំទូលាយ តាមរយៈសន្និបាតរៀនសូត្រ កិច្ចប្រជុំប្រធានបទសាខាបក្ស; ផ្គួបបញ្ចូលខ្លឹមសារសេចក្តីសម្រេចចិត្តក្នុងកិច្ចប្រជុំតាមកាលកំណត់របស់អង្គការមហាជននានា; ជំរុញការផ្សព្វផ្សាយដោយរូបភាពបន្តផ្ទាល់ ងាយយល់ គួបផ្សំនឹងការផ្សព្វផ្សាយផ្ទាល់មាត់ តាមរយៈពិធីបុណ្យទានផ្សេងៗ ប្រជុំសកម្មភាពសាសនា។ ទន្ទឹមនឹងនោះ ពង្រីកតួនាទីអ្នកមានប្រិយភាព អ្នកមុខអ្នកការសាសនា កម្មាភិបាលជនជាតិខ្មែរ កងជួរឃោសនិកនៅមូលដ្ឋាន; បង្កើនការប្រើប្រាស់ឧភយភាសាវៀត-ខ្មែរ ដើម្បីធានាខ្លឹមសារផ្សព្វផ្សាយងាយស្រួលយល់សមស្របនឹងទំនៀមទម្លាប់ប្រពៃណីរបស់ជនរួមជាតិ។
លោកស្រី ង្វៀងធីហ៊ុងកឹម អះអាង៖ ជោគជ័យនៃមហាសន្និបាតលើកទី ១៤ បានបង្កជាសម្ទុះកម្លាំងជំរុញថ្មីដល់ទូទាំងបក្ខភាគនិងប្រជាជននៅមូលដ្ឋាន។ ផ្អែកលើមូលដ្ឋាននៃទិសដៅសំខាន់ៗ ឃុំក៏បានកសាងកម្មវិធីសកម្មភាពជាក់ស្តែង ប្តេជ្ញាចិត្តកសាងអង្គភាពបក្សស្អាតស្អំ រឹងមាំ ជំរុញការអភិវឌ្ឍសេដ្ឋកិច្ច-សង្គម ឆាប់រហ័សនិងប្រកបដោយចីរភាព។
ក្រោយពីមហាសន្និបាតលើកទី ១៤ គណៈបញ្ជាការកងទ័ពការពារព្រំដែនទីក្រុងកឹងធើ បានចាត់តាំងសន្និបាតបញ្ជ្រាបសេចក្តីសម្រេចចិត្តដល់កម្មាភិបាល បក្ខជន មហាជនក្នុងស្ថាប័ននិងថ្នាក់ដឹកនាំគ្រប់អង្គភាពនៅមូលដ្ឋាន។ លោក វរសេនីយ៍ឯក ហាហ្វីទ្រឿង ស្នងការនយោបាយរងនៃគណៈបញ្ជាការកងទ័ពការពារព្រំដែនទីក្រុងកឹងធើ បញ្ជាក់៖ ការសិក្សាស្រាវជ្រាវ រៀនសូត្រ បញ្ជ្រាបសេចក្តីសម្រេចចិត្តមហាសន្និបាត តំណាងទូទាំងប្រទេសលើកទី ១៤ របស់បក្ស មានអត្ថន័យសំខាន់ពិសេស រួមចំណែកនាំយកសេចក្តីសម្រេចចិត្តរបស់បក្សទៅក្នុងជីវភាពឆាប់រហ័ស លើកទឹកចិត្តដល់កម្មាភិបាល យុទ្ធជន ដើម្បីពង្រីកប្រវេណី លើកកម្ពស់គោលជំហរស្មារតីទទួលខុសត្រូវក្នុងការត្រៀមទទួលនិងអនុវត្តសម្រេចល្អនូវរាល់ភារកិច្ចដែលបានប្រគល់។ ផ្អែកលើមូលដ្ឋានខ្លឹមសារដែលបានបញ្ជ្រាបនៅសន្និបាត គ្រប់អង្គភាពបន្តចាត់តាំងការឃោសនា ផ្សព្វផ្សាយស៊ីជម្រៅទូលំទូលាយសេចក្តីសម្រេចចិត្តមហាសន្និបាតដល់កម្មាភិបាល បក្ខជននិងមហាជនទាំងអស់ក្នុងអង្គភាព; ទន្ទឹមនឹងនោះ ក៏បានកសាងកម្មវិធី ផែនការសកម្មភាពស្របនឹងស្ថានភាពជាក់ស្តែង ភ្ជាប់នឹងការរៀនសូត្រ បញ្ជ្រាបសេចក្តីសម្រេចចិត្តជាមួយការអនុវត្តជោគជ័យភារកិច្ចគ្រប់គ្រង ការពារអធិបតេយ្យសន្តិសុខព្រំដែនជាតិលើភូមិឋានទីក្រុង។
កម្មាភិបាល យុទ្ធជននៃគណៈបញ្ជាការកងទ័ពការពារព្រំដែនទីក្រុងកឹងធើ ចូលរួមសន្និបាតតាមប្រព័ន្ធអនឡាញទូទាំងប្រទេស សិក្សាស្រាវជ្រាវ រៀនសូត្រ បញ្ជ្រាបសេចក្តីសម្រេចចិត្តមហាសន្និបាតលើកទី១៤។
លោកវរសេនីយ៍ឯក ហាហ្វីទ្រឿង បានលើកឡើងថា ឆ្លងតាមរយៈអង្គសន្និបាត កម្មាភិបាល បក្ខជននិងមហាជនក្នុងស្ថាប័ននៃគណៈបញ្ជាការកងទ័ពការពារព្រំដែនទីក្រុង បានក្តាប់ច្បាស់ ស្មារតីមហាសន្និបាតទាន់ពេល; ឯកភាពឆន្ទៈ និងសកម្មភាព បង្កើនការយល់ដឹងផ្នែកខាងនយោបាយ ពង្រឹងទំនុកចិត្តលើការដឹកនាំរបស់បក្ស ផ្សារភ្ជាប់នឹងការអនុវត្តជោគជ័យនូវភារកិច្ចគ្រប់គ្រង ការពាររឹងមាំអធិបតេយ្យ សន្តិសុខព្រំដែនកោះសមុទ្ររបស់ទីក្រុងក្នុងស្ថានភាពថ្មី។
ចំណុចពិសេស យោងតាមការវាយតម្លៃរបស់សមមិត្តអគ្គលេខាបក្ស តូឡឹម ក្នុង ១៤ លើក ដែលចាត់តាំងមហាសន្និបាត គឺមហាសន្និបាតលើកទី ១៤ ជាលើកដំបូងដែលកម្មវិធីសកម្មភាពបានគណៈប្រតិបត្តិការមជ្ឈិមបក្សប្រកាស ឱ្យភ្ជាប់ជាមួយនឹងសេចក្តីសម្រេចចិត្ត ដើម្បីអនុវត្តឱ្យបានឆាប់រហ័សនិងមានប្រសិទ្ធភាពឯកសារដែលបានអនុម័ត។ កម្មវិធីសកម្មភាពបានដាក់ចេញនូវភារកិច្ច ផែនការសំណង់ និងគម្រោងសំខាន់ៗប្រកបដោយលក្ខណៈយុទ្ធសាស្ត្រក្នុងដំណាក់កាល ២០២៦-២០៣០ ចាត់ការងារជាក់ស្តែង ប្រភពកម្លាំងច្បាស់លាស់ល្បឿនដំណើរការនិងលក្ខខណ្ឌចាំបាច់ដើម្បីអនុវត្តធ្វើជាមូលដ្ឋានគ្រឹះដ៏សំខាន់សម្រាប់គ្រប់ថ្នាក់ គ្រប់ផ្នែក អនុវត្តតាមតួនាទី ភារកិច្ចនិងសិទ្ធិអំណាចដែលបានប្រគល់ រួមចំណែកអនុវត្តជោគជ័យទិសដៅដែលមហាសន្និបាតលើកទី ១៤ ដាក់ចេញ៕
យ្វីអាញ-មុនី
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
ពាក្យគន្លឹះ