សន្តិសុខ - ការពារប្រទេស ការពារប្រទេស

09/04/2026 - 08:47

ពង្រីកប្រសិទ្ធភាពក្លឹបប្រទះឃើញ ថ្កោលទោសនិងព័ទ្ធចាប់ជនល្មើស

ក្លឹបប្រទះឃើញ ថ្កោលទោសនិងព័ទ្ធចាប់ជនល្មើសនៅភូមិចុងទង់ ឃុំចូវថាញ់ ខេត្តវិញឡុង បានបង្កើតនៅឆ្នាំ ២០២២ ដោយមានសមាជិក ១៥ នាក់។ ចាប់ពីបង្កើតមកទល់ពេលនេះ ទម្រង់ពង្រីកបានប្រសិទ្ធភាព ផ្តើមពីនោះ ស្ថានភាពសន្តិសុខ សណ្តាប់ធ្នាប់បានរក្សាលំនឹង បន្ថយបទល្មើសនិងបាបគ្រោះសង្គមនៅភូមិភាគគួរឱ្យកត់សម្គាល់។

លោកវរសេនីយ៍ទោ ត្រឹងវ៉ាំងតាម ប្រធានក្រុមបង្ការប្រឆាំងបទល្មើសឃុំចូវថាញ់ កំពុងហ្វឹកហ្វឺនជំនាញដល់សមាជិកក្នុងក្លឹប។

តាមប្រសាសន៍លោកស៊ើងង៉ុកភឿក ប្រធានគណៈប្រជាជនភូមិចុងទង់ និងជាប្រធានក្លឹប ឱ្យដឹង៖ “ពីមុននៅភូមិចុងទង់ ស្ថានភាពបាបគ្រោះសង្គមមានការប្រែប្រួលយ៉ាងស្មុគស្មាញ។ ផ្តើមពីភាពជាក់ស្តែងទាំងនោះ ក្លឹបប្រទះឃើញ ថ្កោលទោសនិងព័ទ្ធចាប់ជនល្មើសបានបង្កើតឡើង។ ភារកិច្ចសំខាន់របស់សមាជិកក្លឹប គឺច្បាមភូមិឋាននិងចូលរួមជាមួយកងកម្លាំងសមត្ថកិច្ចបង្ក្រាបព័ទ្ធចាប់ជនល្មើស ធានាសន្តិសុខ សណ្តាប់ធ្នាប់សង្គម។ ហេតុនេះ ទង្វើបំពានច្បាប់និងបញ្ហាសន្តិសុខសណ្តាប់ធ្នាប់នៅក្នុងភូមិបានកាត់បន្ថយគួរឱ្យកត់ស្គាល់”។

លោកវរសេនីយ៍ទោ ត្រឹងវុាំងតាម ប្រធានក្រុមបង្ការប្រឆាំងបទល្មើសឃុំចូវថាញ់ ឱ្យដឹង៖ “ភូមិចុងទង់មានជនរួមជាតិខ្មែររស់នៅកុះករ ស្រូបអត្រាប្រមាណ ៨០% ។ សមាជិកចូលរួមក្លឹបដោយស្មារតីស្ម័គ្រចិត្ត។ ចាប់ពីបង្កើតក្លឹបមក សមាជិកតែងសហការជាមួយសាខាសមាគម អតីតយុទ្ធជន សាខាសមាគមកសិករនិងកងកម្លាំងនគរបាល ធ្វើការយាមល្បាតលើភូមិឋានជាប្រចាំ ពេលប្រទះឃើញហេតុការណ៍ចម្លែក សមាជិកផ្តល់ដំណឹងជាបន្ទាន់ដល់កងកម្លាំងសមត្ថកិច្ច ដើម្បីចាត់ការទាន់ពេល។ ឆ្នាំ ២០២៥ ភូមិចុងទង់គ្មានករណីល្មើសច្បាប់សណ្តាប់ធ្នាប់សង្គមមួយករណីណាឡើយ”។

ចូលរួមក្លឹបតាំងពីទើបបង្កើត លោកថាច់សល សមាជិកក្លឹប ឱ្យដឹង៖ ពេលចូលរួមក្លឹប សមាជិកទាំងឡាយបានផ្នែកសមត្ថកិច្ចហ្វឹកហ្វឺនជំនាញបង្ការ ប្រឆាំងជនល្មើសនិងបង្ក្រាបបទល្មើសផ្សេងៗ។ ទន្ទឹមនឹងនោះ សមាជិកក្នុងក្លឹបក៏បានផ្តល់ដំណឹងសំខាន់ៗ ព្រមទាំងចូលរួមជាមួយកងកម្លាំងដើរល្បាត ចាត់ការចំពោះករណីល្មើសច្បាប់ជាច្រើន”។

ដើម្បីបន្តពង្រីកប្រសិទ្ធភាពទម្រង់ជារៀងរាល់ឆ្នាំ សមាជិកក្លឹបបានចូលរួមវគ្គហ្វឹកហ្វឺនជំនាញ បំពេញចំណេះដឹងខាងច្បាប់ លើកកម្ពស់បំណិនបង្ការប្រឆាំងបទល្មើស។ ជាមួយស្មារតីទទួលខុសត្រូវខ្ពស់ សមាជិកក្លឹបប្រទះឃើញ ថ្កោលទោសនិងព័ទ្ធចាប់ជនល្មើស រួមចំណែករក្សារឹងមាំសន្តិសុខសណ្តាប់ធ្នាប់ កសាងភូមិស្រុកសុខសាន្តពីមួយថ្ងៃទៅមួយថ្ងៃ៕

សើុងម៉ាល័យ-មុនី

ចែករំលែកអត្ថបទ

ពាក្យគន្លឹះ