សុខភាព - អប់រំ អប់រំ

09/01/2026 - 11:11

លើកកម្ពស់គុណភាពបង្រៀននិងរៀន

ជ្រួតជ្រាបពាក្យប្រៀនប្រដៅរបស់ប្រធានហូជីមិញ “ដើម្បីប្រយោជន៍១០ឆ្នាំត្រូវដាំដើមឈើ ដើម្បីប្រយោជន៍រយឆ្នាំត្រូវបណ្តុះបណ្តាលមនុស្ស” សាខាបក្សសាលាបឋមសិក្សាវ៉ទ្រឿងទ្វង នៅសង្កាត់កាយខេ បានផ្តុំកម្លាំងផ្សព្វផ្សាយបណ្តាដំណោះស្រាយលើកកម្ពស់គុណភាពបង្រៀននិងរៀន។ សាខាបក្សជាច្រើនឆ្នាំបន្តបន្ទាប់សម្រេចឆ្នើមភារកិច្ច ហើយបានទទួលគ្រឿងឥស្សរិយយសពលកម្មលេខ៣។

ម៉ោរៀនរបស់សិស្សសាលាបឋមសិក្សាវ៉ទ្រឿងទ្វង។

តាមអ្នកគ្រូដិញធីថាវ លេខាសាខាបក្ស ចាងហ្វាងសាលាបឋមសិក្សាវ៉ទ្រឿងទ្វង រៀងរាល់ឆ្នាំសាខាគណៈកម្មាធិការបក្ស គណៈចាងហ្វាងសាលាតែងផ្សព្វផ្សាយផែនការរៀនសូត្រនិងធ្វើតាមគំរូអ៊ំផ្សាភ្ជាប់ជាមួយបណ្តាចលនាប្រឡងប្រណាំងរបស់ផ្នែក។ បណ្តាបក្ខជន គ្រូបង្រៀនបានចុះឈ្មោះខ្លឹមសារធ្វើតាមគំរូអ៊ំរួមជាមួយភារកិច្ចបានប្រគល់ រួមបញ្ចូលយកឧត្តមគតិ សីលធម៌ ឥរិយាបថហូជីមិញចូលទៅក្នុងខ្លឹមសាវិញ្ញាសារៀននិងបណ្តាសកម្មភាពរបស់សាលា។

ការរៀនសូត្រនិងធ្វើតាមគំរូអ៊ំជួយកងជួរបក្ខជន គ្រូបង្រៀនលើកកម្ពស់ស្មារតីគំរូក្នុងអនុវត្តភារកិច្ចរៀនសូត្រមុខជំនាញ។ អ្នកគ្រូង្វៀងមីញៀង ប្រធានក្រុមភាសាបរទេសឱ្យដឹង៖ អាស្រ័យបានសាខាគណៈកម្មាធិការបក្ស ថ្នាក់ដឹកនាំសាលាបង្កលក្ខណៈងាយស្រួល ខ្ញុំបំពេញការងារផងនិងរៀនថ្នាក់មធ្យមសិក្សាទ្រឹស្តីនយោបាយផង។ ខ្ញុំយល់ថា ជាបក្ខជនត្រូវធ្វើជាគំរូក្នុងការរៀនសូត្រលើកកម្ពស់វិជ្ជាជំនាញនិងវិធីបង្រៀនថ្មីសំដៅលើកកម្ពស់ប្រសិទ្ធភាពក្នុងការងារបង្រៀន”។

តាមអ្នកគ្រូដិញធីថាវ ការផ្សព្វផ្សាយរៀនសូត្រនិងធ្វើតាមឧត្តមគតិ សីលធម៌ ឥរិយាបថហូជីមិញ មានបក្ខជន គ្រូបង្រៀននិងសិស្សជាច្រើន បានខ្នះខ្នែងឈានមុខក្នុងបណ្តាចលនាប្រឡងប្រណាំង។ ឆ្នាំសិក្សា ២០២៤-២០២៥ សាលាមានគ្រូបង្រៀនពូកែ និងគ្រូបង្រៀនប្រចាំថ្នាក់ពូកែ៣០រូប មានប្រធានបទស្រាវជ្រាវវិទ្យាសាស្ត្រច្នៃប្រតិដ្ឋបទពិសោធន៍គ្រប់ថ្នាក់ចំនួន៣០ មានផលិតផលប្រឡងឧបករណ៍បង្រៀនសម្រចថ្នាក់ទីក្រុងចំនួន៦។ សាលាមានគ្រូបង្រៀនសម្រេចកម្រិតបណ្តុះបណ្តាល៧៧% កម្មាភិបាលគ្រប់គ្រង គ្រូបង្រៀនសម្រេចលើកម្រិត៤,៨% សិស្សសាលាទទួលបានរង្វាន់ថ្នាក់ជាតិចំនួន៥៤និងរង្វាន់ថ្នាក់ទីក្រុងចំនួន១៦៣។ល។

អ្នកគ្រូង្វៀងគីមងឹង គ្រូបង្រៀនថ្នាក់ទី១A២ ប្រធានក្រុមជំនាញប្លុក១ ជាបក្ខជនសម្រេចឆ្នើមភារកិច្ចច្រើនឆ្នាំបន្តបន្ទាប់។ ឆ្នាំសិក្សា២០២៤-២០២៥ អ្នកគ្រូងឹងទទួលបានប័ណ្ណសរសើររបស់នាយករដ្ឋមន្ត្រីរដ្ឋាភិបាល។ អ្នកគ្រូឱ្យដឹង៖ "រៀនតាមគំរូអ៊ំ ខ្ញុំលើកកម្ពស់ស្មារតីទទួលខុសត្រូវនិងតែងជាគំរូឈានមុខ។ បានសាខាគណៈកម្មាធិការបក្ស ថ្នាក់ដឹកនាំសាលាយកចិត្តទុកដាក់បង្កលក្ខណៈ មិត្តរួមអាជិពឧបត្ថម្ភនិងការខំប្រឹងរបស់ខ្លួន ខ្ញុំទទួលបានរង្វាន់ជាច្រើននៅបណ្តាពិធីប្រឡង។ ក្នុងការបង្រៀន ខ្ញុំតែងអប់រំប្អូនៗហាត់ពត់សីលធម៌ក្លាយជាកូនល្អ សិស្សពូកែ។

ច្រើនឆ្នាំបន្តបន្ទាប់ សាខាបក្ខសាលាបឋមសិក្សាវ៉ទ្រឿងទ្វងអនុវត្តសម្រេចលើសភាគកម្រិតបញ្ចូលបក្ខជនថ្មី។ អ្នកគ្រូផាមហាគីវខាញ គ្រូបង្រៀនថ្នាក់ទី១A១២ ឱ្យដឹង៖ “រយៈពេលកន្លង ខ្ញុំផ្តុំកម្លាំងផ្លាស់ថ្មីវិធីបង្រៀនតាមរយៈការអនុវត្តបចេ្ចកវិទ្យាបញ្ចាំងរូបភាព clip អនុវត្តទម្រង់វិស្សុតកម្ម ចាត់តាំងបណ្តាល្បែងលេងចលនា។ល។ ជួយសិស្សងាយយល់ក្រេបជញ្ជក់ចំណេះដឹងបណ្តាវិញ្ញាសា។ ឆ្នាំ២០២៥ ខ្ញុំបានបញ្ចូលក្នុងកងជួរបក្ស។ នេះជាក្តីមោទនៈ កម្លាំងជំរុញដើម្បីខ្ញុំបន្តរប្រឹងប្រែងជាងទៀតក្នុងបណ្តាផ្នែកការងារ”។

ឆ្នាំសិក្សា២០២៤-២០២៥ គណៈចាងហ្វាងសាលាវ៉ទ្រឿងទ្វង បានបង្កើនការចលនាក្នុងសង្គមឧបត្ថម្ភសៀវភៅសិក្សាគោល៥០ចប់ដល់សិស្សមានស្ថានភាពលំបាក ឧបត្ថម្ភធានារ៉ាប់រងសុខាភិ បាល ធានារ៉ាប់រងគ្រោះថ្នាក់ដល់សិស្ស១០រូប ជូនអំណោយបុណ្យសំពះព្រះខែតម្លៃ១៦លានដុង ចាត់តាំងបំបែកជ្រូកដីជូនអំណោយ៣០ចំណែកតម្លៃ៩,៥លានដុងដល់សិស្សមានស្ថានភាពលំបាក។ ទន្ទឹមនោះបំផុសចលនាបានជិត១០០លានដុងជំនួយគ្រួសារសិស្សរបស់សាលារងគ្រោះអគ្គិភ័យ។ល។

រៀនសូត្រនិងធ្វើតាមឧត្តគតិ សីលធម៌ ឥរិយាបឋហូជីមិញ ជាច្រើនឆ្នាំបន្តបន្ទាប់សាខាបក្ខសាលាវ៉ទ្រឿងទ្វងបានវាយតម្លៃសម្រេចឆ្នើមភារកិច្ច។ សាលាបានទទួលស្គាល់ជាសមូហភាពពលកម្មឆ្នើម មានកិត្តិយសបានទទួលគ្រឿងឥស្សរិយយសពលកម្មលេខ៣ បានមន្ទីអប់រំនិងបណ្តុះបណ្តាលទីក្រុងជ្រើសស្នើរដ្ឋាភិបាលជូនទង់ប្រឡងប្រណាំងឆ្នាំសិក្សា២០២៤-២០២៥៕

ងុកគ្វៀង-ចន្ថា

ចែករំលែកអត្ថបទ

ពាក្យគន្លឹះ