មហាសាមគ្គីជនជាតិ គំរូក្នុងសហគមន៍

23/12/2025 - 07:25

ព្រះតេជព្រះគុណយ័ញជួយ អស់ពីព្រះទ័យដើម្បីសហគមន៍

អស់រយៈពេលជាង ៣០ ឆ្នាំ កាន់តំណែងជាព្រះចៅអធិការវត្តសិរីវង្សា (ស្រែសៀមថ្មី) ឃុំប៊ិញអាង ខេត្តអាងយ៉ាង ព្រះតេជព្រះគុណយ័ញជួយ តែងមានទឹកព្រះទ័យប្រកបដោយព្រហ្មវិហារធម៌ ខ្នះខ្នែងចំពោះកិច្ចការសាសនានិងសកម្មរួមដំណើរជាមួយរដ្ឋអំណាចក្នុងការកសាងជនបទថ្មី រួមចំណែកពង្រឹងធ្លុងមហាសាមគ្គីក្នុងសហគមន៍។

ព្រះតេជព្រះគុណយ័ញជួយ ព្រះចៅអធិការវត្តសិរីវង្សាស្រែសៀមថ្មី។

លោកយ័ញសុខផាន់ ប្រធានភូមិស្រែសៀមថ្មី ឱ្យដឹង៖ “ព្រះតេជព្រះគុណ យ័ញជួយ តែងជិតដិតនិងយកចិត្តទុកដាក់ ជីវភាពមាមីងពុទ្ធបរិស័ទ និងផ្សព្វផ្សាយគោលការណ៍របស់បក្ស គោលនយោបាយច្បាប់របស់រដ្ឋជារឿយៗ។ ក្នុងភូមិមានកិច្ចការអ្វីត្រូវការចលនាឬសម្រុះសម្រួល ព្រះអង្គតែងអស់់ពីព្រះទ័យចូលរួម ហើយតែងបានមាមីងជឿទុកចិត្ត អនុវត្តតាមជានិច្ច”។

ពិសេសការរួមចំណែកដ៏លេចធ្លោរបស់ព្រះតេជព្រះគុណ បានបង្ហាញយ៉ាងច្បាស់តាមរយៈ សំណង់បម្រើជីវភាពប្រជាជន។ អាស្រ័យប្រិយភាពនិងស្មារតីដើម្បីសហគមន៍ ព្រះអង្គបាន ចលនាសប្បុរសជននិងមាមីងក្នុងភូមិកសាងស្ពានបានចំនួន ១២ គិតជាតម្លៃទឹកប្រាក់ជាង ១ ពាន់លានដុង រួមចំណែកបង្កលក្ខណៈងាយស្រួលសម្រាប់ការបង្កបង្កើនផល ប្រជុំជីវភាព និងដោះដូរពាណិជ្ជកម្មរបស់ប្រជាជន។

ទន្ទឹមនឹងនោះ ព្រះអង្គតែងយកចិត្តទុកដាក់លើវិស័យអប់រំ ពិសេសគឺការរក្សានិងបង្រៀន អក្សរខ្មែរដល់កូនចៅពុទ្ធបរិស័ទ។ រដូវវិស្សមកាលឆ្នាំ ២០២៥ ព្រះអង្គបានសហការជាមួយគណៈកម្មការនិងរដ្ឋអំណាចភូមិភាគ បើកថ្នាក់បង្រៀនអក្សរខ្មែរដល់សិស្សានុសិស្សជាង ២០០ នាក់នៅទីតាំងបឋមសិក្សា ៣ កន្លែងគឺ៖ ស្រែសៀមថ្មី ស្រែសៀមចាស់ និងមិញផុង។ ព្រះតេជព្រះគុណយ័ញជួយ ថែមទាំងខ្នះខ្នែងក្នុងការអភិរក្សវប្បធម៌សិល្បៈប្រពៃណីរបស់ជនរួមជាតិខ្មែរទៀតផង។ ការបង្កើតក្លឹបរបាំ ភ្លេងពិណពាទ្យ ចូលរួមពិធីប្រណាំងទូក-ង បានបង្កបរិស្ថានប្រជុំជីវភាពវប្បធម៌ កីឡា កម្សាន្តសប្បាយសម្រាប់យុវជនក្នុងចំណុះជើងវត្ត។ មិនតែប៉ុណ្ណោះ ព្រះតេជព្រះគុណយ័ញជួយ ក៏ជាតំណាងក្រុមប្រឹក្សាប្រជាជនឃុំ ៣ អាណត្តិ ព្រះអង្គតែងឆ្លុះបញ្ចាំងពីជីវភាព បំណងប្រាថ្នារបស់មាមីងខ្មែរ រួមចំណែកពាំនាំគោលនយោបាយសុខុមាលភាព ជនជាតិ - សាសនាជាច្រើនផ្សព្វផ្សាយដល់ជនរួមជាតិខ្មែរ។

ជាមួយនឹងការរួមចំណែកយ៉ាងសកម្មទាំងនោះ ព្រះតេជព្រះគុណយ័ញជួយ បានគណៈកម្មាធិការជនជាតិប្រទានគ្រឿងឥស្សរិយយស “ដើម្បីបុព្វហេតុអភិវឌ្ឍជនជាតិ”; បណ្ណសរសើរ លិខិតសរសើរជាច្រើនរបស់រដ្ឋអំណាចគ្រប់លំដាប់ថ្នាក់ចាប់ពីភូមិភាគដល់មជ្ឈិម សំដៅកត់សម្គាល់នូវការរួមចំណែករបស់ព្រះតេជព្រះគុណ ដើម្បីសហគមន៍ ជនជាតិ និងក្នុងការកសាងផែនមហាសាមគ្គី៘

លោកយ័ញភុក នាយកមន្ទីរជនជាតិសាសនាខេត្ត ឱ្យដឹង៖ “អ្នកមានប្រិយភាពគឺជាស្នូលនៃផែនមហាសាមគ្គី ជាស្ពានតភ្ជាប់រវាងបក្ស រដ្ឋ ជាមួយប្រជាជន។ ពង្រីកតួនាទីរបស់ពួកគាត់គឺជាការរួមចំណែកកសាងស្ថិរភាពនិងអភិវឌ្ឍដោយចីរភាពរបស់ខេត្តអាងយ៉ាង”៕

ហុងទើ- លីសៀ

ចែករំលែកអត្ថបទ

ពាក្យគន្លឹះ