គោលនយោបាយ -ការរស់នៅ ការរស់នៅ

16/12/2025 - 09:14

លំនៅឋានដ៏កក់ក្តៅសម្រាប់ប្រជាជន

កំណត់ច្បាស់ការបំបាត់ផ្ទះបណ្ដោះអាសន្ន ផ្ទះទ្រុឌទ្រោមជាភារកិច្ចដ៏សំខាន់ រយៈពេលកន្លង គណៈកម្មាធិការបក្ស និងរដ្ឋអំណាចទីក្រុងកឹងធើ បានផ្សព្វផ្សាយនិងអនុវត្តប្រកបដោយប្រសិទ្ធភាព។ តាមរយៈនោះ បានជួយគ្រួសារមានសគុណគ្រួសារក្រីក្រ គ្រួសារក្បែរក្រជាច្រើនមានផ្ទះ សម្បែងស្នាក់នៅលំនឹង ប្រឹងប្រែងឈានឡើងចាកផុតពីភាពក្រីក្រដោយចីរភាព។

បងឡឹមហ្វា (ខាងស្តាំ) នៅឃុំឡឹមតឹង បានឧបត្ថម្ភផ្ទះពីកម្មវិធីបំបាត់ផ្ទះបណ្ដោះអាសន្ន ផ្ទះទ្រុឌទ្រោម។

តាមសម្ដីសមមិត្ត ដាវធីឡងអាញ ប្រធានគណៈកម្មាធិការប្រជាជនឃុំវិញទ្វឹងដុង ជាមួយទិសស្លោក “មិនទុកចោលនរណាម្នាក់នៅខាងក្រោយ” ជាច្រើនឆ្នាំមកនេះ គណៈកម្មាធិការបក្សនិងរដ្ឋអំណាចឃុំវិញទ្វឹងដុង បានខិតខំប្រឹងប្រែងដោយឥតឈប់ឈរ ដើម្បីកែលម្អជីវភាពរបស់ប្រជាជន ពិសេសគឺគ្រួសារក្រីក្រ គ្រួសារក្បែរក្រនិងជនជាតិភាគតិច។ អាស្រ័យកម្មវិធីបំបាត់ផ្ទះបណ្ដោះអាសន្ន ផ្ទះទ្រុឌទ្រោម ទើបផ្ទះបណ្ដោះអាសន្នទាំងនោះបានជំនួសវិញ ដោយផ្ទះមាំមួន ធ្វើឱ្យប្រជាជនមានភាពកក់ក្តៅ។

ពីមុននេះ ផ្ទះលោកយាយធីឌីម នៅភូមិ៨B ឃុំវិញទ្វឹងដុង ពេលភ្លៀងម្ដងៗទឹកស្រក់ពាសពេញ ធ្វើឱ្យជីវភាពគ្រួសារជួបការលំបាកច្រើន។ អាស្រ័យបានទទួលការឧបត្ថម្ភ៦០លានដុងពីកម្មវិធីបំបាត់ផ្ទះបណ្ដោះអាសន្ន លោកយាយសង់ បានផ្ទះរឹងមាំមួយខ្នង។ បានដឹងថា គ្រួសារលោកយាយក្រ គ្មានទីពឹង រស់នៅជាមួយកូនស្រីពៅ តែជីវភាពលំបាក បានទៅធ្វើការឆ្ងាយដើម្បីគិតគូរជីវភាព។ ឃើញស្ថានភាពដូច្នេះ ក្នុងឆ្នាំ២០២៣ រដ្ឋអំណាចបានពិនិត្យនិងឧបត្ថម្ភសាងសង់ផ្ទះ ដើម្បីលោកយាយមានផ្ទះសម្បែងរស់នៅលំនឹងសម្រាប់វ័យចាស់។

ផ្ទះថ្មីបាននាំមកភាពសប្បាយរីករាយ សុភមង្គលសម្រាប់គ្រួសារដែលបានទទួលផលកម្មវិធី។ បងឡឹមហ្វា នៅភូមិទ្រុងប៊ិញ ឃុំឡឹមតឹង ឱ្យដឹងដោយក្ដីរីករាយ៖ “ប៉ុន្មានឆ្នាំមុន គ្រួសារខ្ញុំរស់នៅក្នុងផ្ទះស្លឹកទ្រុឌទ្រោម។ ឥឡូវនេះ បានទទួលការឧបត្ថម្ភ៦០លានដុងពីកម្មវិធីបំបាត់ផ្ទះ បណ្ដោះអាសន្ន ផ្ទះទ្រុឌទ្រោម ខ្ញុំរួមប្រាក់បន្ថែម សង់បានផ្ទះរឹងមាំមួយខ្នង។ ចាប់ពីពេលនេះទៅ គ្រួសារខ្ញុំលែងបារម្ភពេលភ្លៀងទៀតហើយ”។ តាមរយៈស្វែងយល់ ទើបដឹងថា ជីវភាពគ្រួសារបងហ្វាមានការលំបាក គ្មានដីផលិត ប្តីប្រពន្ធគាត់ដើរធ្វើការឈ្នួល ចំណូលមិនទៀងទាត់ ម្ល៉ោះហើយពិបាកសង់បានផ្ទះ។ ឥឡូវ បានរដ្ឋអំណាច ពិនិត្យនិងឧបត្ថម្ភសង់ផ្ទះជួយឱ្យគ្រួសារបងឡឹមហ្វា មានកន្លែងជ្រកក្តៅ ជ្រកភ្លៀង ហើយលំនឹងចិត្តពលកម្មផលិតនិងឈានឡើងចាកពីភាពក្រីក្រ។

“ឃើញថា កម្មវិធី “បំបាត់ផ្ទះបណ្ដោះអាសន្ន ផ្ទះទ្រុឌទ្រោម” បាននាំមកជូនប្រជាជនលើភូមិឋានទីក្រុងកឹងធើ ផ្ទះសម្បែងរឹងមាំ ផ្ដល់ក្តីសង្ឃឹម លើកទឹកចិត្តគ្រួសារក្រីក្រ គ្រួសារក្បែរក្រ គ្រួសារដែលមានជីវភាពលំបាក ឈានឡើងក្នុងជីវភាព។ តាមរយៈនោះ បានបង្ហាញពីការយកចិត្តទុកដាក់យ៉ាងដិតដល់របស់បក្ស រដ្ឋ និងការចូលរួមរបស់សហគមន៍ ដើម្បីជួយមាមីងដែលក្រលំបាកមានជីវភាពកាន់តែល្អប្រសើរ” - សមមិត្ត ង្វៀងវុាំងសូរ ប្រធានគណៈកម្មាធិការប្រជាជនឃុំឡឹមតឹង មានប្រសាសន៍ដូច្នេះ៕

ថាញវ៉ាង-ថាច់ធី

ចែករំលែកអត្ថបទ

ពាក្យគន្លឹះ